AZERI CHAT + Tanishliq

Vikipediya ?

ASAN xidmət

"ASAN xidmət"Azərbaycan Respublikasında dövlət orqanları tərəfindən vətəndaşlara göstərilən xidmətlərin həyata keçirilməsini təmin edən mərkəzlər.> ASAN sözünün açılışı ingiliscə "Azerbaijan Service and Assessment Network"dir (azərb. Azərbaycan Xidmət və Qiymətləndirmə Şəbəkəsi‎). "ASAN xidmət" Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinə tabedir. İlk "ASAN xidmət" mərkəzi 2013-cü ildə fəaliyyətə başlayıb. Hal-hazırda 15 mərkəz fəaliyyət göstərir. Onlardan beşi Bakıda, onu isə Azərbaycanın bölgələrindədir. "ASAN xidmət"ə indiyə qədər 25 milyondan çox müraciət edilib. Xidmətlərin göstərilməsində könüllülər də cəlb olunur. "ASAN xidmət" mərkəzlərində on bir dövlət orqanının vətəndaşlara göstərdiyi xidmətlərdən başqa funksional yardımçı xidmətlər də təklif olunur. Həmçinin mərkəzlərdə sosial layihələr də keçirilir.

ASAN xidmət
Azərbaycan Xidmət və Qiymətləndirmə Şəbəkəsi
ASAN service center.jpg
"ASAN xidmət" mərkəzlərinin loqosu
Ölkə: Flag of Azerbaijan.svg Azərbaycan
Yaradılıb: 13 iyul 2012
Tabeçilik: Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi
Rəhbərlik
Rəhbər: Ülvi Mehdiyev
Sayt

Mündəricat

Tarixi

Yaradılması

Azərbaycan Respublikası Prezidenti İlham Əliyevin 2012-ci il 13 iyulda imzaladığı 685 saylı fərmana əsasən "ASAN xidmət" mərkəzlərinin də strukturuna daxil olduğu Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi yaradıldı. Həmin ilin 5 sentyabrında prezidentin digər fərmanı ilə Agentliyin strukturu və əsasnaməsi təsdiq olundu. Azərbaycan Respublikası Prezidentinin 27 aprel 2018-ci il tarixli Sərəncamı ilə Ülvi Mehdiyev Dövlət Agentliyinin sədri təyin edilib.

İnkişafı

29 dekabr 2012-ci ildə Bakıda pilot layihə olaraq ilk "ASAN xidmət" mərkəzinin açılışı oldu. Mərkəz doqquz dövlət orqanının təklif etdiyi 23 xidməti həyata keçirirməklə 15 yanvar tarixində fəaliyyətə başladı. 3 may 2013-ci ildə Sumqayıt "ASAN xidmət" mərkəzinin açılışı olub. Bundan bir neçə həftə sonra - mayın 24-də Bakıda ikinci "ASAN xidmət" mərkəzinin açılışı olub, bu mərkəz iyunun 5-də vətəndaşlara xidmət göstərməyə başlayıb. 17 sentyabr 2013-cü ildə Bakıda üçüncü mərkəzin açılışı olub. 2013-cü ilin sonlarında, dekabrın 21-də Azərbaycanda beşinci "ASAN xidmət" mərkəzinin açılışı oldu. Bu mərkəz Gəncədə fəaliyyətə başladı. 23 yanvar 2014-cü ildə "ASAN xidmət" mərkəzlərindən istifadə edən vətəndaşların sayı 1 milyona çatdı. 2014-cü ildə "ASAN xidmət" İSO 9001:2008 idarəetmə standartı üzrə beynəlxalq sertifikat əldə edib.

