Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinAbiyev Ağacan Qulam oğlu (24 noyabr 1937, Bakı) — 2005–2020-ci illərdə Azərbaycan Respublikası Milli Məclisinin deputatı, 1987-ci ildən 2015-ci ilədək Azərbaycan Dövlət Bədən Tərbiyəsi və İdman Akademiyasının rektoru, Azərbaycan Boks Federasiyasının vitse-prezidenti, texnika elmləri namizədi, professor, Azərbaycanın əməkdar elm xadimi, Beynəlxalq Elmlər Akademiyasının üzvü.
| Ağacan Abıyev | |
|---|---|
.jpg) | |
| 2005 – 2019 | |
| Seçki dairəsi | 2005 — 32 saylı Suraxanı üçüncü 2010 — 32 saylı Suraxanı üçüncü 2015 — 32 saylı Suraxanı üçüncü |
| Əvvəlki | Vəzifə təsis edildi. |
| Sonrakı | Afət Həsənova |
| 1987 – 2015 | |
| Əvvəlki | S. Novruzov |
| Sonrakı | Fuad Hacıyev |
Azərbaycan Milli Olimpiya Komitəsinin baş katibi | |
| 1997 – 2021 | |
| Sonrakı | Azər Əliyev |
Avropa Boks Federasiyasının vitse-prezidenti | |
| 2002 – 2012 | |
Azərbaycan Boks Federasiyasının prezidenti | |
| 1984 – 23 yanvar 2009 | |
| Sonrakı | Kəmaləddin Heydərov |
| Şəxsi məlumatlar | |
| Doğum tarixi | 24 noyabr 1937 (87 yaş) |
| Doğum yeri | |
| Partiya | |
| Təhsili | |
| Fəaliyyəti | siyasətçi |
|
|
|
| Təltifləri |
     |
 Vikianbarda əlaqəli mediafayllar | |
Ağacan Abiyev 1937-ci il noyabrın 24-də Bakının Bülbülə qəsəbəsində dünyaya gəlib.Azərbaycan Dövlət Bədən Tərbiyəsi İnstitutunun bədən tərbiyəsi fakültəsini və Azərbaycan Politexnik İnstitutunun metallurgiya istehsalının avtomatlaşdırılması və kompleks mexanikləşdirilməsi fakültəsini bitirib.
1966-cı ildən Azərbaycan Politexnik İnstitutunun avtomatika və hesablama texnikası kafedrasının müəllimi olub. 1971-ci ildən Lipetsk Politexnik İnstitutunun dosenti, kafedra müdiri, 1983-cü ildən Azərbaycan İnşaat Mühəndisləri İnstitutunun Elektrotexnika və elektronika kafedrasının müdiri vəzifələrində çalışib. 1987-2015-ci illərdə Azərbaycan Dövlət Bədən Tərbiyəsi və İdman Akademiyasının rektoru vəzifəsini icra edib.
1 monoqrafiyanın və 100-dən çox elmi məqalənin müəllifidir. 4 ixtirası var.
Avropa Beynəlxalq Boks Federasiyasının vitse-prezidenti, Dünya Boks Federasiyası icraiyyə komitəsinin üzvüdür. 1957-ci ildən "Neftçi" İdman Cəmiyyətində məşqçi işləyib. İdman ustası və beynəlxalq dərəcəli hakimdir.
Azərbaycan Milli Olimpiya Komitəsinin baş katibi, Azərbaycan Boks Federasiyasının vitse-prezidentidir. Dəfələrlə beynəlxalq turnirlərdə mükafat qazanıb. 6 dəfə Azərbaycan çempionu olub. SSRİ fəxri idman ustası, beynəlxalq dərəcəli hakim, beynəlxalq dərəcəli fəxri idman ustası adlarını alıb.
2005, 2010 və 2015-ci illərdə Azərbaycan Respublikası Milli Məclisinin deputatı seçilib. Parlamentin elm və təhsil komitəsinin üzvü, intizam komissiyasının sədri olub. Azərbaycan-Kuba parlamentlərarası əlaqələr üzrə işçi qrupunun rəhbəri, Azərbaycan-Avstriya, Azərbaycan-Bolqarıstan, Azərbaycan-Polşa, Azərbaycan-Rusiya parlamentlərarası əlaqələr üzrə işçi qruplarının üzvü olub.
Yeni Azərbaycan Partiyasının üzvüdür.
"Şöhrət" və "Şərəf" 1-ci dərəcəli "Vətənə xidmətə görə" ordenləri ilə təltif edilmişdir.[1]
2025-ci il martın 1-də Frankfurt şəhərində keçirilən Avropa Olimpiya Komitələrinin 54-cü Baş Assambleyasında Ağacan Abıyev Avropa Olimpiya Komitəsinin "Olimpiya çələngi" mükafatına layiq görülüb.[2]
Rus və ingilis dillərini bilir.[3]
- ↑ "A.Q.Abiyevin 1-ci dərəcəli "Vətənə xidmətə görə" ordeni ilə təltif edilməsi haqqında Azərbaycan Respublikası Prezidentinin Sərəncamı". 24 noyabr 2022 tarixində arxivləşdirilib. İstifadə tarixi: 19 dekabr 2022.
- ↑ "Ağacan Abiyev "Olimpiya çələngi" mükafatı ilə təltif olunub". Report İnformasiya Agentliyi (az.). 1 mart 2025. İstifadə tarixi: 1 mart 2025.
- ↑ "Arxivlənmiş surət". 5 mart 2016 tarixində arxivləşdirilib. İstifadə tarixi: 7 avqust 2010.