Əsvəd ibn Yəzid (ərəb. الأسود بن يزيد) və ya Əbu Əbdirrəhman əl-Əsvəd ibn Yezid ibn Qeys ən-Nəxa əl-Kufi — Tabiin nəslinə mənsub mühəddis, fəqih və qiraət alimi. Zöhddə təqvası ilə məşhur[1] səkkiz şəxsdən biri.[2] Əlqamənin qardaşı oğlu İbrahim ən-Nəxainin dayısıdır.[1]
| Əsvəd ibn Yəzid | |
|---|---|
| ərəb. الأسود بن يزيد | |
| Doğum yeri | Yəmən |
| Vəfat tarixi | 690-cı illər |
| Vəfat yeri | Kufə, Əməvilər |
| Elm sahələri | hədis, fiqh, qiraət |
| Elmi rəhbəri | Abdullah ibn Məsud |
Yəmən əsilli Nəxa qəbiləsinə mənsub olduğu üçün "Nəxai", Kufədə məskunlaşdığı üçün də "Kufi" nisbələr ilə xatırlanır. Künyəsi "Əbu Amr"dır. Məhəmməd peyğəmbərin dövründə yaşamış, lakin onu görməmişdir. Yəməndə Muaz ibn Cəbəldən hədis dinləmiş, Kufədə Abdullah ibn Məsuddan fiqh, təfsir, hədis və digər şəriət elmlərini öyrənmişdir. Quranı ən yaxşı bilənlərdən biri olan Əsvədi, Əhməd ibn Hənbəl, Yəhya ibn Main və digər hədis münəkkitləri (red — təniqdçi) "siqa" adlandırmışdır. O, Bilal Həbəşi, Huzeyfə ibn Yəman, Salman Farsi, Abdullah ibn Məsud, Əbu Bəkir, Ömər, Əli, Əbu Musa əl-Əşari, Aişə və Ümmü Sələmə kimi bir çox səhabədən hədis almışdır. Əsvəddən də İbrahim ibn Süveyd ən-Nəxai, İbrahim ibn Yezid ən-Nəxai, Riyəb ibn Haris, Dahhək ibn Müzəhim, oğlu Əbdürrəhman ibn Əsvəd, qardaşı Əbdürrəhman ibn Yezid kimi mühaddislər hədis rəvayət etmişdir. Yəhya ibn Vəssab, Ubeyd ibn Nudəylə, Şəbi və Əbu İshaq əs-Səbi onun tələbələrindəndir. Ömrü boyunca zöhd və təqvədan ayrılmayan, ibadətlər ilə zərbi-məsəl olmuş Əsvəd, Kufədə vəfat etmişdir.[2]
- ↑ 1 2 Əbu Hənifə Numan ibn Sabit, Tərcümə və şərh edən: Fizuli Hüsiyev. əl-Fiqhul-Əkbər (az.). Bakı: İpəkyolu Nəşriyyatı. 2014. 24. ISBN 978-9952-8221-7-5.
- ↑ 1 2 "ESVED b. YEZÎD - الأسود بن يزيد". 28.03.2025 tarixində arxivləşdirilib.