2014-cü ildə mayın 7-də Bakıda sayca dördüncü "ASAN xidmət" mərkəzinin açılışı oldu. Həmin ilin yayında "ASAN xidmət" səmərəli xidmət nümunəsinə və dövlət-vətəndaş münasibətlərinə verdiyi töhfələrə görə "Uğur 2013" mükafatına layiq görüldü. 2014-cü ilin dekabr ayının 15-də Sabirabadda "ASAN xidmət" mərkəzinin açılışı oldu. Bu, ölkədəki yeddinci mərkəz idi. Sabirabad "ASAN xidmət" mərkəzi açıldığı gün OHSAS 18001:2007 standartı üzrə beynəlxalq dərəcəli sertifikata layiq görüldü. Bundan təxminən üç ay sonra, 13 mart 2015-ci ildə Bərdədə Azərbaycanda sayca səkkizinci "ASAN xidmət" mərkəzinin açılışı oldu. 2015-ci ildə "ASAN xidmət" BMT-nin 2015-ci il Dövlət Xidmətləri Mükafatına (ing. United Nations Public Service Award 2015) layiq görülüb. 2015-ci ilin martın 2-də "ASAN xidmət" tərəfindən 13 sahə üzrə keçirilən, müxtəlif dövlətlərin 700-dən çox müəssisənin müraciət etdiyi müsabiqənin “Dövlət xidmətlərinin həyata keçirilməsinin təşkilində təhlükəsiz əmək şəraitinin qurulması” sahəsi üzrə qalibi olub. Həmin ilin yayında, iyulun 14-də Azərbaycanda hələlik 5 saylı Bakı "ASAN xidmət" mərkəzi açıldı. 2016-cı ildə MasallıQəbələdə də "ASAN xidmət" mərkəzi fəaliyyətə başlayıb. 2017-ci ildə Qubada, 2018-ci ildə isə Mingəçevirdə, İmişlidə və Şəkidə "ASAN xidmət" mərkəzləri fəaliyyətə başlayıb.

Fəaliyyət

 
"ASAN xidmət" mərkəzlərində iş gedişi

"ASAN xidmət" mərkəzləri Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyin tabeliyindədir və "vahid məkan" prinsipi əsasında fəaliyyət göstərir. "ASAN" modelinin altı əsas prinsipi var: operativlik, şəffaflıq, nəzakətlilik, məsuliyyət, etik davranış qaydalarına nəzarət və rahatlıq. Mərkəzlərdə dövlət xidmətləri əlaqələndirilmiş şəkildə fəaliyyət göstərir. "ASAN xidmət" mərkəzlərində vətəndaşlara xidmət daha yaxşı xidmət göstərilməsi üçün yeni üsullardan və müasir innovasiyalardan istifadə olunur. Hər mərkəzdə təxminən 100-ə yaxın könüllü çalışır.

Azərbaycan brendi olan "ASAN xidmət" mərkəzlərində vətəndaşlara xidmət mərkəzlərin ilk mərtəbəsində yerləşən məlumat bölməsindən başlayır. Qeydiyyat prosesi avtomatlaşdırılıb, xüsusi aparatlarla həyata keçirilir. Bu işdə vətəndaşlara könüllülər kömək edir. Könüllülər vətəndaşlara ərizə yazılmasında da kömək edir. Mərkəzlərə gələ bilməyən vətəndaşlara xidmət göstərmək üçün həmçinin səyyar avtobuslardan da istifadə olunur. İndiyə qədər "ASAN xidmət" mərkəzlərinə 25 milyondan çox müraciət edilib. Vətəndaşlara göstərilən xidmətlərdən məmnunluq dərəcəsi 98-100% arasında dəyişir.

"ASAN xidmət" mərkəzləri həftənin bazar ertəsi - cümə günləri saat 09:00-dan 19:00-dək, şənbə və bazar günləri saat 09:00-dan 17:00-dək nahar fasiləsi olmadan fəaliyyət göstərir.

