Ağ məscid və ya Quba Ağ məscid — Quba şəhəri Cəfər Cabbarlı küçəsində yerləşən məscid.[1]
| Ağ məscid | |
|---|---|
 | |
 | |
| Ümumi məlumatlar | |
| Ünvan | Cəfər Cabbarlı küçəsi |
| Ölkə |
 Azərbaycan |
| Şəhər | Quba |
| Koordinatlar | 41°22′08″ şm. e. 48°32′01″ ş. u.HGYO |
| Təməlatma | 1996 |
| Texniki detallar | |
| Mərtəbə sayı | 3 |
İlk dəfə 1996-cı ildə Məscidin ərazisində Hacı Elnur Əfəndiyev tərəfindən bir otaq tikilmiş, sonralar bu kiçik otaq məscidə çevrilmişdir. İbadətgah Elnur Əfəndiyevin təşəbbüsü, yerli sakinlərin yardımı ilə dağıstanlı ustalara inşa etdirilib. Məscidin kürsüsü və minbəri Türkiyədən gətirilmişdir. Məscidin inşa edilməsinin məqsədi "Aeroport" adlanan ərazidə yaşayan əhalinin məscidə olan ehtiyacı qarşılamaq üçün olub.[2]
İbadətgah düzbucaqlı formadadır. İbadət evinin fasadı ağ rəngdədir. Məscid üç mərtəbədən ibarətdir. İbadətgahın birinci mərtəbəsi toplantıların, konfransların keçirilməsi üçün istifadə olunur. İkinci mərtəbə kişilər, üçüncü mərtəbə isə qadınlar üçün nəzərdə tutulub.[1] İbadət evinin adı isə ona fasadına görə verimişdir.[2]
Məsciddə "Ağ məscid" dini icması fəaliyyət göstərir.[3]
Ağ məsciddə Cümhuriyyət muzeyi fəaliyyət göstərir. Muzey Hacı Elnur Əfəndiyevin şəxsi təşəbbüsü ilə ölkəmizin azadlığı uğrunda mübarizə aparmış şəxslərin şərəfinə yaradılmışdır. Bu xatirə guşəsinin məqsədi qəhrəmanlarımızın həyat mübarizəsini insanlara çatdırmaqdır.
Hacı Elnur Əfəndiyev Qubanın kəndlərindən həmin şəxslərə məxsus əşyaları toplayaraq bu muzeyi yaratmışdır. Muzeydə cümhuriyyətçilərin əşyalarından başqa seyidlərdən, övliyalardan qalan maraqlı təsbehlər, əl işləri də nümayiş olunur.
Cümhuriyyət muzeyində Müsavat hökumətinin qurucularından olan İttihad Partiyasının nümayəndəsi Həmdulla əfəndi və onun silahdaşlarının portretləri, əşyaları toplanıb. Onların burada Qubada başladıqları xalq hərəkatı dövründən qalan silahları və əlyazmaları qorunub saxlanılır.[1][4]
- ↑ 1 2 3 "Quba Ağ məscidin yaranma tarixi". Shimal News. Fevral 7, 2023. Archived from the original on 2025-02-20. İstifadə tarixi: 2025-02-18.
- ↑ 1 2 "Qubalıların "Ağ Ev"i: Camaat öz böyük arzusunu reallaşdırdı". Sputnik Azərbaycan. 10:03 26.04.2018 (Yenilənib: 21:35 16.11.2021). 2025-02-19 tarixində arxivləşdirilib.
- ↑ "Qubanın Ağ məscidi... - REPORTAJ". Teleqraf. 12 Yanvar 2016 12:45. 19.02.2025 tarixində arxivləşdirilib.
- ↑ "Quba məscidi cümhuriyyətin anım muzeyinə çevrilib". Sputnik Az'rbaycan. 19.02.2025 tarixində arxivləşdirilib. İstifadə tarixi: 14:53 22.02.2019 (Yenilənib: 22:10 16.11.2021).