Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinƏbül-Əsved (Əbu Əbbad) Əmr ibn Külsüm ibn Malik (ərəb. عمرو بن كلثوم; təq. 526, Nəcd – təq. 600) — müəlləqa şairi.
| Əmr ibn Külsüm | |
|---|---|
| ərəb. عمرو بن كلثوم | |
| Doğum tarixi | təq. 526 |
| Doğum yeri | |
| Vəfat tarixi | təq. 600 (73–74 yaşında) |
| Fəaliyyəti | şair |
| Əsərlərinin dili | ərəb dili |
| Tanınmış əsəri | Müəlləqat |
İraqın Təğlib qəbiləsinin Cüşəm qoluna mənsubdur. Atası tanınmış cəngavərlərdən Külsüm ibn Malik, anası isə şair Mühəlhil ibn Rəbiənin qızı Leyladır. Mənbələr onun on beş yaşında qəbilə başçısı olduğunu qeyd ediblər. Əmr Ərəb yarımadasına, Şama, İraqa və Nəcdə səfərlər etmişdir. Getdiyi yerlərdə qəhrəmanlıqlar nümayiş etdirmiş və igidliyi ilə zərbi-məsəl olmuşdur. Hirə hökmdarı Əmr ibn Hindi öldürməsi bunlardan sadəcə biridir. Onun 150 il ömür sürdüyü söylənmişdir.[1]
O öz şeirlərində İslamdan əvvəlki ərəblərin dini, adətləri, sənətkarlıqları, rəqsləri kimi mövzulardan bəhs etmişdir. Bu da onun şeirlərini folklor nöqtəyi-nəzərindən əhəmiyyətli edir. Onun şeirlərində həmçinin İslamdan əvvəlki dövr şairlərinin şeirlərində olduqca nadir rast gəlinən dəniz və gəmi təsvirləri də vardır. Onun müəlləqasının dövrümüzə ancaq 104–116 arası beyti gəlib çatmışdır. Onun əsərləri almancaya[2] və başqa qərb dillərinə tərcümə edilmişdir.[1]
- ↑ 1 2 Çelebi, Muharrem. "AMR b. KÜLSÛM", TDV İslâm Ansiklopedisi (türk). III. TDV İslâm Araştırmaları Merkezi. 1991. 85–86.
- ↑ Sezgin. GAS (arabic) (ərəb). II/2. Riyad. 1982–88. 38.