Mərkəzlər

Mərkəz Açılış tarixi Əhatə dairəsi
1 saylı Bakı 15 yanvar 2013 Bakıda qeydiyyatda olan vətəndaşlar
2 saylı Bakı 24 may 2013
3 saylı Bakı 17 sentyabr 2013
4 saylı Bakı 7 may 2014
5 saylı Bakı 14 iyul 2015
Sumqayıt 3 may 2013 Sumqayıt şəhərində, Abşeron, Xızı, Siyəzən, Şabran, Quba, Qusar, Xaçmaz, Şamaxı və Qobustan rayonlarında qeydiyyatda olan vətəndaşlar
Gəncə 21 dekabr 2013 Gəncə şəhərində, Şəmkir, Gədəbəy, Daşkəsən, Göygöl, Goranboy, Samux, Naftalan, Kəlbəcər və Xocalı rayonlarında qeydiyyatda olan vətəndaşlar
Sabirabad 15 dekabr 2014 Sabirabad, Saatlı, İmişli, Kürdəmir, Hacıqabul, Salyan, Beyləqan rayonlarında və Şirvan şəhərində qeydiyyatda olan vətəndaşlar
Bərdə 13 mart 2015 Bərdə, Ağdam, Ağcabədi, Ağdaş, Laçın, Yevlax, Tərtər rayonlarında və Mingəçevir şəhərində qeydiyyatda olan vətəndaşlar
Masallı 3 sentyabr 2016 Masallı, Cəlilabad, Lənkəran, Astara, Lerik və Yardımlı rayonunda qeydiyyatda olan vətəndaşlar
Qəbələ 10 avqust 2016 Qəbələ, Balakən, Zaqatala, Qax, Şəki, Oğuz, İsmayıllı, Ağsu, Şamaxı və Qobustan  rayonunda qeydiyyatda olan vətəndaşlar
Quba 7 dekabr 2017 Quba, Qusar, Xaçmaz və Şabran rayonunda qeydiyyatda olan vətəndaşlar
Mingəçevir 27 fevral 2018 Mingəçevir şəhəri, Yevlax, Ağdaş və Göyçay rayonunda qeydiyyatda olan vətəndaşlar
İmişli 22 oktyabr 2018 İmişli, Saatlı, Biləsuvar, Beyləqan, Zərdab və Füzuli rayonunda qeydiyyatda olan vətəndaşlar
Şəki 29 oktyabr 2018

Xəritə

{{Yer xəritəsi+|Azərbaycan|width=650|float=center|caption="ASAN xidmət" mərkəzlərinin yerləşdiyi ərazilər |places=

 
 
 

Xidmətlər

Dövlət orqanlarının göstərdiyi xidmətlər

"ASAN xidmət" mərkəzlərində 11 dövlət qurumu və özəl müəssələr tərəfindən birgə 300-dən çox müxtəlif xidmətlər həyata keçirilir.

Xidmət Xidməti göstərən dövlət orqanı
Notariat fəaliyyəti Ədliyyə Nazirliyi
Vətəndaşlıq vəziyyəti aktlarının dövlət qeydiyyatı
Məhkumluq barədə arayışların verilməsi Daxili İşlər Nazirliyi
Sürücülük vəsiqələrinin dəyişdirilməsi
Şəxsiyyət vəsiqələrinin verilməsi və dəyişdirilməsi
Ümumvətəndaş pasportlarının verilməsi və dəyişdirilməsi
Yaşayış yeri üzrə qeydiyyatda olan şəxslər haqqında arayışın verilməsi
Hüquqi və fiziki şəxslərə arxiv arayışlarının verilməsi Milli Arxiv İdarəsi
Əmək pensiyalarının təyin edilməsi Əmək və Əhalinin Sosial Müdafiəsi Nazirliyi
Daşınmaz əmlakla bağlı əməliyyatların qeydiyyatı Əmlak Məsələləri Dövlət Komitəsi
Miqrasiya xidmətləri Dövlət Miqrasiya Xidməti
Kommersiya hüquqi şəxslərin və vergi ödəyicilərinin qeydiyyatı Vergilər Nazirliyi
Gömrük bəyannamələrinin, gömrük rəsmiləşdirilmələri üçün sənədlərin qəbulu Dövlət Gömrük Komitəsi
Hərbi qeydiyyat
Lisenziyaların verilməsi İqtisadiyyat Nazirliyi
Sertifikatlaşma və qeydiyyat Qida Təhlükəsizliyi Agentliyi

Səyyar "ASAN xidmət"

 
Səyyar xidmətin təşkil olunduğu avtobuslardan biri

2013-cü ilin iyunun 1-dən etibarən "ASAN xidmət"in təklif etdiyi xidmətlərdən istifadə etmək üçün mərkəzlərə gələ bilməyən vətəndaşlara xidmət göstərmək üçün zəruri müasir texnoloji avadanlıqlarla təchiz olunmuş səyyar avtobuslardan istifadə olunur. Səyyar avtobuslar hər bölgədə təxminən iki həftə qalırlar. Hal-hazırda xidmət göstərən səyyar avtobusların sayı ondur.BakıSumqayıt şəhərində qeydiyyatda olan vətəndaşlar bu xidmətdən sifarişlə istifadə edə bilirlər. İndiyə qədər səyyar "ASAN xidmət"ə 1 500 000 çox müraciət edilib.

