Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinƏləkbər Rəhmanov (30 may 1947, Bakı – 2004) və ya daha çox tanınan adı ilə Əli Rəhmanov — keçmiş Sovet-Azərbaycan futbolçusu və məşqçisi. Mərkəz yarımmüdafiəçisi mövqeyində çıxış etmişdir. Bütün karyerasını "Neftçi"də keçirmiş (1967–1970 və 1973–1979), klubun kapitanı olmuşdur.[1]
| Əli Rəhmanov | |
|---|---|
| Ümumi məlumatlar | |
| Doğum tarixi | 30 may 1947 |
| Doğum yeri | |
| Vəfat tarixi | 2004 (56–57 yaşında) |
| Vətəndaşlığı | |
| Boyu | 174 sm |
| Mövqeyi | yarımmüdafiəçi |
Ələkbər Rəhmanov futbol ilə 1965-ci ildə məşğul olmağa başlamışdır.[1] 27 iyul 1967-ci ildə "Dinamo" klubuna qarşı oyunda "Neftçi" klubundakı ilk oyununa çıxmışdır. 1968-ci ildə "Neftçi" klubunun əsas heyətinə cəlb olunmuşdur. SSRİ Çempionatındakı ilk qolunu 2 may 1967-ci ildə "Ararat"a qarşı oyunda vurmuşdur.[2] Tezliklə klubun aparıcı oyunçularındna birinə çevrilmişdir. "Şaxtyor" klubu onu transfer etmək istəsə də, Bakıda qalmağa qərar vermişdir.[1]
Əli Rəhmanov gizlicə valyuta saxladığı üçün 1970-ci ildə həbs olunmuş, 7 ay Dövlət Təhlükəsizlik Komitəsində və 14 ay isə ciddi rejimli həbsxanada olmuşdur. Həbsdə olduğu üçün SSRİ olimpiya yığmasından gələn dəvəti qəbul edə bilməmişdir. Həbsdən çıxdıqdan sonra "Neftçi" klubunda çıxış etməyə davam etmiş və komandanın kapitanı olmuşdur. 1980-ci illərin əvvəlində futbolçu karyerasını başa vurmuşdur.[1] Klubda 286 oyun keçirmiş və 32 qol vurmuşdur.
Məşqçilik karyerasına Naxçıvanın "Araz" klubunu çalışdırmaqla başlamışdır. "Göyəzən" klubunun baş məşqçisi kimi klubu SSRİ kubokunun 1/4 finalına çıxarmışdır. SSRİ dövründə "Avtomobilçi" və "Torpedo" klublarını çalışdırmışdır. "Neftçi"də Əhməd Ələsgərovun köməkçisi kimi fəaliyyət göstərmişdir. Müstəqillik illərində yenidən Naxçıvana qayıdaraq "Araz" klubunun məşqçisi olmuşdur. Lakin klubda yaşanan maliyyə böhranı və maaşların verilməməsi səbəbilə klubdan ayrılmışdır. Bir müddət olimpiya yığmasını da çalışdırmışdır.[1]
Əli Rəhmanov 2004-cü ildə ölmüşdür. Onun oğlu Elçin Rəhmanov da "Neftçi" klubunda yarımmüdafiəçi mövqeyində çıxış etmişdir.[1]
- ↑ 1 2 3 4 5 6 "Həbsdə yatdı, sonra çıxıb "Neftçi"nin kapitanı oldu!". Qol.az. 29 yanvar 2017. İstifadə tarixi: 9 dekabr 2025.
- ↑ "Рахманов Алекпер Мухтарович". FootballFakts.ru (rusca). İstifadə tarixi: 9 dekabr 2025.