Əl-İstiəb fi mərifətil-əshab (ərəb. الاستيعاب في معرفة الأصحاب)[1] və ya əl-İstiəb (ərəb. الاستيعاب) — İbn Əbdülbər ən-Nəməri tərəfindən səhabələrin həyatı haqqında qələmə alınmış əsər.
| Əl-İstiəb fi mərifətil-əshab | |
|---|---|
| ərəb. الاستيعاب في معرفة الأصحاب | |
| Müəllif | İbn Əbdülbərr ən-Nəməri |
| Mövzu | bioqrafiya |
| Orijinalın dili | ərəb dili |
"Əl-İstiəb fi mərifətil-əshab" səhabələrin həyatı ilə bağlı dövrümüzə qədər gəlib çatmış ilk əsərlərdən biridir. Əsərin müqəddiməsində səhabə məvhumu, səhabələrin ədaləti kimi mövzular izah edilmişdir. Əsər dörd bölmədən ibarət olub,[1] son bölmə qadın səhabələrə həsr edilmişdir. "Əl-İstiəb fi mərifətil-əshab"də bütün səhabələri əhatə etmədiyindən İbn Əbdülbərin tələbəsi Əbu Əli əl-Qəssani tərəfindən bir kitab daha yazılmışdır.[2] Əsərin nəşrlərindəki tərcümeyi-halların saylarında fərqliklər vardır. Bicavi nəşrində 4228, "əl-İsabə" ilə birgə nəşr olunan nüsxədə isə 3624 tərcümeyi-hal verilmişdir. İbn Həcər əl-Əsqəlani əsərdə 3500 ətrafında tərcümeyi-hal olduğunu qeyd etmişdir.[3] Əsərin qələmə alınmasında Musa ibn Uqbə, İbn İshaq, Vəqidi, Xəlifə ibn Xəyyat, Əhməd ibn Hənbəl, Buxari, Təbəri, Bağavi və başqalarının əsərlərindən bəhrələnilmişdir.
"Əl-İstiəb fi mərifətil-əshab" ilk dəfə Heydərabadda nəşr edilmişdir (I–II, 1900–1901).[4]
- 1 2 "كتاب الاستيعاب في معرفة الأصحاب - ت البجاوي". المكتبة الشاملة. 1 fevral 2026 tarixində arxivləşdirilib. İstifadə tarixi: 1 fevral 2026.
- ↑ Zəhəbi. Təzkirətül-hüffaz (ərəb). IV. Heydərabad. 1955–1958. 1234.
- ↑ Əl-Əsqəlani, İbn Həcər. Əl-İsabə fi təmyiz əs-səhabə (ərəb). I. Qahirə. hicri 1328. 3–4.
- ↑ Yardım, Ali. "el-İstiab". TDV İslâm Ansiklopedisi. 2001. 1 fevral 2026 tarixində arxivləşdirilib. İstifadə tarixi: 1 fevral 2026.