Açıla bilən körpü və ya asma körpü — adətən möhkəmləndirilmiş qala divarlarının giriş hissəsində darvaza kimi xidmət göstərən və xəndək üzərindən keçidi təmin edən körpüyə verilən addır.
Orta əsrlər dövründə əsasən xəndəklərlə mühafizə edilən qalaların əsas qapısından çıxışda taxta körpülərdən istifadə olunurdu. İlk belə nümunələrdə bu keçidi təmin edən körpülər qala hücuma məruz qaldığı zamanı dağıdılması və ya sökülməsi üçün xüsusi olaraq hazırlanırdı. Sonralar açıla bilən körpülərdən istifadə edilmiş və qısa bir müddət ərzində onların istifadəsi geniş yayılmışdır. Belə körpülər bağlı olduğu vəziyyətlərdə xarici qala darvazasını da əlavə mühafizə ilə təmin edirdi. Körpüyə çatmağa çalışan düşmən qüvvələrinin qabağı isə qaladakı bastionların üstündə olan əsgərlər tərəfindən kəsilirdi. Körpü kəndir və ya zəncir vasitəsilə açılıb bağlanırdı. Ağır qala qapılarının qaldırılması və endirilməsi üçün müntəzəm olaraq balanslaşdırıcı tərəzi mexanizmindən istifadə olunurdu. Xüsusilə Fransa və İngiltərə ərazilərində mövcud olan bir çox sayda şatolarda müasir dövrə qədər gəlib-çatmış açıla bilən körpülər mövcuddur.
-
Fransadakı Plessis-Bourre şatosu -
Fransadakı de Saumur şatosu -
Venesueladakı Pampatar qalası -
Fransadakı Tennessus şatosu -
İspaniyanın Barselona şəhərindəki Montjuic qalası
.jpg)