Əjdər Qüdrət oğlu Həmidov (28 sentyabr 1953, Aygünlü, Dəvəçi rayonu – 24 noyabr 2020, Bakı) — Azərbaycan teatr və kino aktyoru,[1] Azərbaycan Respublikasının xalq artisti (2018).
| Əjdər Həmidov | |
|---|---|
| Əjdər Qüdrət oğlu Həmidov | |
 | |
| Doğum tarixi | 28 sentyabr 1953 |
| Doğum yeri | |
| Vəfat tarixi | 24 noyabr 2020 (67 yaşında) |
| Vəfat yeri | |
| