Əl-Salam məscidi və ya Ərəb Mədəniyyət Mərkəzi (ukr. Арабський культурний центр) — məscid Ukraynanın Odessa şəhərində yerləşir. Mədəniyyət mərkəzi və məscid 2001-ci ilin iyununda istifadəyə verilib.[1][2][3] Şəhərin baş memarı Boris Brovin, şəhər mədəni irs abidələrinin mühafizəsi şöbəsinin müdiri Vladimir Meşçeryakov, Odessa Dövlət İnşaat və Memarlıq Akademiyasının dekanı Valeri Urenevin sözlərinə görə, Ərəb Mədəniyyət Mərkəzi son dövrlərin ən uğurlu memarlıq əsəridir.
| Əhlis-Sünnə | |
| Əl-Salam məscidi | |
|---|---|
 | |
 | |
| Yerləşməsi | |
| Ölkə |
 Ukrayna |
| Şəhər | Odessa |
| Memarlıq | |
| Üslubu | İslam |
 Vikianbarda əlaqəli mediafayllar | |
Odessa müsəlmanlarının qədim ənənələri var. Odessa şəhəri Hacıbəy adlı qədim tatar yaşayış məntəqəsinin yerində salınıb. Yaşayış məntəqəsi 1240-cı ildə Krım xanı I Hacı Gəray tərəfindən salınmış və ilk olaraq Hacıbəy kimi onun şərəfinə adlandırılmışdır.
Məşhur memar Kərbəlayi Səfixan Qarabaği tərəfindən tikilmiş tatar məscidi şəhərin mərkəzində müsəlman qəbiristanlığı yaxınlığında yerləşirdi. Sovet hakimiyyətinin gəlişi ilə Odessa müsəlmanlarının həyatı kəskin şəkildə dəyişir. Tatar mollası Sabirzyan Səfərov güllələnir; məscid bağlanır və sonra dağıdılır. Müsəlman qəbiristanlığı isə yerlə bir edilir.
Ərəb Mədəniyyət Mərkəzi suriyalı iş adamı Kivan Adnanın vəsaiti hesabına inşa edilib. Mərkəzdə yaşından və milliyyətindən asılı olmayaraq hər kəsə ərəb dilini öyrətmək üçün pulsuz məktəb və kitabxana fəaliyyət göstərir[4].
- ↑ "Al-Salam Mosque". Cityseeker. June 3, 2023 tarixində arxivləşdirilib. İstifadə tarixi: June 3, 2023.
- ↑ "The Al-Salam Mosque and Arabian Cultural Center are located in Odessa, Ukraine". Dreamstime. July 8, 2024 tarixində arxivləşdirilib. İstifadə tarixi: June 3, 2023.
- ↑ "Al Salam Mosque". Accidentally Wes Anderson. June 6, 2023 tarixində arxivləşdirilib. İstifadə tarixi: June 6, 2023.
- ↑ "Al Salam Mosque". Accidentally Wes Anderson. June 6, 2023 tarixində arxivləşdirilib. İstifadə tarixi: June 6, 2023.
