Abdulla Məhəmməd oğlu Məmmədov (10 mart 1905, Şərur-Dərələyəz qəzası – 8 mart 2001, Şərur rayonu, Naxçıvan Muxtar Respublikası) — pambıqçı, Böyük Vətən müharibəsinin iştirakçısı. Sosialist Əməyi Qəhrəmanı (1951).[1]
| Abdulla Məmmədov | |
|---|---|
| Abdulla Məhəmməd oğlu Məmmədov | |
| Doğum tarixi | |
| Doğum yeri | Yuxarı Aralıq, Şərur-Dərələyəz qəzası, İrəvan quberniyası, Rusiya imperiyası |
| Vəfat tarixi | (95 yaşında) |
| Vəfat yeri | Yuxarı Aralıq, Şərur rayonu, Naxçıvan MR, Azərbaycan |
| Vətəndaşlığı |
 Rusiya imperiyası→ AXC→ SSRİ→ Azərbaycan |
| Milliyyəti | azərbaycanlı |
| Fəaliyyəti | pambıqçı |
| Mükafatları |
  |
Abdulla Məmmədov 10 mart 1905-ci ildə İrəvan quberniyasının Şərur-Dərələyəz qəzasının (indiki Şərur rayonu) Yuxarı Aralıq kəndində anadan olmuşdur. Əmək fəaliyyətinə 1929-cu ildə İliç rayonu M.Hüseynzadə adına kolxozda başlamış, 1978-ci ilə qədər bu kolxozda briqadir, ferma müdiri, manqabaşçısı və kolxozçu işləmişdir. Böyük Vətən müharibəsində iştirak etmişdir. 1950-ci ildə pambıqçılük sahəsində yüksək əmək göstəricilərinə nail olmuşdur. SSRİ Ali Sovetinin 30 yanvar 1951-ci il tarixli qanunu ilə Sosialist Əməyi Qəhrəmanı adına layiq görülmüş, "Oraq və Çəkic" medalı və Lenin ordeni, ilə təltif olunmuşdur. 1968-ci ildən İttifaq əhəmiyyətli fərdi təqaüdçü olmuşdur. Abdulla Məmmədov 8 mart 2001-ci ildə Şərur rayonunda vəfat etmişdir.[2]
- ↑ Азәрбајҹан Совет Енсиклопедијасы: [10 ҹилддә]. VI ҹилд: Куба—Мисир. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1982. С. 497.
- ↑ Məmmədov Abdulla Məhəmməd oğlu // Naxçıvan ensiklopediyası. — Azərbaycan Milli Elmlər Akademiyası, 2005.