Əməl Qorutürk (türk. Emel Korutürk; 1915, İstanbul, Osmanlı imperiyası – 11 mart 2013, Kadıköy, İstanbul ili) — Türkiyə rəssamı, Türkiyə Respublikasının 6-cı prezidenti Fəxri Qorutürkün həyat yoldaşı.
| Əməl Qorutürk | |
|---|---|
| türk. Emel Korutürk[1] | |
| Şəxsi məlumatlar | |
| Doğum adı | Emel |
| Doğum tarixi | 1915 |
| Doğum yeri | |
| Vəfat tarixi | 11 mart 2013 (97–98 yaşında) |
| Vəfat yeri | |
| Dəfn yeri | |
| Milliyyəti | türk |
| Vətəndaşlığı |
 Türkiyə |
| Təhsili |
|
| Fəaliyyəti | rəssam |
| Həyat yoldaşı |
|
Əməl Qorutürk 1915-ci ildə anadan olub. O, Salah Simkoz və həyat yoldaşı Hasmanenin dördüncü övladı idi. Kiçik bir uşaq ikən atası Birinci Dünya müharibəsi bitdikdən sonra müttəfiqlər tərəfindən Maltaya sürgün edildi.
İbtidai təhsilini başa vurduqdan sonra İstanbulun Şişli səmtində yerləşən fransız Sion Müqəddəs Məryəm Liseyində təhsil aldı. 1936-cı ildə Memar Sinan İncəsənət Universitetini bitirdi. 1933-cü ildə Türkiyənin ilk prezidenti Mustafa Kamal Atatürk tərəfindən bədii istedadına görə təbrik edildi. Məzun olduqdan sonra türk rəssamı İbrahim Çallı ilə birlikdə çalışdı.[2]
1944-cü ildə dəniz zabiti Fəxri Qorutürk ilə ailə qurdu. Cütlüyün iki oğlu və bir qızı var idi, Osman, Salah və Ayşe. 1960-cı ildən 1977-ci ilə qədər Fəxri Qorutürk Türkiyə Hərbi Dəniz Qüvvələrinin Baş Komandanı vəzifəsində çalışdı. 1973-cü ildə Türkiyənin altıncı prezidenti seçildi. Beləliklə, Əməl Qorutürk ölkənin birinci xanımı oldu. 1980-ci ildə Fəxri Qorutürkün prezidentlik müddəti başa çatdı və o, 1987-ci ildə vəfat etdi. Əməl Qorutürk həyat yoldaşının ölmündən sonra daha 26 il yaşadı və 11 mart 2013-cü ildə İstanbulda vəfat etdi. O, Zəncirliquyu qəbiristanlığında dəfn olundu.[3]
Birinci xanım vəzifəsində çalışdığı müddətdə Əməl Qorutürk türk rəssamlığının təbliğinə diqqət yetirib. O, türk rəssamları üçün keçirilən prezident qəbullarında əsas rol oynayıb və digər oxşar muzeylər üçün nümunə olacaq Ankara Rəsm və Heykəltaraşlıq Muzeyinin yaradılmasını dəstəkləyib. O, muzey üçün türk rəssamı Fikrət Muallanın 34 rəsmini toplamağa başlayıb. Onun Mustafa Kamal Atatürklə birbaşa əlaqəli olan "Qaziyə təşəkkür" adlı rəsmi də muzeydə nümayiş olunur.[4]