"21 Azər" — Almaniyanın Dortmund şəhərində nəşr olunan jurnal. Jurnal Azərbaycan Milli Hökuməti dövründə Təbrizdə nəşr olunan "21 Azər" jurnalının davamçısıdır.
| "21 Azər" | |
|---|---|
| Baş redaktor | Əlirza Miyanalı |
| İlk buraxılışı | 1998 |
| Ölkə |
 Almaniya |
| Qərargah | Dortmund |
Jurnal ilk dəfə 1945-1946-cı illərdə Azərbaycan Milli Hökuməti dövründə Təbrizdə nəşr olunub. Lakin şah qoşunlarının Azərbaycana hücumundan sonra Azərbaycan Milli Hökuməti dağılıb və jurnalın nəşri də qadağan edilib.
"21 Azər" jurnalı 1998-ci ildə Almaniyanın Dortmund şəhərində nəşr olunmağa başlayıb.[1] Jurnalın təsisçisi Səməd Nikanam, redaktoru Əlirza Miyanalı olub.[1] Azərbaycan türkcəsində və latın əlifbası ilə çap olunub. Əsas mövzusu Azərbaycan Milli Hökuməti olan jurnalda "Açılmamış səhifələr", "Ölkəmizi tanıyaq", "Xatirələr danışır", "Taleyimiz, tariximiz", "Tədqiqatlar, təhqiqatlar" rubrikaları da olub.[2]
- ↑ 1 2 Məmmədli, 2009. səh. 170
- ↑ Məmmədli, 2009. səh. 171
- Məmmədli, Pərvanə. Cənubi Azərbaycan mətbuatı tarixi: XIX-XX-XXI yüzilliklər (az.). Bakı: Elm nəşriyyatı. 2009. səh. 230.