Əzizağa Hacı Əli oğlu Məmmədov (15 may 1918, Lənkəran, Lənkəran qəzası – 23 fevral 1986, Bakı) — Azərbaycan ədəbiyyatşünası, filologiya elmləri doktoru.
| Əzizağa Məmmədov | |
|---|---|
| Əzizağa Hacı Əli oğlu Məmmədov | |
| Doğum tarixi | 15 may 1918 |
| Doğum yeri | |
| Vəfat tarixi | 23 fevral 1986 (67 yaşında) |
| Vəfat yeri | |
| Elm sahəsi | mətnşünaslıq |
| İş yerləri | |
| Təhsili | |
Əzizağa Hacıəli oğlu Məmmədov 15 may 1918-ci ildə Lənkəranda anadan olub.[1] 1933-cu ildə Bakı şəhəri 3 nömrəli nümunəvi məktəbi bitirmişdir. 1934–1937-ci illər Bakıda Sovet Ticarəti Texnikumunda, 1937–1941-ci illər Azərbaycan Dövlət Pedaqoji İnstitutunun dil-ədəbiyyat fakültəsində təhsil almışdır. 1938–1941-ci illər Azərbaycan Xalqlar Tarixi Muzeyində izahatçı işləmişdir.
1941–1943-cü illərdə Masallı rayonunun Təklə və Lənkəran rayonunun Şürük kəndlərində müəllim işləmişdir. 1944–1946-cı illərdə BDU-nun aspirantı olmuşdur. 1946–1957-ci illərdə Nizami adına Ədəbiyyat Muzeyində çalışmışdır. 1949-cu ildə "Şah İsmayıl Xətainin yaradıcılığı" mövzusunda namizədlik dissertasiyası müdafiə etmişdir. 1957-ci ildən ömrünün sonunadək AE Əlyazmalar fondunda baş elmi işçisi və şöbə müdiri vəzifələrinfə çalışmışdır.
1970-ci ildə "Şah İsmayıl Xətai əsərləri mətnlərinin tədqiqi və elmi-tənqidi mətni" mövzusunda doktorluq dissertasiyası müdafiə etmişdir.[2][3]
23 fevral 1986-cı ildə Bakı şəhərində vəfat etmişdir.[4]
- Molla Nəsrəddin jurnalı Amerika-İngiltərə imperializmi haqqında. Bakı: Uşaqgəncnəşr, 1952.
- Şah İsmayıl Xətai. Bakı: Uşaqgəncnəşr, 1961.
- Şah İsmayıl Xətayi. Bakı: Yazıçı, 1988.
- Əski çap kitabları kataloqu. C. 1 Türkdilli kitablar. Kitabları elmi-paleoqrafik təsvir edən: Əzizağa Məmmədov. Bakı: Nurlan, 2008.
- ↑ ""Azərbaycanın mədəniyyət təqvimi" elektron kataloqu (01.06.2020-ci ilədək)". AR Mədəniyyət Nazirliyi Şirvan-Salyan Regional Mədəniyyət İdarəsi. 2020-05-14.
- ↑ Flora Xəlilzadə. "Klassik irsimizin bənzərsiz tədqiqatçısı. O, bizə kimləri tanıtmadı?" (PDF). "Kaspi" qəzeti (№ ?). 26 dekabr 2016: 15.
- ↑ Xəlilzadə, Flora. "Əzizağa Məmmədov - Klassik irsimizin bənzərsiz tədqiqatçısı". senet.az. 2017-01-09. İstifadə tarixi: 2025-02-07.
- ↑ Əzizağa Məmmədov (1918-1986). Biblioqrafiya. Bakı: Nurlan. 2008. 6.