Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAbdulla Heydər oğlu Sofiyev (Avey) (d. 1961, Daş Salahlı, Qazax rayonu, Azərbaycan SSR) — azərbaycanlı alim, Türkiyə Respublikasının İstanbul Ticarət Universitetinin professoru, Türkiyə Milli Nəzəri və Tətbiqi Mexanika Komitəsinin sədr müavini. Tətbiqi mexanika, kompozit materiallar, nanomateriallar və tətbiqi riyaziyyat sahəsində elmi araşdırmalar aparır. 2019-2024-cü illərdə Stanford Universitetinin tərtib etdiyi “Dünyanın ən nüfuzlu alimləri” siyahısına daxil edilib.
| Abdulla Sofiyev (Avey) | |
|---|---|
| Abdulla Heydər oğlu Sofiyev | |
| Digər adı | Abdulla Avey |
| Doğum tarixi | |
| Doğum yeri | Daş Salahlı, Qazax rayonu, Azərbaycan SSR |
| Vətəndaşlığı |
 Azərbaycan |
| Milliyyəti | azərbaycanlı |
| İxtisası | Riyaziyyatçı, mexanika mütəxəssisi |
| Təhsili | Azərbaycan Pedaqoji İnstitutu, Riyaziyyat fakültəsi |
| Fəaliyyəti | alim, professor |
| Fəaliyyət illəri | 1985–indiyədək |
| Elmi dərəcələri | Professor, elmlər doktoru |
| Tanınır | Tətbiqi mexanika, kompozit materiallar, nanomateriallar, tətbiqi riyaziyyat üzrə elmi tədqiqatları |
| Mükafatları | Stanford Universitetinin “Dünyanın ən nüfuzlu alimləri” siyahısı (2019–2024) |
Abdulla Sofiyev 1961-ci ildə Qazax rayonunun Daş Salahlı kəndində anadan olub. Azərbaycan Pedaqoji İnstitutunun “Riyaziyyat” fakültəsini bitirib. 1985–1996-cı illərdə Azərbaycan Texniki Universitetinin “Nəzəri mexanika” kafedrasında aspirant, assistent, baş müəllim və dosent vəzifələrində çalışıb.[1]
1996–2001-ci illərdə Türkiyənin Ondokuz Mayıs Universitetində, 2001–2005-ci illərdə isə Süleyman Dəmirəl Universitetində inşaat mühəndisliyi bölümü, mexanika kafedrasında dosent vəzifəsində işləyib.[2]
Abdulla Sofiyev 2019–2024-cü illərdə Stanford Universitetinin tərtib etdiyi “Dünyanın ən nüfuzlu alimləri” siyahısına daxil edilib. Elsevier nəşriyyatının dəstəyi ilə aparılan bu araşdırmalarda o, həm “Karyeraya təsir”, həm də “İllik təsir” kateqoriyalarında dünyanın 2 faizlik ən nüfuzlu alimləri sırasında göstərilib.[1]
O, 300-dən artıq fundamental elmi məqalənin müəllifidir. Məqalələrinin 200-ə qədəri beynəlxalq nüfuzlu (SCI) jurnallarda dərc olunub. Araşdırmaları mühəndislik, nanomateriallar, kompozitlər, tətbiqi riyaziyyat və fizika sahələrini əhatə edir.[3]
O, həmçinin bir sıra mötəbər elmi jurnalların, o cümlədən Tətbiqi mexanika və Kompozit strukturlar jurnallarının redaksiya heyətinin üzvüdür. 16 magistr və 5 elmlər doktoru yetişdirib.[3]
Abdulla Sofiyev Türkiyənin müxtəlif universitetlərində, Almaniyanın Karlsruhe Universitetinin Texniki Mexanika İnstitutunun layihələrində, həmçinin TUBİTAK və NATO dəstəkli elmi proqramlarda iştirak edib.[1][3]
"Türkiye Bilimsel ve Teknolojik Araştırma Kurumu”undan 100 dan çox mükafat almışdır. 2009 vǝ 2014-cü illǝrdǝ Süleyman Dǝmirǝl Universitetindǝ Texnika sahǝsindǝ “Bilim Texnologiya” Birinci Mükafatlarına layiq görülmüştür.[1]
2014-cü ildǝ mötǝbǝr Beynǝlxalg Jurnalların (SCI) ǝn yaxşı 10 openenti arasında yer almışdır.[3]
- ↑ 1 2 3 4 "Azərbaycanlı professor "Dünyanın ən nüfuzlu alimləri" siyahısında". www.tehsil.biz. İstifadə tarixi: 2 oktyabr 2025.
- ↑ info@isi.az, isi az. "Azərbaycanlı alim dünyanın ən nüfuzlu elm adamları siyahısında yer alıb". isi.az. İstifadə tarixi: 2 oktyabr 2025.
- ↑ 1 2 3 4 "Azərbaycanlı professor "Dünyanın ən nüfuzlu alimləri" siyahısında". muallim.edu.az (az.). 29 sentyabr 2025. İstifadə tarixi: 2 oktyabr 2025.