Əl-Mucəm əs-səğir (ərəb. المعجم الصغير) — Təbəraninin üç mucəmindən ən kiçiyi və ən qısası.
| Əl-Mucəm əs-səğir | |
|---|---|
| ərəb. المعجم الصغير | |
| Müəllif | Təbərani |
| Mövzu | hədis |
| Orijinalın dili | ərəb dili |
"Əl-Mucəm əs-səğir"də Təbərani 1161 müəllimin rəvayətlərini əlifba sırası ilə qeyd etmişdir. Əsərdə həmçinin Təbəraninin müəllimlərinin harada, nə vaxt hədis dinlədikləri və səyahət etdikləri yerlər haqqında əhatəli məlumatlar təqdim edilmişdir. Əsərdə hədislərin səhhətinə dair açıqlamalar, ravilər haqqında məlumatlar və rəvayət formaları da qeyd edilmişdir. "Əl-Mucəm əs-səğir"də Təbərani müəllimlərini üç başlıq altında cəmləmişdir. Bu müəllimlərdən 1154-ünün adını tam olaraq, 3-ünün künyələrini qeyd etmişdir. Son olaraq da hədis aldığı "müəllimələrinin" adlarını qeyd etmişdir.[1]
"Əl-Mucəm əs-səğir" iki cilddən ibarət olub,[2] müxtəlif tarix (1968, 1968, 1983, 1983, 1986 və s.) və yerlərdə (Mədinə, Qahirə, Beyrut və s.) dəfələrlə nəşr edilmişdir. Əsər üzərində müxtəlif tədqiqatlar aparılmış və türk dilinə tərcümə edilmişdir.[3]
- ↑ Palabıyık, Abdülkadir. "Taberânî ve 'el-Mu'cem'üs-sağîr' Adlı Eseri" (PDF). Dokuz Eylül Üniversitesi İlâhiyat Fakültesi Dergisi. XIV. 2001: 191–203.
- ↑ "كتاب المعجم الصغير للطبراني". Əl-Məktəbətü əş-Şamilə. 3 fevral 2026 tarixində arxivləşdirilib. İstifadə tarixi: 3 fevral 2026.
- ↑ Görmez, Mehmed. "Taberani". TDV İslâm Ansiklopedisi. 2010. 2026-09-12 tarixində arxivləşdirilib. İstifadə tarixi: 2026-09-12.