Adil Əlviz oğlu İsmayılov (5 iyul 1957, Göyçay – 3 dekabr 2020, Bakı) — hüquqşünas, ictimai xadim, vəkil, Azərbaycan Respublikası Vəkillər Kollegiyasının üzvü.[1] 1990-cı və 2000-ci illərdə məşhur məhkəmə proseslərinin iştirakçısı.
| Adil İsmayılov | |
|---|---|
| Adil Əlviz oğlu İsmayılov | |
 | |
| Doğum tarixi | 5 iyul 1957 |
| Doğum yeri | |
| Vəfat tarixi | 3 dekabr 2020 (63 yaşında) |
| Vəfat yeri | |
| Vəfat səbəbi | COVID-19 |
| Milliyyəti | azərbaycanlı |
| İxtisası | Hüquqşünas |
| Təhsili | |
| Fəaliyyəti | hüquqşünas, vəkil |
| Fəaliyyət illəri | 1978-2020 |
 Vikianbarda əlaqəli mediafayllar | |
Adil Əlviz oğlu İsmayılov 1957-ci il iyulun 5-də Göyçay şəhərində anadan olmuşdur. Bakı şəhərində S.S.Axundov adına 172 saylı orta məktəbdə təhsil almışdır. 1973–1978-ci illərdə Azərbaycan Dövlət Universitetinin Hüquq fakültəsində təhsil almışdır.[1]
İki övladı var: İsmayıl İsmayılzadə və Mikayıl İsmayılzadə
2020-ci il dekabrın 3-də Adil İsmayılov koronavirusdan vəfat etmişdir.[2]
Əmək fəaliyyətinə 1978-ci ildən prokurorluq orqanlarında başlamışdır. Sumqayıt şəhər prokurorluğunda baş müstəntiq, daha sonra 1983-cü ildə Baş Prokurorluqda mühüm işlər üzrə müstəntiq kimi çalışmışdır. 1991-ci ilin sentyabrında öz xahişi ilə prokurorluq orqanlarından ayrılaraq vəkil olaraq fəaliyyətə başlamışdır.1995-ci ildə "ADİSAD" hüquq firmasını təsis etmişdir.[3]
Vəkil kimi bir sıra məşhur məhkəmə proseslərində iştirak etmişdir. Adil İsmayılov 1993-cü ildə həbs edilən İsa Qəmbərin, keçmiş daxili işlər naziri İskəndər Həmidovun vəkili olub.
Adil İsmayılov 2008-ci ildə "Qanuni Absurdlar" adlı kitab yazmışdır.Kitabda Azərbaycan Respublikasının Cinayət Məcəlləsindəki boşluqlar,bu Məcəllə ilə başqa Məcəllə arasındakı bəzi ziddiyətli məqamlar müəllif tərəfindən özünəməxsus şəkildə şərh edilmişdir.
2005-ci ildə "Qara kəmər" əməliyyatında DİN generalı Zakir Nəsirovun, 2006-cı ildə Macarıstanda azərbaycanlı hərbçi Ramil Səfərovun, 2015-ci ildə "MTN işi"ndə general Sübahir Qurbanovun hüquqlarını müdafiə edib.
Sonuncu işində isə Azərbaycanın keçmiş baş prokuroru Eldar Həsənovun vəkili idi.[3] Fəaliyyət göstərdiyi vəkil qurumu, "Hümbətov və partnyorları" vəkil bürosu idi.[4]
Adil İsmayılov vəkillik fəaliyyəti ilə yanaşı ictimai xadim kimi də tanınır və periodik olaraq dövrü mətbuatda məqalələr ilə çıxış edirdi.
- ↑ 1 2 "AZƏRBAYCAN RESPUBLİKASININ VƏKİLLƏR KOLLEGİYASI üzvləri, İsmayılov Adil Əlviz oğlu, 268 — VK". 2021-10-19 tarixində arxivləşdirilib. İstifadə tarixi: 2020-12-03.
- ↑ "Vəkil Adil İsmayılov koronavirusdan vəfat edib". 2020-12-28 tarixində arxivləşdirilib. İstifadə tarixi: 2020-12-03.
- ↑ 1 2 "Adil İsmayılov vəfat etdi". 2020-12-03 tarixində arxivləşdirilib. İstifadə tarixi: 2020-12-03.
- ↑ "AZƏRBAYCAN RESPUBLİKASININ VƏKİLLƏR KOLLEGİYASI, İsmayılov Adil Əlviz oğlu". 2021-10-19 tarixində arxivləşdirilib. İstifadə tarixi: 2020-12-03.