ASAN Qatar

Azərbaycan Respublikası Prezidenti cənab İlham Əliyevin tapşırığı əsasında “ASAN xidmət” mərkəzlərinin olmadığı regionlarda vətəndaşların dövlət xidmətləri ilə təmin edilməsi üçün müasir texniki avadanlıqla təchiz olunmuş səyyar “ASAN qatar” konsepsiyası reallaşdırılıb. Xidmətlər 4 dövlət orqanı (Ədliyyə Nazirliyi, Daxili İşlər Nazirliyi, Əmlak Məsələləri Dövlət Komitəsi, Əmək və Əhalinin Sosial Müdafiəsi Nazirliyi) tərəfindən təqdim olunur.[Mənbə göstərin]

ASAN Kommunal

Prezident İlham Əliyevin 2016-cı ilin mayında imzaladığı Fərmanla “ASAN kommunal” mərkəzlərinin yaradılması Vətəndaşlara Xidmət və Sosial İnnovasiyalar üzrə Dövlət Agentliyinə tapşırılmışdı. Qısa müddətdə “ASAN kommunal” xidmətinin yaradılması üçün aidiyyəti qurumlarla bir yerdə tədbirlər görüldü “ASAN Kommunal” mərkəzlərində Azəriqaz, Azərsu, Azərişıq şirkətlərinin 45 növ kommunal xidmətləri göstərilir. Hazırda Bakı şəhərində 2 “ASAN Kommunal” mərkəzi fəaliyyət göstərir.

Funksional yardımçı xidmətlər

Fəaliyyət göstərən "ASAN xidmət" mərkəzlərində həmçinin bank, sığorta, hüquqi yardım, tibb, tərcümə, foto, mədəniyyət tədbirlərinə bilet satışı xidmətləri fəaliyyət göstərir.

Digər xidmətlər

Çağrı mərkəzi

Çağrı mərkəzi vasitəsilə Azərbaycan vətəndaşları "ASAN xidmət" mərkəzlərində göstərilən xidmətlər haqda məlumatlar əldə edə, təklif və iradlar bildirə, növbə tuta bilərlər. Bu xidmət 2013-cü ildə yaradılıb. Həmçinin mərkəzlərdə yerləşdirilmiş xüsusi elektron köşk vasitəsilə də vətəndaşlar Çağrı mərkəzi ilə əlaqə saxlaya bilərlər.

Onlayn növbə

"ASAN xidmət" mərkəzlərində göstərilən xidmətlərdən istifadə etmək üçün "ASAN xidmət"in saytında onlayn növbə tutmaq mümkündür.

Özünə xidmət

"ASAN xidmət" mərkəzlərində vətəndaşların dövlət orqanlarının xidmətlərindən məlumatlanması, müraciətlər edə bilmələri üçün internetə çıxışı olan kompüterlər yerləşdirilib.

İdeya bankı

İdeya bankı vasitəsilə vətəndaşlara sistemin inkişafı üçün öz təkliflərini verə bilərlər. İndiyə qədər İdeya bankına yüzlərlə təklif göndərilib və onların bir çoxu reallaşıb.

Sənədlərin çatdırılması

"ASAN xidmət" mərkəzlərində təklif olunan xidmətlərdən biri də "Sənədlərin çatdırılması" xidmətidir. Bu xidmət 1, 2, 3 və 5 saylı saylı Bakı "ASAN xidmət" mərkəzilərinəmüraciət etmiş şəxslərə təklif olunur.

