Adil Ənvər oğlu Vəliyev (20 aprel 1960, Əfəndilər, Qubadlı rayonu) — Sabunçu Rayon İcra Hakimiyyətinin başçısı.
| Adil Vəliyev | |
|---|---|
| Adil Ənvər oğlu Vəliyev | |
 | |
Vəzifədədir | |
| 14 aprel 2012-ci ildən | |
| Əvvəlki | Əlibaba Əliyev |
| Şəxsi məlumatlar | |
| Doğum tarixi | 20 aprel 1960 (65 yaş) |
| Doğum yeri | |
| Partiya | |
| Təhsili | |
| Fəaliyyəti | dövlət xadimi |
|
|
|
| Təltifləri |
 |
Adil Vəliyev 20 aprel 1960-cı ildə Qubadlı rayonunun Əfəndilər kəndində anadan olmuşdur. 1987-ci ildə Azərbaycan Dövlət Universitetinin Hüquq fakültəsini bitirib.
1977-ci ildə Bakı Elektrik Maşınqayırma Zavodunda (BEMZ) operator kimi əmək fəaliyyətinə başlayıb.
1978–1980-ci illərdə hərbi xidmətdə olub.
1980-ci illərdə əmək fəaliyyətini fasiləsiz olaraq BEMZ-də davam etdirib.
1990–1992-ci illərdə Nərimanov rayon İcra Hakimiyyətində şöbə müdiri və rayon icra hakimiyyəti başçısının müavini vəzifələrində çalışıb.
1992–1996-cı illərdə Bakı şəhər Xalq Deputatları Sovetində Təşkilat şöbəsinin müdiri vəzifəsində çalışıb.
1998–2003-cü illərdə Dövlət Neft Şirkətinin Dənizdə Neft və Qazçıxarma İstehsalat Birliyinin Maddi-texniki təchizat idarəsinin rəis müavini vəzifəsində çalışıb.
2003–2012-ci illər ərzində özünün təsis etdiyi "Euro Style" LTD şirkətinin rəhbəri olmuşdur.
Yeni Azərbaycan Partiyasının üzvüdür.
Ailəlidir. İki övladı var.
Azərbaycan Respublikası Prezidentinin 14 aprel 2012-ci il tarixli Sərəncamı ilə Bakı şəhəri Sabunçu Rayon İcra Hakimiyyətinin başçısı vəzifəsinə təyin edilmişdir.[1]
Azərbaycan Respublikası Prezidenti İlham Əliyevin 2024-cü il 2 fevral tarixli Sərəncamı ilə "Heydər Əliyevin 100 illiyi (1923–2023)" yubiley medalı ilə təltif olunmuşdur.[2]
- ↑ "A.Ə.Vəliyevin Bakı şəhəri Sabunçu rayonu İcra hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı". 2021-04-11 tarixində arxivləşdirilib. İstifadə tarixi: 2020-12-11.
- ↑ "Sabunçu rayonunda "Heydər Əliyevin 100 illiyi (1923-2023)" yubiley medalı ilə təltif edilənlərə medalları təqdim olundu | Azərbaycan Respublikası Bakı şəhəri Sabunçu Rayon İcra Hakimiyyəti". sabunchu-ih.gov.az. İstifadə tarixi: 2024-04-04.