Əli Əkbər – səyahətçi-fotoqraf, səyyah və bloger.
14 fevral 1971-ci ildə Bakı şəhərində anadan olmuşdur.
1978-1988-ci illərdə Bakı şəhəri, Nizami rayonunun 62 saylı orta məktəbində təhsil alıb.
1992-1998-ci illərdə Bakı Dövlət Universitetinin “Jurnalistika” fakultəsində təhsil alıb.
1992-1995-ci illərdə “Molodyoj Azerbaydjana” qəzetində redaktor müavini, 1995-1997-ci illərdə “AZAL”da müxtəlif vəzifələrdə çalışıb. Daha sonra “British Airways” və “American Express” şirkətlərinin Azərbaycandakı nümayəndəliklərində fəaliyyət göstərib. 2000-2001-ci illərdə “Azeronline” və “Topaz” şirkətlərində mühüm vəzifələr tutub.
2001-ci ildən indiki vaxtadək İqtisadiyyat Nazirliyi yanında Dövlət Vergi Xidmətində müxtəlif vəzifələrdə çalışıb, 2021-ci ilin fevral ayından isə eyni qurumun Media və Kommunikasiya idarəsində Kommunikasiya şöbəsinin rəisidir.
Arif Ələkbər orta məktəbdə təhsil aldığı illərdən fotoqrafiya sənətinə maraq göstərməyə başlayıb, təbiət mənzərələri ilə yanaşı, şəhərin müxtəlif yerlərində ucaldılmış heykəlləri və tarixi abidələri də fotolarında əks etdirib. Fotoqrafiya daha sonra isə peşəyə çevrilib və fəaliyyətini genişləndirərək, ölkə hüdudlarından kənara çıxıb və müxtəlif ölkələrdə peşəkar çəkilişlər aparıb.[1] 2007-ci ildən müxtəlif ölkələrə səyahətlər edərək maraqlı kadrların ərsəyə gəlməsinə nail olur. 2015-ci ildə Əli Əkbərin müəllifi olduğu foto National Geographic beynəlxalq nəşrinin saytında yer alır.[2]
Azərbaycan Fotoqrafları Birliyinin idarə heyətinin üzvüdür.
2018-ci ildən http://www.TravelStory.az/ (www.alakbar.az) internet portalını yaradır və səfərlərində müşahidə etdiklərini burada paylaşır.
2025-ci ilin 15-17 fevral tarixlərində Əli Əkbərin “Təbiətin səssiz musiqisi” adlı fotosərgisi keçirilib.[3]
2002-ci il: “Humay” Milli Mükafatı
2005-ci və 2008-ci illər: “Netty” Milli İnternet Mükafatı
2006-cı il: “İntellekt” İlin Layihəsi Mükafatı
2006-cı il: “Avrasiya” Hüquqşünaslar Assosiasiyası tərəfindən Hüquqi maarifləndirmə sahiəsindəki fəaliyyətinə görə Fəxri Diplom
2007-ci il: “World Summit Award” mükafatı
2009-cu il: “Milli Net” Milli İnternet Mükafatı
2013-cü il: Media Hüququ İnstitutunun Diplomu
- ↑ "Azərbaycanlı fotoqrafın gördükləri: Massai qəbiləsinin qəribə toy adətləri - İNANILMAZ FAKTLAR". Publika.Az (az.). 2018-06-28. İstifadə tarixi: 2025-03-05.
- ↑ "Кадр азербайджанского фотографа попал в раздел «Выбор редакции» на сайте National Geographic Россия – ФОТО". 1news.az (rus). İstifadə tarixi: 2025-03-05.
- ↑ ""Təbiətin səssiz musiqisi" adlı fotosərgi keçirilib". azertag.az (az.). İstifadə tarixi: 2025-03-05.