Bu səhifədə iş davam etməkdədir. |
Əli Hüseynov (d. 1886, Qazax qəzası, II Şıxlı kəndi ) — Qazax Müəllimlər Seminariyasının direktoru (1923-1926 və 1927-1929). [1]
| Əli Hüseynov | |
|---|---|
| Doğum tarixi | |
| Doğum yeri | Qazax qəzasının 2-ci Şıxlı kəndi |
| Vəfat tarixi | |
| Milliyyəti | azərbaycanlı |
| Təhsili | |
Əli Hüseynov 1886-cı ildə Qazax qəzasının 2-ci Şıxlı kəndində anadan olmuşdur. Əli Hüseynov Qori Seminariyasının məzunu və Qazax müəllimlər seminariyasının direktoru olmuşdur. O, ilk təhsilini Şıxlı kəndində İsa Abakarovdan almış və onun məsləhəti üzrə də Zaqafqaziya Müəllimlər seminariyasına daxil olmuşdur. 1903-cü ildə Seminariyanı bitirib.[1]
Ermənistanın Amasiya kəndində müəllimlik etmişdir. Əli Hüseynov Amasiyada dövlət göstərişlərini nəzərə almadan dərsləri ana dilində keçdiyi üçün dövlət qanununu pozmaqda təqsirləndirilir və işdən kənar edilir. Kutaisi quberniyasının Abaiji kəndinə ibtidai məktəb müəllimi təyin edilir. Əli Hüseynov 1905-ci il inqilabında fəal iştirak etmiş və bu ildə də Şəki qəzasına qayıdaraq Padar kəndində müəllim işləmişdir.[1]
Əli Hüseynov sonra Bakıya köçür, "Nicat" cəmiyyətinə daxil olur və 1909-cu ildə gənclər arasında inqilabi təbliğata böyük yer verir. 1918-ci ildə Firudin bəy Köçərli onu müəllimlər seminariyasına dəvət edir. Əli Hüseynov bu məktəbdə müəllim olmaqla yanaşı həm də icra komitəsində işləyir. O, bu illərdə Qazax maarifinin inkişafı üçün əlindən gələni əsirgəmir. O 1923-cü ildə Qazax seminariyasının direktoru olmuşdur.[2] Əli Hüseynov bu seminariyada Firudin bəy Köçərli ənənələrini davam etdirmişdir. O, Maarif Komissarlıqlarında baş ictimai tərbiyə idarəsinin rəisi, 1926–27-ci illərdə Lənkəran RXMI-nin müdiri,1927–29-cu illərdə yenidən Qazax müəllimlər texnikumunun direktoru, 1929-cu ildən 1930-cu ilə kimi yenidən maarif komissarlıqlarında baş ictimai tərbiyə idarəsinin rəisi, 1930-cu ildə Naxçıvan MSSR-in Maarif Komissarı təyin edilmişdir. 1932–1934-cü ilə qədər Qazax RXMI-nin müdiri, 1935-ci ildən xəstəliyi ilə əlaqədar Şıxlı kəndinə qayıtmış və ömrünün sonuna kimi orada işləmişdir. 1940-cı ildə vəfat etmişdir. [1]
Prof. Ə. Seyidov, tələbələrindən H. Axundov, A. Babanlı, Səməd Vurğun və başqaları Əli Hüseynovun yüksək mənəviyyatlı ziyalı və fədakar xalq müəllimliyinin bariz nümunəsi olduğunu söyləmişlər.[1]