Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinƏtraf mühit fəlsəfəsi — elmin fəlsəfəsinin ətraf mühit problemləri ilə məşğul olan alt sahəsi. Ətraf mühit fəlsəfəsinin əsas problemləri ekoloji fəaliyyətlər, mənəvi (əxlaqi) məsələlər və insanla digər canlılar arasındakı qarşılıqlı əlaqədir. Ətraf mühit fəlsəfəsi həmçinin metafizika, ontologiya (varlıq haqqında elm) və bilik nəzəriyyəsi ilə də birbaşa bağlıdır.[1] Məsələn, o, ətraf mühit etikası və dövlət siyasətinin maraqlandığı sahələrdə metafizik, epistemioloji və ya əxlaqi həll yolları tapmağa çalışır.[2]
Ətraf mühit fəlsəfəsinin digər məqsədi isə ümumilikdə elmdə, xüsusilə də təbiət elmlərində "ilk prinsiplər"ə çatmaq və onları tənqidi şəkildə dəyərləndirməkdir.[2] Ətraf mühit fəlsəfəsinin hansı ilkin fərziyyələrə əsaslandığı barədə filosoflar arasında vahid fikir mövcud deyildir. "Ətraf mühit" anlayışı da kifayət qədər subyektiv xarakter daşıyır. Buna baxmayaraq, ətraf mühit filosoflarının ümumi diqqət mərkəzində olan bir sahə var — bu da "təbiətin təbiəti"ni sorğulamaqdır.[3]
Ətraf mühit fəlsəfəsi, ətraf mühit elmlərini təşkil edən sahələr — məsələn, ətraf mühit tarixi, ətraf mühit elmi və ətraf mühit etikası — ilə müqayisədə fərqli bir baxış bucağı təqdim edir.[3]
- ↑ Taylor, Peter J., Philosophy of Ecology // eLS (ingilis), American Cancer Society, 2014, doi:10.1002/9780470015902.a0003607.pub3, ISBN 9780470015902
- ↑ 1 2 Keller, David R.; Golley, Frank B. The Philosophy of Ecology: From Science to Synthesis. Athens, Georgia: University of Georgia Press. 2000. 1–20.
- ↑ 1 2 Brenner, Joseph E. "The Philosophy of Ecology and Sustainability: New Logical and Informational Dimensions". Philosophies (ingilis). 3 (2). 2018: 16. doi:10.3390/philosophies3020016.