Layihələr

"ASAN xidmət" vətəndaşlara xidmətdən başqa digər sahələrə də öz töhfəsini verir. "ASAN xidmət" və "Azersun Holding" MMC ilə birlikdə Azərbaycanın bir neçə bölgəsində “Hər kağızı bir yarpağa dəyişək” layihəsi çərçivəsində “Yaşıl dağ” sosial aksiyası keçirib. 2015-ci ildə "ASAN xidmət"lə "Neftçi PFK" arasında titul sponsorluğu ilə bağlı müqavilə imzalanıb. "ASAN xidmət" Daxili İşlər Nazirliyi və Sağlam Ailə Tibb Mərkəzinin dəstəyi ilə “Sənədsiz məktəbli qalmasın” adlı sosial aksiya keçirib. Bu aksiyanın məqsədi məktəblilərin vaxt itirmədən şəxsiyyət vəsiqələri ilə təmin olunması idi. Aksiya çərçivəsində minlərlə şagird vəsiqə ilə təmin olundu. "ASAN xidmət" nəqliyyat sahəsinə də öz töhfəsini verib. "ASAN xidmət" ASAN Könüllüləri Gənclər Təşkilatı və "Bakubus MMC"-nin birgə təşkilatçılığı ilə 2015-ci ildə "Nəqliyyat bələdçisi" adlı layihə keçirilib. 2016-cı ildə Ermənistan-Azərbaycan Dağlıq Qarabağ münaqişəsində vəziyyət gərginləşdikdən sonra "ASAN xidmət" mərkəzlərində könüllülərin təşkilatçılığı Azərbaycan Silahlı Qüvvələrinə dəstək olmaq üçün "Əsgərə məktub" adlı layihəyə start verilib.

ASAN Könüllüləri Gənclər Təşkilatı

ASAN Könüllüləri Gənclər Təşkilatı "ASAN xidmət" mərkəzlərində fəaliyyət göstərən könüllüləri birləşdirir. Təşkilat 2013-cü ildə yaradılıb. Elə həmin il təşkilatın ilk qurultayı keçirilib. Təşkilat könüllülər üçün təlimlər, müxtəlif layihələr, yay məktəbləri təşkil edir.

Statistika

Aşağıdakı cədvəldə "ASAN xidmət" mərkəzlərində qeydə alınan yubiley müraciətlər göstərilib:

Say Tarix Qeydə alındığı mərkəz
1 milyon 23 yanvar 2014 1 saylı Bakı "ASAN xidmət" mərkəzi
2 milyon məlumat yoxdur
3 milyon məlumat yoxdur
4 milyon məlumat yoxdur
5 milyon məlumat yoxdur
6 milyon məlumat yoxdur
7 milyon 2 dekabr 2015 Sabirabad "ASAN xidmət" mərkəzi
8 milyon 11 fevral 2016 Səyyar "ASAN xidmət"
9 milyon məlumat yoxdur
10 milyon 10 iyun 2016 5 saylı Bakı “ASAN xidmət” mərkəzi
11 milyon məlumat yoxdur
12 milyon 20 oktyabr 2016 5 saylı Bakı "ASAN xidmət" mərkəzi
18 milyon 30 oktyabr Gəncə "ASAN xidmət" mərkəzi
19 milyon 8 yanvar 2018 1 saylı Bakı "ASAN xidmət" mərkəzi
21 milyon 16 aprel 2018 ASAN Qatar
22 milyon 8 iyun 2018 Səyyar ASAN xidmət
23 milyon 26 iyul 2018 Səyyar ASAN xidmət
24 milyon 10 sentyabr 2018 Sumqayıt "ASAN xidmət" mərkəzi
25 milyon 5 noyabr 2018 5 saylı Bakı "ASAN xidmət" mərkəzi

Mükafatlar

  • "Uğur 2013" "səmərəli xidmət nümunəsinə və dövlət-vətəndaş münasibətlərinə verdiyi töhfələrə görə" nominasiyası qalibi: 2013;
  • İSO 9001:2008 idarəetmə standartı üzrə beynəlxalq sertifikat: 2014;
  • Sabirabad "ASAN xidmət" mərkəzi, OHSAS 18001:2007 standartı: 2014;
  • BMT-nin Dövlət Xidmətləri Mükafatı: 2015;
  • Britaniya Əməyin Mühafizəsi Şurası “Dövlət xidmətlərinin həyata keçirilməsinin təşkilində təhlükəsiz əmək şəraitinin qurulması” sahəsi üzrə mükafat: 2015;
  • “Dövlət saytı” nominasiyasında NETTY-2018 Azərbaycan Milli İnternet Mükafatı: 2018

