Əli Əmiraslanov

Əli Əmiraslanov
Əli Əmiraslanov
	Əli Ağamalı bəy oğlu Əmiraslanov
Doğum tarixi	1900
Doğum yeri	Balahəsənli, Zəngəzur mahalı, Rusiya imperiyası
Vəfat tarixi	16 oktyabr 1962 (61–62 yaşında)
Vəfat yeri	Moskva şəhəri, Novodeviçye məzarlığı
Dəfn yeri	Novodeviçye qəbiristanlığı;
Vətəndaşlığı	Rusiya imperiyası→; AXC→; SSRİ
Atası	Ağamalı bəy Sultanov
Elm sahəsi	geologiya
Elmi dərəcəsi	geologiya-mineralogiya elmləri doktoru;
Təhsili	Moskva Mədən Akademiyası[d];
Mükafatları	+

Əli Ağamalı bəy oğlu Əmiraslanov (22 dekabr 1900, Balahəsənli, Zəngəzur qəzası – 16 oktyabr 1962, Moskva) — geoloq-alim, geologiya-mineralogiya elmləri doktoru, professor, SSRİ EA-nın ilk azərbaycanlı müxbir üzvü (1953).

Həyatı

Əli Ağamalı bəy oğlu Əmiraslanov 1900-cü ildə Qubadlı rayonunun Balahəsənli kəndində anadan olmuşdur.

1930-cu ildə Moskva Mədən Akademiyasını bitirmişdir.

Əli Əmiraslanov 1930-38-ci illərdə Uralda, Qazaxıstanda, Orta Asiyada və Qafqazda əlvan metallar-sink, mis, qalay və s. yataqlarının öyrənilməsi ilə məşğul olmuş, bir sıra yataqların açılmasında iştirak etmişdir.

1938-54-cü illərdə müxtəlif elmi-tədqiqat geologiya institutlarında işləmiş, Moskva geologiya institutunda dərs demiş, "Sovetskaya Qeoloqiya" elmi jurnalının baş redaktorunun müavini olmuşdur.

Əli Əmiraslanov 1954-62-ci illərdə SSRİ-nin əlvan metallurgiya, geologiya və Yer təkinin mühafizəsi nazirliklərində rəhbər vəzifələrdə çalışmışdır. "Qurğuşun və sink yataqlarının əsas tipləri" (axtarış metodları kəşfiyyat və qiymətləndirmə) "Avstraliyanın qurğuşun-sink yataqları. Yerləşmə qanunauyğunluğu və geoloji xarakteri". "Faydalı qazıntıların axtarılmasının proqressiv metodları" və s. onlarla elmi əsərlərin müəllifidir.

Professor Əli Əmiraslanov orden və medallarla təltif olunmuş, 1962-ci ildə Moskva şəhərində vəfat etmiş və Novodeviçye məzarlığında dəfn olunmuşdur.^[1]

İstinadlar

"XX əsrin 100 görkəmli azərbaycanlısı". Bakı, "Sumqayıt" nəşriyyatı, 2002, səhifə 75.

↑ "Görkəmli Azərbaycanlılar" (PDF). 20 mart 2019 tarixində arxivləşdirilib (PDF). İstifadə tarixi: 17 dekabr 2018.

[1] "Görkəmli Azərbaycanlılar" (PDF). 20 mart 2019 tarixində arxivləşdirilib (PDF). İstifadə tarixi: 17 dekabr 2018.

[1]