Əl-Məktum ailəsi (ərəb. آل مكتوم; Rom: Āl Maktūm) — Dubay əmirliyinin hakim kral ailəsi və Birləşmiş Ərəb Əmirliklərinin altı hakim ailəsindən biri. Əl-Məktum şeyxləri (1833-cü ildən) və Dubay əmirləri (1971-ci ildən indiyə kimi) Birləşmiş Ərəb Əmirliklərinin irsi baş nazirləri və vitse-prezidentləri sülaləsidir.
| Əl Məktum ailəsi | |
|---|---|
| آل مكتوم Kral evi | |
 Birləşmiş Ərəb Əmirlikləri | |
 Vikianbarda əlaqəli mediafayllar |
1833-cü ildə şeyx Məktum ibn Butti və Obeid ibn Səidin birgə rəhbərliyi ilə Bəni-Yas qəbiləsinin 800-ə yaxın üzvü Dubay əmirliyini ələ keçirdilər. Obeid ibn Səid 1836-cı ildə vəfat etdikdən sonra Məktum ibn Butti tək hökmdar olaraq əmirlikdə Əl-Məktum sülaləsini yaratmışdır.[1][2]
Əl-Məktum sülaləsi 1833-cü ildən Dubaya rəhbərlik edir.[3] Birləşmiş Ərəb Əmirliklərinin federasiyası Federal Ali Şuradan və yeddi əmirliyin ayrı-ayrı hökmdarlarından ibarətdir. Prezident və vitse-prezident hər beş ildən bir Ali Şura tərəfindən seçilir.[4]
Qeyri-rəsmi olsa da, prezidentlik faktiki olaraq Əbu-Dabi əmirliyində Əl Nəhyan klanına, baş nazir, vitse-prezident və müdafiə naziri isə Dubaydan olan Əl Məktum qəbiləsinə keçir.
Dubayı idarə edən Əl-Maktum ailə üzvləri:[1]
- Məktum ibn Buti Əl-Məktum (ərəb. ərəb. مكتوم بن بطي) — Əl Məktum qəbiləsinin qurucusu və Obaid ibn Səid ibn Rəşidlə birlikdə Dubayın ilk hökmdarı (1833-9 iyul 1852-ci illər).
- Səid ibn Buti Əl-Məktum (ərəb. سعيد بن بطي) — Məktum ibn Butti ibn Süheylin qardaşı (1852-1859-cu illər).
- Həşər ibn Məktum Əl-Məktum (ərəb. حشر بن مكتوم بن بطي آلمكتوم) — Səid ibn Buti Əl Məktumun qardaşı oğlu (1859-1886-cı illər).
- Rəşid ibn Əl-Məktum (ərəb. راشد بن مكتوم) — Həşər ibn Məktum Əl Məktumun qardaşı (1886-1894-cü illər).
- Məktum ibn Həşər Əl-Məktum (ərəb. مكتوم بن حشر آل مكتوم) — Rəşid ibn Məktumun qardaşı oğlu (1894-1906).
- Buti ibn Suheyl Əl-Məktum (ərəb. بطي بن سهيل آل مكتوم) — Məktum ibn Həşər Əl Məktumun əmisi oğlu (1906-1912).
- Səid ibn Məktum Əl-Məktum (ərəb. سعيد بن مكتوم آل مكتوم) — Məktum ibn Həşər Əl Məktumun oğlu (1912-1958).
- Rəşid ibn Səid Əl-Məktum (ərəb. راشد بن سعيد آل مكتوم) — Səid ibn Məktum Əl-Məktumun oğlu və 1971-ci ildə Birləşmiş Ərəb Əmirliklərinin qurucularından biri (1958-1971).
- Məktum ibn Rəşid Əl-Məktum (ərəb. مكتوم بن راشد آل مكتوم) — Rəşid ibn Səid Əl-Məktumun oglu (1990-2006)
- Məhəmməd ibn Rəşid Əl-Məktum (ərəb. مُحَمَّد بن رَاشِد آل مَكتُوم) — Rəşid bin Səid Əl Məktumun oğlu. Dubayın hazırkı hökmdarı, Birləşmiş Ərəb Əmirliklərinin vitse-prezidenti, baş naziri və müdafiə naziri.[5]
- ↑ 1 2 "Al Maktoum". www.sheikhmohammed.co.ae. 15 June 2013 tarixində orijinalından arxivləşdirilib. İstifadə tarixi: 10 October 2013.
- ↑ Zahlan, Rosemarie Said. The Making of Modern Gulf States: Kuwait, Bahrain, Qatar, United Arab Emirates and Oman. Garnett & Ithaca Press. 1998. ISBN 0-86372-229-6.
- ↑ "About Dubai". www.protocol.dubai.ae. 31 December 2023 tarixində arxivləşdirilib. İstifadə tarixi: 2023-08-26.
- ↑ "United Arab Emirates 1971 (rev. 2004) Constitution - Constitute". www.constituteproject.org (ingilis). 28 July 2023 tarixində arxivləşdirilib. İstifadə tarixi: 2023-08-26.
- ↑ "H. H. Sheikh Mohammed bin Rashid Al Maktoum | The Official Portal of the UAE Government". u.ae (ingilis). 18 July 2023 tarixində arxivləşdirilib. İstifadə tarixi: 2023-08-27.