Bu məqalənin ensiklopedik tələblərə cavab vermədiyinə dair şübhələr var. |
Ərəstü İsa oğlu Həbibbəyli (1980, Naxçıvan) — Azərbaycan ictimai-siyasi xadimi, iqtisadçı, Azərbaycan Respublikası Nazirlər Kabineti Aparatının Humanitar məsələlər şöbəsinin müdiri[1], Birinci dərəcəli fövqəladə və səlahiyyətli elçi, iqtisad elmləri namizədi.
| Ərəstü Həbibbəyli | |
|---|---|
| Şəxsi məlumatlar | |
| Doğum tarixi | 1980 |
| Doğum yeri | |
| Partiya | |
| Təhsili | |
| Atası | İsa Həbibbəyli |
|
|
|
| Təltifləri |
 |
Ərəstü Həbibbəyli 1980-ci ildə Naxçıvan şəhərində anadan olmuşdur. Naxçıvan şəhərində 12 saylı orta məktəbi bitirdikdən sonra 1997–2001-ci illərdə Bakı Dövlət Universitetinin Beynəlxalq hüquq və beynəlxalq münasibətlər fakültəsində bakalavr, 2001–2003-cü illərdə isə magistr pillələrində təhsilini davam etdirmişdir.
2003–2006-cı illərdə Azərbaycan Milli Elmlər Akademiyasının İqtisadiyyat İnstitutunda beynəlxalq iqtisadi münasibətlər üzrə aspiranturada təhsil almışdır. 2006-cı ildə "Azərbaycan Respublikasının Böyük Britaniya ilə xarici əlaqələrinin əsas istiqamətləri" mövzusunda namizədlik dissertasiyası müdafiə edərək iqtisad elmləri namizədi alimlik dərəcəsi almışdır.[2]
2002–2007-ci illərdə İqtisadi İnkişaf Nazirliyində işləmişdir.
2007–2015-ci illərdə Azərbaycan Respublikası Prezidenti Administrasiyasının Xarici əlaqələr şöbəsində işləmiş[3], 2015–2018-ci illərdə Azərbaycan Respublikası Prezidenti Administrasiyasının Xarici siyasət məsələləri şöbəsinin müdir müavini olmuşdur.[4]
9 iyul 2018-ci ildə Azərbaycan Respublikası Baş Nazirinin Katibliyinin rəisi təyin olunmuşdur.
21 fevral 2024-cü ildə Azərbaycan Respublikası Nazirlər Kabineti Aparatının Humanitar məsələlər şöbəsinin müdiri təyin olunmuşdur.
2000-ci ildən Yeni Azərbaycan Partiyasının üzvüdür.
Ailəlidir, üç övladı var.
Ərəstü Həbibbəyli Azərbaycan alimi İsa Həbibbəylinin oğludur.
Qardaşı Səhət Həbibbəyli — Naxçıvan Muxtar Respublikası Dövlət Gömrük Komitəsinin sədri, gömrük xidməti general mayoru.
- Birinci dərəcəli Fövqəladə və Səlahiyyətli Elçi —
- Dövlət qulluğunda fərqlənməyə görə medal — 27 iyun 2013[5]
- 2-ci dərəcə dövlət müşaviri – 27 dekabr 2018
- "Azərbaycan Respublikası diplomatik xidmət orqanlarının 100 illiyi (1919–2019)" Azərbaycan Respublikasının yubiley medalı — 9 iyul 2019
- "Azərbaycan Xalq Cümhuriyyətinin 100 illiyi (1918–2018)" yubiley medalı — 27 may 2019
Müəllifin xarici siyasətin aktual mövzularına dair Azərbaycanda və xaricdə 50-yə yaxın məqaləsi çap olunmuşdur.
- "Azərbaycan-Britaniya iqtisadi əlaqələri" (Bakı, "Nurlan", 2007-ci il)
- "Sivilizasiyaların kəsişməsində Türk dünyası" (Bakı, "Elm və təhsil", 2011-ci)
- "Uygarlıkların Kavşağında Türk Dünyası" (İstanbul, "Yedirenk", 2013-cü il, türk dilində)
- Yeni çağırışların işığında (Bakı, "Elm və təhsil", 2014, məqalələr toplusu)
- ↑ "Azərbaycan Respublikası Nazirlər Kabineti Aparatının strukturu". 2024-05-16 tarixində arxivləşdirilib. İstifadə tarixi: 2025-01-19.
- ↑ Azərbaycan Respublikasının Böyük Britaniya ilə xarici əlaqələrinin əsas istiqamətləri : iqtisad е. n. а. dər. al. üçün təq. ed. dis.: 08.00.14 /Ə. İ. Həbibbəyli ; AMEA, İqtisadiyyat İn-tu.
- ↑ "Ərəstü Həbibbəyli kimdir?". 2018-07-14 tarixində arxivləşdirilib. İstifadə tarixi: 2025-01-19.
- ↑ Ə. İ. Həbibbəylinin Azərbaycan Respublikası Prezidentinin Administrasiyasının Xarici siyasət məsələləri şöbəsi müdirinin müavini vəzifəsindən azad edilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI
- ↑ "Arxivlənmiş surət". 2021-11-28 tarixində arxivləşdirilib. İstifadə tarixi: 2019-07-11.