Həmçinin bax

İstinadlar

  1. (Azərbaycan). vxsida.gov.az. . İstifadə tarixi: 11 aprel 2016.
  2. (Azərbaycanca). Lent.az. 6 sentyabr 2012. . İstifadə tarixi: 11 aprel 2016.
  3. Matthias Dornfeldt. (İngiliscə). diplomatisches-magazin.de. . İstifadə tarixi: 15 aprel 2016.
  4. (Azərbaycanca). Lent.az. 29 dekabr 2012. . İstifadə tarixi: 11 aprel 2016.
  5. (Azərbaycanca). Olaylar.az. 15 yanvar 2013. . İstifadə tarixi: 22 aprel 2016.
  6. (Azərbaycanca). Lent.az. 3 may 2013. . İstifadə tarixi: 11 aprel 2016.
  7. (Azərbaycanca). Lent.az. 5 iyun 2012. . İstifadə tarixi: 11 aprel 2016.
  8. (Azərbaycanca). Lent.az. 17 sentyabr 2013. . İstifadə tarixi: 11 aprel 2016.
  9. (Azərbaycanca). Lent.az. 21 dekabr 2013. . İstifadə tarixi: 11 aprel 2016.
  10. (Azərbaycanca). Lent.az. 23 yanvar 2014. . İstifadə tarixi: 11 aprel 2016.
  11. (Azərbaycanca). Lent.az. 25 fevral 2014. . İstifadə tarixi: 11 aprel 2016.
  12. (İngiliscə). teas.eu. 23 iyul 2014. . İstifadə tarixi: 18 aprel 2016.
  13. (Azərbaycanca). Lent.az. 7 may 2014. . İstifadə tarixi: 11 aprel 2016.
  14. (Azərbaycanca). Trend İnformasiya Agentliyi. 5 iyun 2014. . İstifadə tarixi: 15 aprel 2016.
  15. (Azərbaycanca). Lent.az. 15 dekabr 2014. . İstifadə tarixi: 11 aprel 2016.
  16. (Azərbaycanca). Trend.az. 18 dekabr 2014. . İstifadə tarixi: 28 aprel 2016.
  17. (Azərbaycanca). Lent.az. 13 mart 2015. . İstifadə tarixi: 11 aprel 2016.
  18. (Azərbaycanca). Lent.az. 12 may 2015. . İstifadə tarixi: 11 aprel 2016.
  19. (Azərbaycanca). Azərbaycan Dövlət İnformasiya Agentliyi. 21 fevral 2015. . İstifadə tarixi: 12 aprel 2016.
  20. (Azərbaycanca). Lent.az. 14 iyul 2015. . İstifadə tarixi: 11 aprel 2016.
  21. (Azərbaycanca). Azərbaycan Dövlət İnformasiya Agentliyi. 13 yanvar 2016. . İstifadə tarixi: 22 aprel 2016.
  22. Elmidar Əliyev (7 may 2014). (Azərbaycanca). Anspress.com. . İstifadə tarixi: 12 aprel 2016.
  23. Kamal Cəfərov (31 iyul 2013). (İngiliscə). The Guardian. . İstifadə tarixi: 15 aprel 2016.
  24. Çingiz Rüstəmov (1 avqust 2013). (Azərbaycanca). Azərbaycan Dövlət İnformasiya Agentliyi. . İstifadə tarixi: 12 aprel 2016.
  25. Elmidar Əliyev (19 may 2014). (İngiliscə). Trend.az. Unpan.org. . İstifadə tarixi: 15 aprel 2016.
  26. Elmidar Əliyev (19 may 2014). (Azərbaycanca). Anspress.com. . İstifadə tarixi: 12 aprel 2016.
  27. Nailə Məmmədova (22 dekabr 2015). (Azərbaycanca). Lent.az. . İstifadə tarixi: 12 aprel 2016.
  28. Çingiz Rüstəmov (18 yanvar 2013). (Azərbaycanca). Anspress.com. . İstifadə tarixi: 12 aprel 2016.
  29. Çingiz Rüstəmov (3 aprel 2015). (Azərbaycanca). Anspress.com. . İstifadə tarixi: 12 aprel 2016.
  30. (Azərbaycanca). Milli.az. 14 iyul 2015. . İstifadə tarixi: 18 aprel 2016.
  31. (Azərbaycanca). lent.az. 17 dekabr 2015. . İstifadə tarixi: 19 aprel 2016.
