Əziz Nəsirzadə (fars. عزیز نصیرزاده 1964, Sərab, Şərqi Azərbaycan ostanı – 28 fevral 2026[1], Tehran) — İran hərbi xadimi və 2024–2026-cı illərdə Məsud Pezeşkian hökumətində İranın müdafiə və silahlı qüvvələrə dəstək naziri. 2021-ci ilin sentyabrından 2024-cü ilədək İran Silahlı Qüvvələrinin Baş Qərargah rəisinin müavini, 2018-ci ilin avqustundan 2021-ci ilin sentyabrınadək isə İran Hərbi Hava Qüvvələrinin komandanı olmuşdur.[2]
| Əziz Nəsirzadə | |
|---|---|
| fars. عزیز نصیرزاده | |
.jpg) | |
| 21 avqust 2024 – 28 fevral 2026 | |
| Əvvəlki | Məhəmmədrza Aştiani[d] |
| 19 sentyabr 2021 – 21 avqust 2024 | |
| Əvvəlki | Məhəmmədrza Aştiani[d] |
| Sonrakı | Məhəmmədrza Aştiani[d] |
| 19 avqust 2018 – 19 sentyabr 2021 | |
| Əvvəlki | Həsən Şahsəfi[d] |
| Sonrakı | Həmid Vahidi[d] |
| Şəxsi məlumatlar | |
| Doğum tarixi | 1964 |
| Doğum yeri | |
| Vəfat tarixi | 28 fevral 2026[1] (61–62 yaşında) |
| Vəfat yeri | |
| Vəfat səbəbi | hava zərbəsi |
| Fəaliyyəti | hərbi qulluqçu, zabit |
| Dini | İslam |
| Rütbəsi | |
 Vikianbarda əlaqəli mediafayllar | |
"F-14" pilotu olan Əziz Nəsirzadə İran–İraq müharibəsinin veteranı olmuşdur.[3][4][5] 28 fevral 2026-cı ildə İsrail və ABŞ-nin İrana endirdiyi zərbələr nəticəsində öldürülmüşdür.[6][7][8]
Əziz Nəsirzadə hərbi karyerasına İran–İraq müharibəsinin sonlarında "F-14 Tomcat" qırıcı təyyarəsinin pilotu kimi başlamış, lakin döyüş əməliyyatlarında iştirak etməmişdir. Sonrakı illərdə o, İran Hərbi Hava Qüvvələrində qərargah rəisi və müvəqqəti komandan kimi əsas vəzifələrdə çalışmış, 2018–2021-ci illərdə isə İran Hərbi Hava Qüvvələrinin komandanı olmuşdur.[9]
2021-ci ilin sentyabrından 2024-cü ilədək Əziz Nəsirzadə daha strateji vəzifədə — İran Silahlı Qüvvələrinin Baş Qərargah rəisinin müavini vəzifəsində işləmişdir.[9][10] 2024-cü ilin avqustunda o, İranın müdafiə və silahlı qüvvələrə dəstək naziri vəzifəsinə təyin olunmuşdur.
Əziz Nəsirzadə dövlət səviyyəsində təhlükəsizlik siyasətinin formalaşdırılmasında iştirak etmiş, İranın mühüm mülki, hərbi və nüvə infrastrukturlarının ABŞ və ya İsrail tərəfindən mümkün zərbələrdən qorunmasına cavabdeh olan Passiv Müdafiə üzrə Milli Təşkilata rəhbərlik etmişdir. Onun beynəlxalq təhlükəsizlik fəaliyyəti Ermənistanla müdafiə sahəsində əməkdaşlığı və Azərbaycanla birgə hərbi təlimləri əhatə etmiş, bu fəaliyyət Cənubi Qafqaz regionunda İsrail, Türkiyə və Qərbin təsirinə qarşı yönəlmişdir.[11]
2025-ci ilin iyununda İsrailin İrana endirdiyi zərbələrdən sonra bəzi müxalif və xarici KİV-lər Nəsirzadənin Tehranda Müdafiə və Silahlı Qüvvələrə Dəstək Nazirliyinin qərargahına edilən hücum zamanı öldürüldüyünü iddia etmiş, lakin hökumətyönlü media bu məlumatları təkzib etmişdir.[12]
