Əndorab qalası — Azərbaycanın Tərtər rayonu ərazisində qala.
| Əndorab qalası | |
|---|---|
| Ölkə |
 Azərbaycan |
| Şəhər | Tərtər |
| Tikilmə tarixi | VIII-IX əsrlər |
| Üslubu | Arran memarlıq məktəbi |
| Material | kərpic, çiy kərpic |
Əndorab qalası erkən orta əsrlərin son mərhələsinə, VIII-IX əsrlərə aiddir. Qala haqqında orta əsr yazılı mənbələrdə vacib məlumatlar verilib, lakin qalanın yeri 2007-ci ilə qədər məlum olmayıb. 2007-ci ildə ərazidə aparılan arxeoloji qazıntılar zamanı qalanın yeri müəyyən edilib.[1]
Ümumi sahəsi 8 hektar olan qala Tərtər çayının sahilində, Bərdə-Gəncə ticarət yolunun kənarında yerləşir. Ekspedisiyanın rəhbəri, Azərbaycan Milli Elmlər Akademiyası Arxeologiya və Etnoqrafiya İnstitutunun orta əsrlər arxeologiyası şöbəsinin müdiri, tarix elmləri doktoru Arif Məmmədov o dövrlər üçün həm müdafiə, həm də məlumat götürmə məntəqəsi kimi fəaliyyət göstərən qalada aparılan arxeoloji qazıntılar zamanı bir sıra maddi eksponantların da aşkarlandığını söyləyib.
Qazıntı ərazisindən XII əsrə, Atabəylər dövrünə aid mis pullar, qədim dövrlərə aid saxsı məmulatlar aşkarlanıb. Həmçinin Sasani və Ərəb işğalı dövrlərinə aid, üzərində fars əlifbası ilə yazılan sənətkar möhürü də aşkar olunub.