Əmir xan Yağləvəndli-Cavanşir

Əmir xan Yağləvəndli-Cavanşir
Əmir xan Yağləvəndli-Cavanşir
	Əmir xan Səfi xan oğlu Yağləvəndli-Cavanşir
Doğum tarixi	1732
Doğum yeri	Yağləvənd oymağı
Vəfat tarixi	1775

Əmir xan Yağləvəndli-Cavanşir — Kəşmir hakimi.

Həyatı

Əmir xan Səfi xan oğlu 1732-ci ildə Cavanşir elinin Yağləvənd oymağında anadan olmuşdu. Uşaq yaşlarında valideynləri ilə birlikdə Xorasanın Sərəxs bölgəsinə sürgün olunmuşdu. 1747-ci ildə Cavanşir elinin bəzi oymaqları vətənə dönməmiş Əfqanıstanda qalıb Əhməd şah Dürraniyə xidmət etmişdi. Əmir xan oymağı ilə Kəşmiri ələ keçirmiş, 1770-ci ildən 1775-ci ilədək oranı idarə etmişdi. O, Teymur şah Dürraniyə tabe olmurdu. 1773-cü ildə Əfqanıstanın şahı Teymur şah Dürraniylə ilə münaqişəyə girərək müharibə apardı. Öncə qalib gəlsə də, sonradan, 1775-ci ildə bəllucların satqınlığı nəticəsində əsir düşdü.

Britaniyalı müəllif ser Volter Lourens özünün 1895-ci ildə yazdığı "Kəşmir vadisi" kitabında Əmir xan Cavanşir barədə aşağıdakıları qeyd edir:

Əmir xan Cavanşir puştun hökmdarlarından ən yaxşısı hesab oluna bilər. Çünki o Srinaqarın girişindəki Amira Kadal körpüsünü və Şirqari sarayını tikdirməsi ilə tanınır. Lakin o həm də Daldakı moğol bağlarını məhv etməsi ilə də yadda qalıb. Digər puştun hökmdarları isə bu gün yalnız öz qəddarlıqları və amansızlıqları ilə xatırlanırlar.
Orijinal mətn (ing.)
Amir Khan Jawan Sher was perhaps the best of Pathan rulers, for at least he built the Amiran Kadal, the bridge which stands at the entrance of Srinagar, and constructed the palace of the Shergarhi, but. on the other hand, he showed petty spite in destroying the Mughal gardens on the Dal. The other Pathan rulers are now only remembered for their brutality and cruelty…
— "The valley of Kashmir" (1895), Sir Walter Roper Lawrence (1857-1940)^[1]

İstinadlar

↑ The valley of Kashmir (1895), Sir Walter Roper Lawrence, s.197 — Archive.org

[1] The valley of Kashmir (1895), Sir Walter Roper Lawrence, s.197 — Archive.org

[1]