Ağyoxuş yatağı — Azərbaycanın Göygöl və Daşkəsən rayonlarının inzibati ərazisində, "Çovdar" qızıl yatağından 14 km şimal-şərqdə yerləşən qızıl yataqları qrupu. Bu yataqlar qrupu 2017-ci ildə "AzerGold" QSC-nin geoloqları tərəfindən kəşf edilmişdir.[1]
"Ağyoxuş" qızıl yataqları qrupu "Ağyoxuş-1", "Ağyoxuş-2" və satellit qızıl yataqlarından ibarətdir. "Ağyoxuş-1" yatağı üzrə hasilat işləri 2020-ci ilin noyabrından 2021-ci ilin dekabrına qədər həyata keçirilmişdir və bu müddət ərzində 19,829 unsiya qızıl hasil edilmişdir. "Ağyoxuş-2" və satellit qızıl yataqlarının isə növbəti illərdə istismara verilməsi planlaşdırılır. Yatağın satılabilən ümumi qızıl ehtiyatı 31,507 unsiya həcmində qiymətləndirilir.[2]
- ↑ "Kiçik Qafqazın səmərəsi böyük qızıl yatağı: Daşkəsənin "Ağyoxuş"undan REPORTAJ + FOTO". Oxu.az (az.). İstifadə tarixi: 11 dekabr 2024.
- ↑ ""Ağyoxuş" yatağı". AzerGold (az.). 2024-05-27 tarixində arxivləşdirilib. İstifadə tarixi: 11 dekabr 2024.