Əlirza Mustafa oğlu Əlirzayev (28 fevral 1940, Əzizbəyli, Qazax rayonu) — Azərbaycan-sovet tikinti briqadiri, Sovet İttifaqı Kommunist Partiyası Mərkəzi Komitəsinin üzvü (1990–1991), SSRİ Dövlət mükafatı laureatı (1988).
| Əlirza Əlirzayev | |
|---|---|
| Doğum tarixi | 28 fevral 1940 (85 yaş) |
| Doğum yeri | |
| Partiyası |
|
| Üzvlüyü | |
| Mükafatları |
 |
Əlirza Mustafa oğlu Əlirzayev 28 fevral 1940-cı ildə Qazax rayonunun Əzizbəyli kəndində anadan olmuşdur. 1972-ci ildə Sumqayıt Politeknik Texnikumunu bitirmişdir. 1959–1962-ci illərdə Sovet Ordusu sıralarında hərbi xidmətdə olmuşdur.[1]
Əlirza Əlirzayev 1963-cü ildən 7 nömrəli trestin 74 nömrəli tikinti idarəsində yol işçisi, montajçı və krançı köməkçisi işləmişdir. 1965-ci ildən krançı işləmiş, 1976-cı ildən isə "Azərsənayetikinti" istehsalat birliyinin Sumqayıt şəhərində yerləşən 3 nömrəli ev tikintisi kombinatının 103 nömrəli tikinti idarəsində montajçılar briqadasının briqadiri olmuşdur.[1]
Əlirza Əlirzayev 1978-ci ildən Sovet İttifaqı Kommunist Partiyasının üzvü olmuş, 1990-cı ilin iyulun 13-də isə Sov. İKP Mərkəzi Komitəsinin (XXVIII qurultay) üzvü seçilmişdir.[1]
1988-ci ildə ev tikintisi və divar materialları istehsalının genişləndirilməsi sahəsində verdiyi töhfələrə görə SSRİ Dövlət mükafatına layiq görülmüşdür.
2000-ci il may ayının 25-də Rusiya Federasiyası Prezidentinin Fərmanı ilə Rusiya vətəndaşlığına qəbul edilmişdir.[2]
- ↑ 1 2 3 Алирзаев Алирза Мустафа оглы // Известия ЦК КПСС (rus). № 10. Москва: издательство ЦК КПСС «Правда». 1990. С. 31.
- ↑ "Указ Президента Российской Федерации от 25.05.2000 г. № 955". kremlin.ru. 25 may 2000. İstifadə tarixi: 11 aprel 2025.