Əziz Nəsirzadə “Müqavimət” ideologiyasını dəstəkləmiş, bunu sadəcə taktika deyil, köklü və davamlı bir inanc sistemi kimi səciyyələndirmişdir. O, 2024-cü ildə “Müqavimət 2006-cı ildə olduğu kimi İsraili məğlub edəcək” bəyanatını səsləndirmişdir.[13] O həmçinin sionist rejimin hər hansı addımının onun öz məhvinə gətirib çıxaracağını və İranın istənilən ssenariyə hazır olduğunu bildirmişdir. 2023-cü ilin avqustunda isə indiki və gələcək nəsillərin sionist rejimə qarşı mübarizəyə hazır olduqlarını və onu yer üzündən silmək əzmində olduqlarını vurğulamışdır.[14]
2025-ci ilin iyununda İran–ABŞ danışıqlarının nəticəsiz qalması ilə bağlı açıqlamalar zamanı Nəsirzadə, münaqişə baş verəcəyi təqdirdə ABŞ-ın bütün bazalarının İranın zərbə radiusunda olduğunu və onların yerləşdiyi ölkələrdə hədəfə alınacağını bildirmişdir.[15]
Əziz Nəsirzadənin 28 fevral 2026-cı ildə İsrail və ABŞ-nin İrana endirdiyi zərbələr zamanı İsrail Müdafiə Qüvvələri tərəfindən öldürüldüyü bildirilmişdir.[16] Sonradan bu xəbər İran dövlət mediası tərəfindən təsdiqlənmişdir.[17]
- 1 2 https://x.com/hey_itsmyturn/status/2027744059301790154.
- ↑ "IRANIAN AIR FORCE READY TO 'ELIMINATE ISRAEL,' COMMANDER SAYS, AS TENSIONS RISE OVER SYRIA AIRSTRIKES". Newsweek. 21 yanvar 2019.
- ↑ "Iran Appoints Nasirzadeh As Chief Of Country's Air Force". Radio Farda.
- ↑ "Leader appoints Brig. Gen. Nasirzadeh as Dep. Chief of Staff". Mehr News Agency (ingilis). 19 sentyabr 2021. İstifadə tarixi: 8 iyun 2025.
- ↑ "Former F-14 pilot named new Iran air force chief". Times of Israel (ingilis). AP. İstifadə tarixi: 8 iyun 2025.
- ↑ "28.02, 22:20: צפו בעדכון דובר צה"ל".
- ↑ Fabian, Emanuel. "IDF confirms killing top Iranian leaders, including top defense official Ali Shamkhani". 28 fevral 2026 – www.timesofisrael.com vasitəsilə.
- ↑ Emily, Rose; Hafezi, Parisa. "Live: US and Israel strike Iran as Trump says actions give Iranians chance to 'topple their rulers'". Reuters. İstifadə tarixi: 28 fevral 2026.
- 1 2 "Khamenei Reshuffles Air Force And General Staff Commanders". Iran International (ingilis). 19 sentyabr 2021. İstifadə tarixi: 8 iyun 2025.
- ↑ "Iran's Ex-Minister Appointed as Deputy Chief of Staff - Politics news" (ingilis). Tasnim News Agency. İstifadə tarixi: 8 iyun 2025.
- ↑ "Institute for the Study of War". Institute for the Study of War (ingilis). İstifadə tarixi: 8 iyun 2025.
- ↑ "تکذیب شایعه ترور وزیر دفاع" [Assassination rumors about the Defense Minister refuted]. Fararu (fars). 15 iyun 2025. İstifadə tarixi: 15 iyun 2025.
- ↑ "'Resistance will defeat Israel as it did in 2006': Iran DM". Tehran Times (ingilis). 14 oktyabr 2024. İstifadə tarixi: 8 iyun 2025.
- ↑ "Iran nominates ex-Air Force chief as defense minister". Times of Israel (ingilis). AP. İstifadə tarixi: 8 iyun 2025.
- ↑ "Iran threatens to strike US bases in region if military conflict arises". Reuters (ingilis). 11 iyun 2025. İstifadə tarixi: 11 iyun 2025.
- ↑ "Iran defence minister, Guards commander killed in Israeli attacks, three sources say". Reuters. 28 fevral 2026. 28 fevral 2026 tarixində arxivləşdirilib.
- ↑ "Iran's chief of army staff, defense minister killed - state media". DW News (ingilis). İstifadə tarixi: 1 mart 2026.