Bu səhifədə iş davam etməkdədir. |
Əl-Fəraizür-Rəhbiyyə[1] (ərəb. الفرائض الرحبية) və ya ər-Rəhbiyyə[2] (ərəb. الرحبية) — İslamdakı miras hüququ (fəraiz) ilə bağlı ədəbi risalə.
| Əl-Fəraizür-Rəhbiyyə | |
|---|---|
| ərəb. الفرائض الرحبية | |
| Müəllif | İbn əl-Mütəqqinə |
| Mövzu | fəraiz |
| Orijinalın dili | ərəb dili |
Risalənin müəllifi Şafei fəqihi və şair olan İbn əl-Mütəqqinədir.
"Ər-Rəhbiyyə"nin əsl adı "Qunyətül-bəhis (Buğyətül-bəhis) ən cüməlil-məvaris"dir. Əsərin bir digər adları da "əl-Urcuzətür-Rəhbiyyə" ilə "əl-Mənzumətür-Rəhbiyyə"dir. Əsər daha çox "əl-Urcuzətür-Rəhbiyyə" adı ilə məşhurdur və 180 beytdən ibarətdir.
Əsər böyük rəğbət görmüş və son dövrlərdə İslam elm mühitlərində adətən əzbərlənməsi üçün "məcmuətu mütun" adı ilə bir yerə cəmlənən əsas dərs vəsaitləri (Əlfiyyə, Sülləm və s.) arasına daxil olmuşdur.
Əsər ilk dəfə şərqşünas Sir Uilyam Cons tərəfindən ingiliscə tərcüməsi ilə birlikdə nəşr olunmuşdur.[3] Bundan sonra 1876-ci ildən etibarən əsərin müxtəlif nəşrləri həyata keçirilmişdir (Qahirə: hicri 1273, 1276, 1280, 1295, 1303, 1323; İstanbul: hicri 1302).
- ↑ Bardakoğlu, Ali. "Feraiz". TDV İslâm Ansiklopedisi. 1995. 7 fevral 2026 tarixində arxivləşdirilib. İstifadə tarixi: 7 fevral 2026.
- ↑ Bedir, Murteza. "er-Rahbiye". TDV İslâm Ansiklopedisi. 2007. 7 fevral 2026 tarixində arxivləşdirilib. İstifadə tarixi: 7 fevral 2026.
- ↑ The Mahomedan Law of Succession to the Property of Intestates (ingilis). London. 1782.