Əminə Umurzakova (qaz. Әмина Ерғожақызы Өмірзақова; d. 8 mart 1919, Alaş muxtariyyəti, hazırkı Abay rayonu, Abay vilayəti - ö. 28 senyabr, 2006, Semipalatinsk vilayəti, Abay rayonu, Karaul kəndi) — Qazaxıstan Respublikasının xalq artisti (1965), SSRİ xalq artisti (1966).[1]
| Əminə Umurzakova | |
|---|---|
| Əminə Ərqoja qızı Umurzakova | |
| Doğum tarixi | |
| Doğum yeri | |
| Vəfat tarixi | 28 senyabr, 2006 |
| Vəfat yeri | Semipalatinsk vilayəti, Abay rayonu, Karaul kəndi |
| Təhsili | |
| Fəaliyyəti | aktrisa |
| Mükafatları |
    |
1919-cu il 8 mart tarixində keçmiş Alaş muxtariyyətində, hazırkı Abay rayonunun Abay vilayətində anadan olub.
Əminə Umurzakova 1938-ci ildə Leninqrad Teatr İnstitutunun aktyorluq fakültəsini bitirib. 1938-1940-cı illərdə Ayezov adına teatrda, 1941-1947-ci illərdə «Qazaxfilm studiyasında, 1948-ci ildən Alma-Ata şəhərindəki Uşaq və Gənclər Teatrında işləyib. Bir çox filmləri qazax dilində səsləndirib. 1964-cü ildə «aktyorluq məharəti» nominasiyası üzrə Ümumittifaq Festivalının laureatı olub. Həmin ildə Karlova-Varda keçirilən Beynəlxalq Kino Festivalının şöhrət diplomunu alıb. 1965-ci ildə Qazaxıstanın xalq artisti, 1966-cı ildə SSRİ-nin xalq artisti adına layiq görülüb. 1967-ci ildə «Ana haqqında nağıl» filmindəki baş rola görə K.Bayseitova adına Qazaxıstan Dövlət Mükafatı laureatı olub.[1]
28 sentyabr 2006-cı ildə Semipalatinsk vilayəti, Abay rayonu, Karaul kəndində dünyasını dəyişib.[2]
«Abayın mahnıları» (1946), «Dambul» (1952), «Bir rayonda» (1960), «Həm zarafat, həm gerçək» (1963), «Saqqalsız yalançı» (1965), «Hərənin öz yolu» (1968), «Ən gözəl gəmilər» (1973), «Doqquzuncu oğuldan qorx» (1984), «Pantera»nın üçqat sıçrayışı» (1986), «Roza ana», «Şanxay», «Amangəldi» (1939) və s. filmlərdə oynadığı rollar Əminə xanıma ümumxalq məhəbbəti, dünya şöhrəti gətirib.[1]
- 1959-cu ildə "Əməkdə fərqlənməyə görə" medalı;
- 1964-cü ildə Ən yaxşı qadın obrazına görə Ümumittifaq kinofestivalında laureat;
- 1964-cü il Karlo Vara beynəlxalq film festivalının fəxri diplomu;
- 1967-ci ildə Qazaxıstan SSR Dövlət Mükafatı.
- 1967-ci ildə «Ana haqqında nağıl» filmindəki baş rola görə K.Bayseitova adına Qazaxıstan Dövlət Mükafatı laureatı.[2]
- ↑ 1 2 3 Hidayətqızı Saminə. Yüz türk qadını: I kitab. Bakı: Apostrof, 2012, s. 47
- ↑ 1 2 Умурзакова Амина // Казахская ССР: краткая энциклопедия / Гл. ред. Р. Н. Нургалиев. — Алма-Ата: Гл. ред. Казахской советской энциклопедии, 1991. — Т. 4: Язык. Литература. Фольклор. Искусство. Архитектура. — С. 573—574. — 31 300 экз. — ISBN 5-89800-023-2.