Vikipediya ?

Aşıq Qasım

Aşıq Qasım – XIX əsr Azərbaycan aşıqlarındandır.

AŞIQ QASIM
Doğum tarixi 1867(1867-Şablondakı doğum və ya ölüm tarixində texniki yanlışlıq var!-00)
Doğum yeri Şamxor Qaracəmirli
Vəfat tarixi 1919(1919-Şablondakı doğum və ya ölüm tarixində texniki yanlışlıq var!-00)
Vəfat yeri Şamxor

Mündəricat

Həyatı

1867-ci ildə Şamxorun Qaracəmirli kəndində anadan olub və 1919-cu ildə buradaca dünyasını dəyişib.

Şəmkirli Aşıq Hüseynin şagirdi olan Qasım dövrünün məşhur aşıqlarından imiş. Gəraylı, qoşma, təcnismüxəmməslər yazan Qasım özündən sonra gələn aşıqlara çox böyük təsir göstərmişdir.

Saz-söz məclislərindən birində o usta aşıqların bir çoxunu tərifləyəndən sonra müəllimi Şəmkirli aşıq Hüseynin hamıdan bir baş yuxarı olduğunu belə təsvir etmişdir:

Aşıq Sayad Nova, Aşıq Ələsgər,
Aşıq Musa, Alı, Məmməd Söyün var,
Pənah, Molla Cümə, Çoban müxtəsər
Sənin kimi elmə dalan görmədim.

Aşıq Qasımın çoxlu sayda də var.

Hal-hazırda Şəmkir rayonunun Qaracəmirli və Talış kəndlərində, Şəmkir, Gəncə və Bakı şəhərlərində Aşıq Qasım nəsilinin üzvləri yaşayırlar. Həmin nəsil xalq arasında "Aşıqlı nəsilı" adı ilə məşhurdur. Soyadları isə onun adı ilə bağlı olaraq Qasımov/Qasımlı olaraq adlandırılmışdır.

Yaradıcılığı

DİVANASIDI

Gecə-gündüz həsrətini çəkdiyim,
Xəyalım, xəyalın divanasıdı,
Məni səndən iraq salan seyrağıb,
Bu çərxi-gərdişin zamanasıdı.

Mina boylu, siyah telli sevdiyim,
Uzaq durub axır sözün dediyim,
Acı sözün, şəkər kimi yediyim,
Yarım gözəllərin bəy-vəfasıdı.

İnsaf elə, a bəy-mürvət, a zalım,
Dolanım başına, dərdini alım,
Ay sifətli, şux baxışlı tərlanım,
Bu Qasım gözlərin sadaqasıdı.


GÖZLƏRƏM

Ay ağalar, bəylər əyləşən canlar,
Bir uzaq yollunun yolun gözlərəm.
Bir sözüm var yara deyə bilmirəm,
O şirin dillinin yolun gözlərəm.

Nə qədər gözlədim çıxmadı evdən,
Yaraşıqlı qamət, o mina gərdən,
Gözləri məstana, sinəsi meydan,
O siyah tellinin yolun gözlərəm.

Belində kəməri mina daşlının,
Tökülmüş gərdənə bulud saşlının,
Qasımam, dərdindən hilal qaşlının,
Müsəlsəl tellərin yolun gözlərəm.

Mənbə

  • Azərbaycan Aşıqları və El Şairləri II, Bakı, 1984, s. 109-112
  • Telli Saz Ustadları, Bakı, 1964, s. 95-97.

Həmçinin Bax

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019