Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinƏli Vəli oğlu Əlizadə (1 yanvar 1940, Nüvədi, Meğri rayonu) — Şair, publisist, 2006-cı ildən Azərbaycan Yazıçılar Birliyinin üzvü, Azərbaycan Jurnalistlər Birliyinin üzvü (2004)[1]
| Əli Əlizadə | |
|---|---|
| Əli Vəli oğlu Əlizadə | |
| Təxəllüsü | Əli Vəlioğlu |
| Doğum tarixi | 1 yanvar 1940 (85 yaş) |
| Doğum yeri | |
| Vətəndaşlığı |
 Azərbaycan→ SSRİ |
| Milliyyəti | azərbaycanlı |
| Təhsili | |
| Fəaliyyəti | yazıçı, şair |
| Fəaliyyət illəri | 1989–2011 |
| Üzvlüyü | |
| Mükafatları | "Həsən bəy Zərdabi", "Qızıl qələm" |
Əli Vəlioğlu 1940-cı ilin yanvarın 1-də Qərbi Azərbaycanın Meğri rayonunun Nüvədi kəndində anadan olmuşdur. Yeddiilliyi Nüvədi kəndində, 1958-ci ildə orta məktəbi qonşuluqda olan Aldərə kəndində bitirmişdir. 1958–1961-ci illərdə əmək fəaliyyətinə kolxozda məşğul olmuşdur. 1961–1964-cü illərdə ordu sıralarında xidmət etdikdən sonra 1968-ci ilədək yenidən Nüvədi kənd kolxozunda işləmişdir. 1965–1975-ci illərdə Azərbaycan Dövlət Universitetinin filologiya fakültəsində qiyabi təhsil aldıqdan sonra 1968–1989-cu illərdə Nüvədi kənd orta məktəbində Azərbaycan dili və ədəbiyyatını tədris edib.[2]
1989-cu ildə qaçqınlıq dönəmində Bakıya köçən Vəlioğlu Azərbaycan Qaçqınlar Cəmiyyətində bir il işlədikdən sonra 1991–1992-ci illərdə "Hikmət", "20 Yanvar" qəzetlərində böyük müxbir kimi jurnalistlik fəaliyyətinə başlayıb. 1993-cü ildə "Türk dünyası" jurnalında redaktor müavini, "Kefli İsgəndər" satirik qəzetində baş redaktorun müavini, həm də rəssam kimi fəaliyyət göstərmişdir. 1993-cü ildən Bakının 151 saylı orta məktəbində müəllim vəzifəsində işləyən şair 2004-cü ildən Azad Azərbaycan cəmiyyətinin üzvüdür. Ədəbi fəaliyyətə 1965-ci ildən başlayan Əli Vəlioğlunun 1970-ci ildə "Kommunist" qəzetində ilk miniatürləri, 1983-cü ildə "Ədəbi Ermənistan" almanaxında şeirləri, "Didərginlər" kitabında publisist məqalələri dərc olunmuşdur.[3]
- "Mənim da ulduzum" (1985)
- "Mənim dünyam" (1993)
- "Qəzəllər"
- "Halal çörək" (povest, 1997)
- "Bu minvalla dünya belə qalammaz" (şeirlər, hekayələr, 1997)
- "Mənim mənalı dünyam" (hikmətli deyimlər, 2001)
- "Vətən boyda dərd göyərtdim, qəm yedim" (şeirlər, 2004)
- "Ağıl dəryasından incilər" (2008)
- "Ömrümüzə işıq düşür" (albom, 2000)
- "Nüvədi və nüvədililərin tayfa şəcərəsi" (2009)
Jurnalistlik fəaliyyətinə görə 2004-cü ildə "Həsən bəy Zərdabi", 2006-cı ildə isə "Qızıl qələm" media nükafatına layiq görülmüşdür.
- ↑ "Mirzəhüseyn segahı - Əli Vəlioğlu". 5 yanvar 2018 tarixində arxivləşdirilib. İstifadə tarixi: 10 iyun 2019.
- ↑ Teymur Əhmədov. Azərbaycan yazıçıları (XX–XXI yüzillikdə) ensiklopedik məlumat kitabı; "Nurlar", Bakı — 2011
- ↑ "Səmimi fikirlərin ləyaqətli müəllifi". Archived from the original on 11 iyun 2019. İstifadə tarixi: 10 iyun 2019.