Bu məqalədə heç bir məlumatın mənbəsi göstərilməmişdir. |
Bu məqalənin ensiklopedik tələblərə cavab vermədiyinə dair şübhələr var. |
Ənvər Süleyman oğlu Köçərli (10 yanvar 1934, Gədəbəy – 24 aprel 2011, Bakı) — biologiya elmləri namizədi (1966), Eksperimental Kolbasa-Konserv Zavodunun direktoru (1971-1982), Elmi tədqiqat institutunda baş elmi işçi və laboratoriya müdiri (1982-1989), Azərbaycan Respublikası Ədliyyə Nazirliyi Məhkəmə Ekspertizası Mərkəzində aparıcı elmi işçi–ekspert (1989-2008).
| Ənvər Köçərli | |
|---|---|
| Ənvər Süleyman oğlu Köçərli | |
 | |
| Doğum tarixi | 10 yanvar 1934 |
| Doğum yeri | Gədəbəy, Azərbaycan SSR, SSRİ |
| Vəfat tarixi | 24 aprel 2011 (77 yaşında) |
| Vəfat yeri | |
| Vətəndaşlığı |
 SSRİ Azərbaycan |
| İş yeri | |
| Təhsili | |
Ənvər Süleyman oğlu Köçərli 1934-cü il yanvar ayının 10-da Gədəbəy rayonunun İsalı kəndində doğulub. 1952-ci ildə Bakı Feldşerlik Texnikumunu, 1959-cu ildə Azərbaycan Kənd Təsərrüfatı İnstitutunu bitirib. 1959-cu ildən 1964-cü ilə qədər Gədəbəy və Masallı rayonlarında fəaliyyət göstərmiş, əldə etdiyi nəzəri bilikləri təcrübəyə tətbiq etmişdir. O, 1963-cü ildə Azərbaycan EA Zoologiya İnstitutunun aspiranturasına daxil olub. 1966-cı ildə dissertasiya müdafiə edərək biologiya elmlər namizədi elmi adı almışdır.
Qafqazda miqyasına görə ən böyük və ixtisaslaıdırılmış Mərdəkan Quşçuluq Fabrikinin yaradılması Ənvər Köçərlinin rəhbərliyi altında qısa müddətdə uğurla yerinə yetirilmişdir.
1971-1982-ci illərdə Eksperimental Kolbasa-Konserv Zavodunun direktoru vəzifəsində işləmişdir. Dövlət tərəfindən orden, diplom və fəxri fərmanlarla təltif edilmişdir.
1982-1989-cu illərdə Elmi tədqiqat institutunda baş elmi işçi və laboratoriya müdiri vəzifələrində çalışmışdır.
1989-2008-ci illər ərzində Azərbaycan Respublikası Ədliyyə Nazirliyi Məhkəmə Ekspertizası Mərkəzində aparıcı elmi işçi – ekspert vəzifəsində çalışmışdır. Bir müəlliflik şəhadətnaməsinin, 40-dan artıq elmi-tədqiqat əsəri və metodik göstərişlərin müəllifi olmuşdur.
2001-ci ildə qələmə aldığı ”Bir ağacın budaqları” tarixi kitabı çap edilmişdir.
Ənvər Köçərli 24 aprel 2011-ci il tarixində Bakı şəhərində vəfat etmişdir.
Elm xadimi haqqında olan bu məqalə bu məqalə qaralama halındadır. Məqaləni edərək Vikipediyanı zənginləşdirin. |