Əmrulla Paşayev (tam adı: Əmrulla Xanməd oğlu Paşayev) ― pedaqoji elmlər doktoru (1993), professor (1997), Gürcüstan Təhsil Akademiyasının həqiqi üzvü, Əməkdar müəllim.[1][2]
| Əmrulla Paşayev | |
|---|---|
| Əmrulla Xanməd oğlu Paşayev | |
| Doğum tarixi | |
| Doğum yeri | Qarabaldır kəndi, Qax rayonu |
| Vətəndaşlığı |
 SSRİ→ Azərbaycan |
| Elm sahəsi | pedaqogika |
| Elmi dərəcəsi | pedaqoji elmlər doktoru |
| Elmi adı | professor |
| Elmi rəhbəri | Василий Георгиевич Гагуа |
| Mükafatları |
Əmək rəşadətinə görə  ,  |
Əmrulla Paşayev 2 noyabr 1937-ci ildə Qax rayonunun Qarabaldır kəndində anadan olub. 1953-cü ildə yeddiillik kənd məktəbini bitirib, orta təhsilini isə Zaqatala rayonunun Bəhmənli kəndində başa çatdırıb. 1956-1959-cu illərdə orduda xidmət edib, ordudan tərxis olunduqdan sonra mexanizator kimi əmək fəaliyyətinə başlayıb. 1963-1967-ci illərdə Tbilisi Dövlət Pedaqoji İnstitutunun Pedaqoji fakültəsində təhsil alıb, həmin fakültəni fərqlənmə diplomu ilə bitirib. 1967-1968-ci illərdə Gürcüstan Dövlət Radio və Televiziya Verilişləri Komitəsində çalışıb. 1968-ci ildən A.S.Puşkin adına Tbilisi Dövlət Pedaqoji Institutunda Azərbaycan dili və ədəbiyyatı və erməni dili və ədəbiyyatı kafedrasında baş laborant, müəllim olaraq fəaliyyət göstərib.[3]
Üç övladı, dörd nəvəsi var.
- 1956-1959-cu illərdə orduda xidmət edib, ordudan tərxis olunduqdan sonra mexanizator kimi əmək fəaliyyətinə başlayıb.
- 1963-1967-ci illərdə Tbilisi Dövlət Pedaqoji İnstitutunun Pedaqoji fakültəsində təhsil alıb, həmin fakültəni fərqlənmə diplomu ilə bitirib.
- 1967-1968-ci illərdə Gürcüstan Dövlət Radio və Televiziya Verilişləri Komitəsində çalışıb.
- 1968-ci ildən A.S.Puşkin adına Tbilisi Dövlət Pedaqoji Institutunda Azərbaycan dili və ədəbiyyatı, erməni dili və ədəbiyyatı kafedrasında baş laborant işləməklə yanaşı, pedaqogika və pedaqogika tarixi fənlərindən mühazirə və seminar məşğələləri aparıb.
- 1974-cü ildə professor V.V. Qaquanın rəhbərliyi ilə “XIX əsr-XX əsrin əvvəllərində Gürcüstanda rus-Azərbaycan məktəblərinin meydana gəlməsi və inkişafı” mövzusunda namizədlik dissertasiyası müdafiə edib
- 1993-cü ildə “XIX əsr-XX əsrin əvvəllərində Qafqazda ibtidai təhsilin inkişafı” mövzusunda doktorluq dissertasiyası müdafiə edib.
- 1993-cü ildən ADPU-nun Ümumi pedaqogika kafedrasında əvvəlcə müəllim olaraq fəaliyyətə başlayıb, dosent kimi davam etdirib.
- 1997-ci ildən ADPU-nun professorudur.[3]
Müxtəlif illərdə Azərbaycan Respublikası Təhsil Problemləri İnstitutunda və ADPU-da fəaliyyət göstərən ixtisaslaşdırılmış Müdafiə Şurasının üzvü, həmin Şuranın nəzdində elmi seminarın sədri olmuş, elmi-pedaqoji kadrların hazırlanmasında fəal iştirak etmişdir.
100-dən çox elmi-metodik ədəbiyyatın, ali və orta məktəblər üçün proqramların, ümumtəhsil, orta ixtisas, ali məktəblər və xüsusi məktəblər üçün dərslik və dərs vəsaiti, həmçinin monoqrafiya, tərçümələrin müəllifidir.
- Paşayev Ə.X., Rüstəmov F.A. Pedaqogika. Yeni kurs. Pedaqoji universitetlərin və ali pedaqoji məktəblərin tələbələri üçün dərs vəsaiti. Bakı: "Elm və təhsil", 2010. - 464 səh.
Professor Əmrulla Paşayev "Əmək rəşadətinə görə" və "Tərəqqi" medalları[4] ilə təltif olunub və "Əməkdar müəllim"[5] fəxri adına layiq görülüb.[3]
- ↑ "AZƏRBAYCAN MÜƏLLİMİ". old.muallim.edu.az. İstifadə tarixi: 2025-04-08.
- ↑ "Pedaqoji Universitetdə "Professor Əmrulla Paşayev" kitabının təqdimatı olub". azertag.az (az.). İstifadə tarixi: 2025-04-08.
- ↑ 1 2 3 "Pedaqoji Universitetində "Professor Əmrulla Paşayev" kitabının təqdimatı olub". ZiM.Az | "ZİYA" İnformasiya Mərkəzi (rus). İstifadə tarixi: 2025-04-08.
- ↑ Crocusoft. "E-QANUN". e-qanun.az (ingilis). İstifadə tarixi: 2025-04-08.
- ↑ "Azərbaycan Dövlət Pedaqoji Universitetinin əməkdaşlarına fəxri adların verilməsi haqqında". frameworks.e-qanun.az. İstifadə tarixi: 2025-04-08.