Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinəl-Müstədrək aləs-Səhiheyn (ərəb. المستدرك على الصحيحين) və ya əl-Müstədrək (ərəb. المستدرك) — hədis məcmuəsi.
| Əl-Müstədrək | |
|---|---|
| ərəb. الْمُسْتَدْرَكُ عَلَى الصَّحِيحَيْن | |
| Müəllif | Hakim ən-Nisaburi |
| Janr | hədis |
| Orijinalın dili | ərəb dili |
Məcmuənin müəllifi hədis hafizi olan Hakim ən-Nisaburidir.
Əsər Buxari və Müslümün öz əsərlərində yer vermədikləri səhih, vəhi, münkər və mövzu (uydurma) hədislərdən ibarətdir.[1][2] Zəhəbi "əl-Müstədrək"dəki hədisləri tədqiq etmiş və "Təlxisül-Müstədrək" adlı əsərində səhih (etibarlı) olmayan rəvayətləri qeyd etmişdir. Bununla da "əl-Müstədrək"in "Təlxis"siz anlamağın mümkünsüz olduğu qənaətinə gəlinmişdir. Əsərdəki rəvayətlərin ümumi sayı 8803-dür.[3]
Əsər, ilk dəfə Heydərabadda Zəhəbinin "Təlxisül-Müstədrək"i ilə birlikdə, dörd cildlik kitab halıda nəşr olunmuşdur (h.q. 1334–1342). Daha sonra əsərin bu nəşri dəfələrlə təkrarlanmışdır (I–IV, Riyad 1968). Əsər "əl-Müstədrək aləs-Səhiheyn fil-hədis" adı altında Mustafa Əbdülqadir Əta tərəfindən (I–IV, Beyrut 1990) və "əl-Müstədrək" adı altında (Zəhəbinin "Təlxis"i və bir fihrist ilə birlikdə) Yusif Əbdürrəhman Maraşlı tərəfindən (I–V, Beyrut-Hələb-Riyad 1986) nəşr olunmuşdur. Daha sonra Həmdi Dəmirdaş Məhəmməd tərəfindən "əl-Müstədrək aləs-Səhiheyn" adı altında on cilddə nəşr edilmişdir (Məkkə 2000).[3]
- ↑ Zəhəbi. Aləmün-Nubəla (ərəb). XVII. 175.
- ↑ Zəhəbi. Təzkiratül-hüffaz (ərəb). III. 1041–1045.
- ↑ 1 2 Hatiboğlu, İbrahim. "el-Müstedrek". TDV İslâm Ansiklopedisi. 2006. 17.10.2025 tarixində arxivləşdirilib. İstifadə tarixi: 17.10.2025.