Bu məqalənin ensiklopedik tələblərə cavab vermədiyinə dair şübhələr var. |
Əmir Əli Sərdari İrəvani (13 avqust 1974, Tehran) — İrəvan xan nəslinin nümayəndəsi və xanlığın tədqiqatçısı, Qərbi Azərbaycan icmasının fəxri üzvü.[1]
| Əmir Əli Sərdari İrəvani | |
|---|---|
| Amir Ali Sardari Iravani | |
| Doğum tarixi | 13 avqust 1974 (50 yaş) |
| Doğum yeri | |
| Atası | Bəhmən xan Sərdari İrəvani |
| Anası | Nüşabə xanım Borumənd |
| Təhsili | Dortmund Texnologiya Universiteti |
| Fəaliyyəti | tarixçi |
Sərdari İrəvaninin ailəsinin əcdadları 1755–1805-ci illər arasında İrəvan xanlığını idarə etmişdir. İrəvan hakimi Məhəmməd xan Ziyadoğlu-Qacar Fətəli şah Qacara itaət etmədiyi üçün 1805-ci ildə tutulmuş və Tehrana sürgün edilmişdir. Məhəmməd xanın nəsilləri İranda yaşamış, bundan sonra onun nəsilləri və şah Qacar ailəsi arasında çox sayda çarpaz nikahlar olmuşdur.
Oğlu Məhəmmədhəsən xan Sərdar İrəvani Abbas Mirzənin qızı və Məhəmməd şah Qacarın bacısı ilə evlənmişdir. Məhəmməd xanın nəsilləri çox nüfuzlu və güclü şəxslər idi və Qacar dövlətinin böyük hissələrini yerli qubernator kimi idarə edirdilər. Əhməd xan Müşir Hüzür Məhəmmədhəsən xan Sərdar İrəvaninin nəvəsi idi. Babasının titulunu seçmiş və ailəsinə "Sərdari İrəvani" soyadını vermişdir. Əmir Əli Sərdari İrəvani Əhməd xanın büyük nəvəsi və Sərdari İrəvaninin sülaləsinin hazırkı rəhbəridir. Sərdari İrəvani sülaləsinin Cənubi Qafqazda və Qacar İranında mühüm tarixi keçmişi vardır.[2]
Əmir Əli Sərdari İrəvani 1974-cü ildə Tehranda anadan olmuşdur.[3] 1996-cı ildə İranda ailə həyatı qurmuşdur[4], bir qız övladı var.[3] Əmir Əli Sardari İravani 2003-cü ildən bəri Almaniyada yaşayır. Alman avtomobil sənayesində araşdırma və inkişaf sahəsində çalışan bir mühəndisdir. Bir neçə müsahibəsində araşdırmalarının dinc xarakter daşıdığını vurğulamışdır. Tədqiqat sahəsində tanınmış bir şəxsdir və müxtəlif tarixi əsərlərə töhfə vermişdir. XVIII–XIX əsrlərdə qacar tayfası tərəfindən idarə olunan müstəqil bir dövlət olan İrəvan xanlığının varisi və nümayəndəsidir. XIX–XX əsrlərdə Sovet İttifaqı və Ermənistan tərəfindən etnik təmizlənmə yolu ilə İrəvandan və ətraf ərazilərdən (indiki Ermənistan) qovulmuş qaçqınlar üçün təşviqat kampaniyası aparmışdır.
2024-cü ildə Bakıda keçirilən "Qayıdış hüququ; Ermənistandan zorla çıxarılmış azərbaycanlılar üçün ədalətin təmin edilməsi" mövzusunda ikinci beynəlxalq konfranda İrəvan xanlarının nəslindən gələn Əmir Əli Sərdari İrəvani və Turhan Turqut iştirak etmiş, onlar Ermənistandakı ata-baba yurdlarını görmək istədiklərini bildirmişdir.[5] Əmir Əli Sərdar İrəvani Qərbi Azərbaycan İcmasına fəxri üzv seçilmişdir.[6]
- ↑ "Prezident Kitabxanasında İrəvan xanları nəslinin nümayəndəsi Əmir Əli Sərdari İrəvani ilə görüş". 2019-09-14 tarixində arxivləşdirilib. İstifadə tarixi: 2020-08-23.
- ↑ "The Treasure Map to the Forgotten Epoch of the Iravan Khanate". 2022-03-07 tarixində arxivləşdirilib. İstifadə tarixi: 2020-08-23.
- ↑ 1 2 "İrəvan xanlarının nəslinin davamçısı". 2021-05-17 tarixində arxivləşdirilib. İstifadə tarixi: 2020-08-23.
- ↑ İrəvan xanlığının varisi Əmir Əli Sərdar İrəvani
- ↑ "İrəvan Xan nəslinin varisləri ilə Qərbi Azərbaycana qayıdış müzakirə olundu". İstifadə tarixi: 2024-12-03.
- ↑ "Qərbi Azərbaycan İcmasının Fəxri üzvlük sertifikatları təqdim edilib". 2024-12-06 tarixində arxivləşdirilib. İstifadə tarixi: 2024-12-03.