Ətik Əli Paşa məscidi (türk. Atik Ali Paşa Camii) — Türkiyənin Ədirnə ilinin Meydan məhəlləsində yerləşən məscid.
| İslam | |
| Ətik Əli Paşa məscidi | |
|---|---|
| türk. Atik Ali Paşa Camii | |
 | |
 | |
| Yerləşməsi | |
| Ölkə |
 Türkiyə |
| Şəhər | Ədirnə |
| Yeri | Meydan məhəlləsi |
| Memarlıq | |
| Tikdirəni | Ətik Əli Paşa |
| Üslubu | Osmanlı memarlığı |
 Vikianbarda əlaqəli mediafayllar | |
Səlimiyyə məscidinə 1,5 km məsafədə, Ətik Əli Paşa küçəsində yerləşən məscid bu gün də istifadəyə açıqdır. Vəqflər Ümumi Müdirliyinin himayəsində olan məscid Ədirnə Mədəni və Təbii İrsi Qoruma Şurasının 04.07.2003-cü il tarixli 7697 saylı qərarı ilə dövlət qeydiyyatına alınmışdır.[1]
Məscidin tikilmə tarixi dəqiq bilinməsə də, II Bəyazid dövrünün baş vəzirlərindən olan Ətik Əli Paşa[2] tərəfindən tikildiyi məlumdur. Xədim[3] ləqəbli Ətik Əli Paşanın vəfat ili 1506-cı il olduğundan məscidin bu tarixdən əvvəl tikildiyi güman edilir.[4]
Təkyə-i Əli Paşa məscidi kimi də tanınan məscid 1910-cu ildə müharibə zamanı məscidə dəyən güllə nəticəsində məscid dağılıb. 1897-ci ildə yanındakı təkkə ilə birlikdə 28.750 kuruşa təmirinə başlansa da,[5][6] təmiri yarımçıq qalmışdır. 2012-ci ildə bərpa qərarı verilən məscid 2014-cü ildə bərpa edilib.[7] Bərpa zamanı eyvanına qədər çökmüş minarə və dam örtüyü təmir edilib, həyəti abadlaşdırılıb, ətraf divarları əsaslı təmir olunub. Birinci mərhələdə təmir üçün 450 min türk lirəsi ayrılıb.[8]
Kvadrat planda tikilmiş hörgü formasındakı məscidinin damı taxtadan, minarəsi isə kərpicdəndir. Girişdə hər iki tərəfi divarlardan ibarət fasadın çəhrayı və qara rəngli qranit sütunlu köhnə üslublu tağı vardır.[6] Divarları kobud yonulmuş daşdan olan məscid tək günbəzlidir.
Məscid külliyəsi qalsa da, onun əsas daşların bəziləri günümüzə gəlib çatmayıb.
-
Məscidin xaricdən görünüşü -
Məscid -
Məscidin yan tərəfdəki külliyəsi -
Məscidin şadırvanı
- ↑ "Atik Ali Paşa Camii" (PDF). Edirne Valiliği. 2013. səh. 68. 26 Aralık 2024 tarixində arxivləşdirilib (PDF).
- ↑ Eyice, Semavi. Atik Ali Paşa Camii (Türkçe). İstanbul: TDV İslam Ansiklopedisi. 1991.
- ↑ İpşirli, Mehmet. Atik Ali Paşa (Türkçe). 1991.
- ↑ "500 yıllık Atik Ali Paşa Camii onarılacak" (Türkçe). 24 Aralık 2012.
- ↑ Badi, Ahmet. (Türkçe). Edirne Valiliği Yayınları. 2000. səh. 54.
- ↑ 1 2 "Atik Ali Paşa Camii". Edirne Müftülüğü. 11 Ağustos 2013. 11 Ağustos 2013 tarixində arxivləşdirilib.
- ↑ "Atik Ali Paşa Camii" (türk). Edirne'de Kültür. 10 Mart 2023 tarixində arxivləşdirilib.
- ↑ "Vakıflar Bölge Müdürü Hayati BİNLER, "Sıra Atik Ali Paşa Camisinde"" (Türkçe). 24 Aralık 2012.