  32. (Azərbaycanca). Azərbaycan Dövlət İnformasiya Agentliyi. 25 iyun 2014. . İstifadə tarixi: 12 aprel 2016.
  33. Çingiz Rüstəmov (5 iyun 2013). (Azərbaycanca). Anspress.com. . İstifadə tarixi: 12 aprel 2016.
  34. (Azərbaycanca). Azərbaycan Dövlət İnformasiya Agentliyi. 13 yanvar 2016. . İstifadə tarixi: 13 aprel 2016.
  35. (Azərbaycanca). Lent.az. 20 aprel 2016. . İstifadə tarixi: 22 aprel 2016.
  36. Rəvan (31 yanvar 2013). (Azərbaycanca). ictnews.az. . İstifadə tarixi: 18 aprel 2016.
  37. Rəvan (1 fevral 2014). (Azərbaycanca). azvision.az. . İstifadə tarixi: 18 aprel 2016.
  38. (Azərbaycanca). Asan.gov.az. . İstifadə tarixi: 18 aprel 2016.
  39. (Azərbaycanca). Trend İnformasiya Agentliyi. 10 aprel 2015. . İstifadə tarixi: 18 aprel 2016.
  40. (Azərbaycanca). Azərbaycan Dövlət İnformasiya Agentliyi. 17 mart 2016. . İstifadə tarixi: 22 aprel 2016.
  41. Mahir Babayev (6 noyabr 2015). (Azərbaycanca). Azərbaycan Dövlət İnformasiya Agentliyi. . İstifadə tarixi: 13 aprel 2016.
  42. (Azərbaycanca). Milli.az. 6 oktyabr 2015. . İstifadə tarixi: 13 aprel 2016.
  43. (Azərbaycanca). Azvision.az. 22 dekabr 2015. . İstifadə tarixi: 13 aprel 2016.
  44. (Azərbaycanca). Azərbaycan Dövlət İnformasiya Agentliyi. 17 oktyabr 2015. . İstifadə tarixi: 13 aprel 2016.
  45. Ülviyyə R. Əli (26 noyabr 2015). (Azərbaycanca). Oxu.az. . İstifadə tarixi: 13 aprel 2016.
  46. (Azərbaycanca). 525.az. 2 oktyabr 2015. . İstifadə tarixi: 15 aprel 2016.
  47. (Azərbaycanca). lent.az. 5 aprel 2016. . İstifadə tarixi: 19 aprel 2016.
  48. Lalə Quluzadə. (Azərbaycanca). oley.az. . İstifadə tarixi: 18 aprel 2016.
  49. (Azərbaycanca). asanyouth.az. . İstifadə tarixi: 18 aprel 2016.
  50. Tural Səftərov (19 dekabr 2013). (Azərbaycanca). interaztv.com. . İstifadə tarixi: 18 aprel 2016.
  51. Mustafa Dadaşov (30 avqust 2015). (Azərbaycanca). Azərbaycan Dövlət İnformasiya Agentliyi. . İstifadə tarixi: 18 aprel 2016.
  52. (Azərbaycanca). salamnews.az. arxiv.az. 23 yanvar 2014. . İstifadə tarixi: 18 aprel 2016.
  53. İlkin İzzət (25 iyun 2014). (Azərbaycanca). Trend İnformasiya Agentliyi. . İstifadə tarixi: 18 aprel 2016.
  54. Şahin Həbibov (23 yanvar 2014). (Azərbaycanca). anspress.com. . İstifadə tarixi: 18 aprel 2016.
  55. Şahin Həbibov (2 dekabr 2015). (Azərbaycanca). salamnews.org. . İstifadə tarixi: 18 aprel 2016.
  56. Şahin Həbibov (15 fevral 2016). (Azərbaycanca). salamnews.org. . İstifadə tarixi: 18 aprel 2016.
  57. (Azərbaycanca). Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi. . İstifadə tarixi: 28 aprel 2016.

Xarici keçidlər

Vikianbarda ASAN xidmət ilə əlaqəli mediafayllar var.

Mənbə — ""

Informasiya Melumat Axtar
Anarim.Az
Sayt Rehberliyi ile Elaqe
Saytdan Istifade Qaydalari
Anarim.Az 2oo4-2o18