Vikipediya ?

Əsgər Abdullayev (alim)

Əsgər Abdullayev (1 yanvar 1927-ci il, Eyvazlı, Qubadlı rayonu, Azərbaycan SSR) — avtomatika sahəsində Azərbaycan alimi, AMEA-nın müxbir üzvü (1969), SSRİ Dövlət Mükafatı laureatı (1969), Azərbaycan SSR əməkdar mühəndisi (1964).

Əsgər Abdullayev
Əsgər Abdullayev.png
Doğum tarixi 1 yanvar 1927(1927-01-01)
Doğum yeri Eyvazlı, Qubadlı rayonu
Vəfat tarixi 1998
Vəfat yeri
Elmi dərəcəsi texnika elmləri doktoru[d]
Təhsili
Üzvlüyü Azərbaycan Milli Elmlər Akademiyası

Həyatı

1 yanvar 1927-ci ildə Qubadlı rayonunun Eyvazlı kəndində anadan olmuşdur. 1952-1954-cü illərdə SSRİ EA Avtomatika və Telemexanika İnstitutunun elmi əməkdaşı, 1954-57-ci illərdə isə Azərbaycan Neft Maşınqayırma İnstitutunda avtomatika və telemexanika laboratoriyasının müdiri olmuşdur. 1957-1959-cu illərdə "Neftkimyaavtomat" Elmi-Tədqiqat və Layihə İnstitutunun elmi işlər üzrə direktor müavini, 1959-cu ildən isə həmin institutun direktoru olmuşdur.

Neft mədənlərinin kompleks avtomatlaşdırılması və telemexanikləşdirilməsi üçün lazım olan cihaz və aparatların yaradılması üzrə çalışmış, neft sənayesi proseslərinin avtomatik idarə olunması prinsiplərini işləyib hazırlamışdı. Yüksək ixtisaslı kadrların hazırlanmasında xidmətləri vardır.

Ölçü texnikasına dair beynəlxalq konfransda (Budapeşt, 1961), VII Üumdünya neft konqresində (Mexiko, 1967) və avtomatik idarəetmə üzrə Beynəlxalq Federasiyanın 6-cı konqresində (Boston, 1975) məruzə etmişdir. Azərbaycan Sovet Ensiklopediyasının elmi redaksiya şurasının üzvü olmuşdur (1976).

Ə. Abdullayev 2 orden və medallarla təltif olunmuşdur.

İstinadlar

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019