Əs-Siqat (ərəb. الثقات) və ya Kitab əs-Siqat (ərəb. كتاب الثقات)[1] — İbn Hibbanın "siqa" hesab etdiyi hədis raviləri haqqında olan əsəri.
| Əs-Siqat | |
|---|---|
| ərəb. كِتَابُ الثِّقَاتِ | |
| Müəllif | İbn Hibban |
| Mövzu | rical |
| Orijinalın dili | ərəb dili |
"Əs-Siqat"ın digər adları "Tarixus-siqat" ilə "əs-Siqat minəs-səhabə vət-tabiin və ət-bait-tabiin"dir. Əsər özündə 15 min hədis ravisinin məlumatlarını ehtiva edir. Əsərdə ravilər təbəqələr halında, yarı əlifba sırası ilə verilmişdir. Ravilərin tərcümeyi-halları təqdim edilərkən onların adları, ləqəbləri, ölüm tarixləri, müəllimləri, tələbələri və s. haqqında məlumatlar təqdim edilmiş və həmçinin onlar cərh və tədil dərəcələri də göstərilmişdir.[2] Əsərə müəyyən tənqidlər də yöndirilmişdir: əl-Albani "əs-Siqat"da məchul ravilərə yer verildiyi və xətalar edildiyi iddiası ilə əsəri tənqid etmişdir.[3]
Çox sayı əlyazma nüsxələri olan "əs-Siqat" Məhəmməd Əbdürrəşid tərəfindən Heydərabadda nəşr olunmuşdur (I–IX, 1973–1983).[4]
- ↑ "كتاب الثقات لابن حبان". Əl-Məktəbətü əş-Şamilə. 3 fevral 2026 tarixində arxivləşdirilib. İstifadə tarixi: 3 fevral 2026.
- ↑ İbn Hibban. Əs-Siqat (ərəb). I–IX. Heydərabad: naşir: Məhəmməd Əbdürrəşid. 1973–1983.
- ↑ Əl-Albani, Nəsrəddin. Ər-Rəvzüd-dəni fil-fəvaidil-hədisiyyə (ərəb). Əmman. hicri 1422.
- ↑ Sönmez, M. Ali. "Es-Sikat". TDV İslâm Ansiklopedisi. 2009. 3 fevral 2026 tarixində arxivləşdirilib. İstifadə tarixi: 3 fevral 2026.