Adil Sadıqov

Adil Sadıqov
Adil Sadıqov
Azərbaycan Kommunist Partiyası Lenin Rayon Komitəsinin birinci katibi
	1981 – 1987
Əvvəlki	Tofiq Axundov
Sonrakı	B. Qasımov
Şəxsi məlumatlar
Doğum tarixi	25 dekabr 1941
Doğum yeri	Bakı, Azərbaycan SSR, SSRİ;
Vəfat tarixi	14 yanvar 1990 (48 yaşında)
Partiya	Sovet İttifaqı Kommunist Partiyası (1969–1990);
Təhsili	Azərbaycan Neft və Kimya İnstitutu (–1965);
Təltifləri

Adil Məmmədtağı oğlu Sadıqov (25 dekabr 1941, Bakı – 14 yanvar 1990) — Azərbaycan dövlət və partiya xadimi, Azərbaycan Kommunist Partiyası Lenin Rayon Komitəsinin birinci katibi (1981–1987), Azərbaycan SSR Ali Sovetinin 11-ci çağırış deputatı.

Həyatı

Adil Məmmədtağı oğlu Sadıqov 25 dekabr 1941-ci ildə Bakıda anadan olmuşdur. 1965-ci ildə Azərbaycan Neft və Kimya İnstitutunu bitirdikdən sonra "Azərneft" Birliyinin "Leninneft" Neft və Qazçıxarma İdarəsində neftçıxarma operatoru vəzifəsində əmək fəaliyyətinə başlamışdır.^[1] Burada o, sahə rəisi, böyük mühəndis – mədən müdirinin müavini, mədən müdiri, mərkəzi mühəndis-texnoloji xidmət rəisinin müavini işləmişdir.^[2]

Adil Sadıqov 1974-cü ildən Azərbaycan Kommunist Partiyası Mərkəzi Komitəsinin Kimya və neft sənayesi şöbəsinin təlimatçısı, şöbə müdirinin müavini vəzifələrində çalışmış, 1981-ci ildə isə Azərbaycan KP Lenin Rayon Komitəsinin birinci katibi seçilmişdir. 1987-ci ildə Azərbaycan KP MK-nın Kimya və neft sənayesi şöbəsinin müdiri təyin edilmiş, 1989-cu ildən isə Azərbaycan KP MK yanında partiya nəzarəti komissiyasının üzvü olmuşdur.^[1]

Adil Sadıqov 1969-cu ildən Sovet İttifaqı Kommunist Partiyasının üzvü olmuş, 11-ci çağırış Azərbaycan SSR Ali Sovetinin deputatı seçilmişdir. Ali Sovetin Sənaye komissiyasının üzvü olmuşdur.^[2]

Adil Sadıqov 14 yanvar 1990-cı ildə 49 yaşında vəfat etmişdir.^[1]

Ailəsi

Həyat yoldaşı — Zemfira Sadıqova (01.12.1941 — 21.03.2023)
- Oğlu Fuad Sadıxov (27.07.1971– 12.11.2015)
  - Nəvəsi Zemfira Sadıxova (2003) - İnşaat Mühəndisi.
  - Nəvəsi Fidan Sadıxova (2007) - Memar - Rəssam.

- Oğlu Azad Sadıxov (08.01.1973)
  - Nəvəsi Adil Sadıxov (2000)
  - Nəvəsi Cəmil Sadıxov (2004)

İstinadlar

↑ ¹ ² ³ Адил Мәммәдтағы оғлу Садыгов // Коммунист. № 13 (21081). 16 јанвар 1990-ҹы ил. С. 4.
↑ ¹ ² Садыгов Адил Мәммәдтағы оғлу // Азәрбајҹан ССР Али Советинин депутатлары. Он биринҹи чағырыш. Бакы: Азәрбајҹан ССР Али Совети Рәјасәт Һеј'әтинин нәшри. 1985. С. 344.

[kom90-1] ¹ ² ³ Адил Мәммәдтағы оғлу Садыгов // Коммунист. № 13 (21081). 16 јанвар 1990-ҹы ил. С. 4.

[dep11-2] ¹ ² Садыгов Адил Мәммәдтағы оғлу // Азәрбајҹан ССР Али Советинин депутатлары. Он биринҹи чағырыш. Бакы: Азәрбајҹан ССР Али Совети Рәјасәт Һеј'әтинин нәшри. 1985. С. 344.

[1]

[2]