Vikipediya ?

Əlirza Əliyev

Əlirza Cəfər oğlu Əliyev -Azərbaycan Respublikasının Ulu Öndəri Heydər Əliyevin atası və Azərbaycan Respublikasının Prezidenti İlham Əliyevin babası.

Əlirza Əliyev
Əlirza Cəfər oğlu Əliyev
ƏlirzaƏliyev.jpg
Doğum tarixi 1884
Doğum yeri Zəngəzur,Comardlı kəndi
Vəfat tarixi 1943
Vəfat yeri Naxçıvan
Həyat yoldaşları Narıngül, Əliyeva İzzətxanım Cəfərqulu qızı (1895)
Uşaqları

İzzətxanım:Heydər Əliyev,Aqil Əliyev,Cəlal Əliyev,Rəfiqə Əliyeva

Narıngül:Həsən Əliyev,Hüseyn Əliyev
Atası Kərbəlayi Cəfər
Anası Gülcahan
Milliyyəti Azərbaycan Türkü

Haqqında

Əlirza Cəfər oğlu Əliyev 1884-cü ildə Zəngəzurun Comardlı kəndində anadan olub. Əlirza kişinin atası Cəfər iki dəfə Kərbəlayə gedib və çox varlı-karlı adam olmuşdur. Cəfərin Urud kəndində olan arvadı Gülcahanla qurduqları ailə böyük idi. Beş oğulları və Nərgiz adlı bir qızları vardı. Ailənin ilki Əlirza idi: 1905-1906-cı illərdə erməni quldur dəstələri Sisiyan mahalının kəndlərinə basqın edərək kəndləri qarət edib ,evləri yandırıb, mal-qarasını talan edəndə Kərbəlayı Cəfərin də var-dövləti əlindən çıxdı və ailə çox çətin vəziyyətə düşdü. Odur ki, Əlirza gənc yaşlarından qazanc dalınca Bakıya gələrək neft buruqlarında işləməyə başladı. Həyat yoldaşı Narıngülü itirən Əlirza kişi Bakıdan vilayətin mərkəzinə Naxçıvan şəhərinə gəldi. Əlirza kişi Naxçıvanda uzaq qohumu olan İzzət xanıma rast gəlir və onunla ailə qurmaq qərarına gəlir. 1922-ci ildə Əlirza kişi ilə İzzət xanım ailə qururlar və 1923-cü il mayın 10-da Əliyevlər ailəsində Heydər dünyaya gəlir. Əlirza kişi uşağı İzzət xanımın xahişi ilə onun Zəngəzurda həlak olmuş qardaşının şərəfinə Heydər adlandırır. Heydər Əlirza kişi və İzzət xanımın ilk övladı idi. Əlirza kişinin ailəsində 8 uşaq tərbiyə alırdı. Bu ailədə böyüyən uşaqların hərəsinin bir sahədə istedadlı olması hiss olunurdu və onların hamısı da biliklərə can atırdılar. Heydərin atası Əlirza Cəfər oğlu 1939-cu ildə partiya sıralarına daxil olur. Əlirza kişi 1930—cu ilədək neft mədənlərində qazmaçı işləyirdi. O, 1933-cü ildən Beriya adına Zaqafqaziya dəmir yolunun Naxçıvan şöbəsində maşinist kimi çalışırdı. 1943-cü ildə Əlirza kişinin ölümündən sonra Heydərgilin ailəsi Naxçıvanın Zaviyə məhəlləsinə köçürlər.,

Mənbə

İstinadlar

  1. из Москвы. — М.:Яуза, Эксмо, 2008. — 512 с. — (Юбилеи).
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2oo4-2o18