Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinƏlət Azad İqtisadi Zonası (ing. Alat Free Economic Zone) və ya qısaca ƏAİZ (ing. AFEZ) — Azərbaycan Respublikası tərkibində xüsusi iqtisadi zona.
| Ələt Azad İqtisadi Zonası | |||
|---|---|---|---|
|
|||
| Ümumi məlumatlar | |||
| Əsası qoyulub | 3 iyun 2021-ci il | ||
| İnternet saytı | afez.az | ||
Ələt Azad İqtisadi Zonası Qaradağ rayonunun Ələt qəsəbəsində yerləşir, ilkin dövrdə ərazisi 850 hektar (8.5 kvadrat kilometr) idi.[1] 2025-ci ildə iqtisadi zonanın ərazisi ən azı 6500 hektara (65 kvadrat kilometr) çatıb.[2]
Ələt Azad İqtisadi Zonası üçün 2017–2021-ci illərdə hüquqi baza yaradılmış, 2022–2023-cü illər iqtisadi zonanın ilkin fəaliyyət dövrü, 2024–2026-cı illər isə sistemli inkişaf dövrü olaraq planlaşdırılmışdır. İlkin fəaliyyət dövründə iqtisadi zonanın idarəetmə təşkilatının, sistemli inkişaf dövründə isə ərazidə sənaye parklarının yaradılması planlaşdırılmışdır. 2027-ci il və sonrası üçün isə iqtisadi zonanın tam fəaliyyət göstərməsi planlaşdırılır.[3]
Ələt Azad İqtisadi Zonası 3 iyun 2021-ci ildə Azərbaycan Prezidenti İlham Əliyevin fərmanı ilə yaradılmışdır. İqtisadi zonanın yaradılmasında əsas məqsəd daxili və xarici investorlar üçün əlverişli mühit yaratmaq, Azərbaycana sərmayə cəlb etməkdir. Ələt Azad İqtisadi Zonası Bakı Beynəlxalq Dəniz Ticarət Limanı, Bakı-Tbilisi-Qars dəmir yolu və beynəlxalq hava limanlarına yaxın yerləşir. Azərbaycanın "Azad İqtisadi Zonalar haqqında" qanunu ilə iqtisadi zonanın xüsusi inzibati və hüquqi rejimi, güzəştlər strukturu və gömrük qaydaları təyin edilir.[3] "Ələt Azad İqtisadi Zonasının İdarəetmə Təşkilatı" iqtisadi zonanı idarə edir, dövlət tabeliyindədir və birbaşa prezident administrasiyasına cavab verir.[3]
2026-cı ildə iqtisadi zonanın karqo hava limanı istifadəyə veriləcək.[4]
| Şəxs | Vəzifəsi | Səlahiyyətlərin başlanğıcı | Səlahiyyətlərin sonu | İstinad | |
|---|---|---|---|---|---|
| Valeh Ələsgərov | Ələt azad iqtisadi zonasının müvəqqəti idarəetmə qurumunun sədri | 25 noyabr 2019 | may 2020 | [5] | |
| Valeh Ələsgərov | Ələt azad iqtisadi zonasının səlahiyyətli qurumunun İdarə Heyətinin sədri | may 2020 | indiyə qədər | [6] | |
| Mikayıl Cabbarov |
|
Ələt azad iqtisadi zonası üzrə İşçi qrupunun rəhbəri | 2024 | indiyə qədər | [7] |
.jpg)
- ↑ "İlham Əliyev Ələt Azad İqtisadi Zonasının birinci mərhələsinin açılış mərasimində iştirak edib". İstifadə tarixi: 12 sentyabr 2025.
- ↑ "Valeh Ələsgərov: "Ələt Azad İqtisadi Zonasında 138 hektar ərazi investorlara təqdim ediləcək"". İstifadə tarixi: 12 sentyabr 2025.
- ↑ 1 2 3 "Ələt Azad İqtisadi Zona: Yaranması, İnkişafı, Strukturu". İstifadə tarixi: 12 sentyabr 2025.
- ↑ "Bakıda yeni hava limanı niyə vacibdir? - SƏBƏBLƏR". İstifadə tarixi: 12 sentyabr 2025.
- ↑ "Valeh Ələsgərov yeni vəzifəyə təyin olunub - SƏRƏNCAM". İstifadə tarixi: 12 sentyabr 2025.
- ↑ "Prezident sabiq deputatla bağlı sərəncam VERDİ". İstifadə tarixi: 12 sentyabr 2025.
- ↑ ""Ələt azad iqtisadi zonasının inkişafı ilə əlaqədar əlavə tədbirlər haqqında" Azərbaycan Respublikası Prezidentinin 2018-ci il 17 sentyabr tarixli 487 nömrəli Sərəncamında dəyişiklik edilməsi barədə Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 27 yanvar 2024 tarixində arxivləşdirilib. İstifadə tarixi: 27 yanvar 2024.