Vikipediya ?

Əminağa Sadıqov

Əminağa Bəhmən oğlu Sadıqov — Azərbaycan Milli Elmlər Akademiyasının akademik-katibi, Azərbaycan Milli Elmlər Akademiyası Rəyasət Heyəti aparatının Elm və Təhsil Baş İdarəsinin rəisi.

Əminağa Sadıqov
Əminağa Sadıqov Bəhmən oğlu
Əminağa Sadıqov.jpg
Doğum tarixi 18 dekabr 1962 (1962-12-18) (56 yaş)
Doğum yeri Lerik
Vətəndaşlığı Azərbaycan Azərbaycan
Milliyyəti Azərbaycanlı
Elm sahəsi Tətbiqi-riyaziyyat, kompüter elmləri
Elmi dərəcəsi Texnika elmlər doktoru
Elmi adı AMEA-nın müxbir üzvü, professor
İş yeri Azərbaycan Milli Elmlər Akademiyasının akademik-katibi, AMEA Rəyasət Heyəti aparatının Elm və Təhsil Baş İdarəsinin rəisi
Mükafatları "Tərəqqi" medalı

Azərbaycan Milli Elmlər Akademiyasının müxbir üzvü, texnika elmləri doktoru, professor.  


Mündəricat

Həyatı

Əminağa Sadıqov 18 dekabr 1962-ci ildə Lerikdə anadan olmuşdur. 1980-ci ildə Bakı şəhərində 1 saylı respublika fizika-riyaziyyat təmayüllü orta məktəbi bitirmişdir. Həmin il Dnepropetrovsk Dövlət Universitetinin Tətbiqi-riyaziyyat fakültəsinə qəbul olunmuş, 1985-ci ildə adı çəkilən Universiteti bitirmişdir. 1992-ci ildə həmin Universitetdə fizika-riyaziyyat elmləri namizədi alimlik dərəcəsini almışdır. 2013-cü ildə Azərbaycan Milli Elmlər Akademiyasının İdarəetmə Sistemləri İnstitutunda “Fövqəladə hallarda idarəetmə məsələlərinin həlli üçün riyazi modellər və informasiya texnologiyaları” mövzusunda doktorluq dissertasiyasını müdafiə etmiş və texnika elmləri doktoru alimlik dərəcəsini almışdır. 2010-cu ildə dosent, 2016-cı ildə professor elmi adını almışdır. 2 may 2017-ci ildə "Kompüter elmləri" ixtisası üzrə Azərbaycan Milli Elmlər Akademiyasının müxbir üzvü seçilib.

Ana dilindən başqa rus, ingilis, ukrain və türk dillərini bilir. Evlidir, 1 qızı və 2 oğlu var. Böyük oğlu təhsildəki yüksək nailiyyətlərinə görə Azərbaycan Respublikası Prezidentinin təqaüdünə layiq görülmüşdür.

Əmək və elmi fəaliyyəti

Əmək fəaliyyətinə 1985-ci ildə AMEA-nın Riyaziyyat və Mexanika İnstitutunda kiçik elmi işçi kimi başlamışdır. 1988-ci ildən AMEA-nın Rəyasət Heyətində elmi katib, baş mütəxəssis, 1998-ci ildən AMEA Rəyasət Heyəti Elmi-Təşkilat Şöbəsinin rəisi, 2013-cü ildən isə AMEA Rəyasət Heyəti Elmi-Təşkilat İdarəsinin rəisi işləmiş, 2015-ci ildən AMEA Rəyasət Heyəti aparatının Elm və Təhsil Baş İdarəsinin rəisidir. 1 may 2019-cu ildə isə AMEA-nın akademik-katibi seçilmişdir. Əvəzçiliklə, AMEA-nın İdarəetmə Sistemləri İnstitutunda “Monitorinq və proqnozlaşdırma laboratoriyası”nın müdiri vəzifəsində işləyir. Müxtəlif illərdə universitetlərdə əvəzçiliklə pedaqoji fəaliyyət göstərmişdir. Hazırda ictimai əsaslarla Əqli Mülkiyyət və İnnovasiya İctimai Birliyinin sədri, Respublika Elmi Tədqiqatların Əlaqələndirilməsi Şurasının elmi katibi, AMEA elmi müəssisələrinin direktorları şurasının məsul katibi, AMEA-nın İdarəetmə Sistemləri İnstitutunda fəaliyyət göstərən dissertasiya şurasının üzvü, Milli Məclisin Elm və Təhsil Komitəsinin işçi qrupunun üzvü, Beynəlxalq Elmlər Akademiyaları Assosiasiyasının İntellektual mülkiyyətin qorunması və texnologiyaların ötürülməsi üzrə Məsləhət Şurasının və Elmşünaslıq üzrə Elmi Şurasının üzvü, Amerika Mülki Araşdırmalar Fondunun eksperti, Qara Dəniz İqtisadi Əməkdaşlıq Təşkilatının elm və texnologiyalar üzrə işçi qrupunun üzvüdür.

Dünyanın 40-a yaxın ölkəsində keçirilmiş 60-dan çox mötəbər beynəlxalq tədbirdə Azərbaycan Respublikasını və Azərbaycan Milli Elmlər Akademiyasını təmsil etmişdir. Müxtəlif ölkələrdə, o cümlədən Amerika Birləşmiş Ştatlarında, İsraildə, Malayziyada, Almaniyada, Yunanıstanda, Tailandda və s. elm, təhsil, texnologiya və idarəetməyə dair ixtisaslaşmış kurslarda, treninqlərdə iştirak etmiş və müvafiq sertifikatlar almışdır.

Əminağa Sadıqov 119 elmi əsərin, o cümlədən 3 monoqrafiyanın, habelə 1 patentin və 2 ixtiranın müəllifidir.

Mükafatları

Əminağa Sadıqov Azərbaycan Respublikası Prezidentinin 14 dekabr 2005-ci il tarixli sərəncamı ilə Azərbaycan elminin inkişafındakı xidmətlərinə görə Azərbaycan Respublikasının “Tərəqqi” medalı ilə təltif olunmuşdur. Səmərəli elmi və elmi-təşkilati fəaliyyətinə görə 3 dəfə AMEA-nın Fəxri Fərmanı, Ukrayna Milli Elmlər Akademiyası prezidentinin təqdimatına əsasən “Zolotaya Fortuna” Beynəlxalq Reytinq Akademiyasının “Честь, Слава, Труд” medalı ilə təltif olunmuşdur.

Həmçinin bax

İstinadlar

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019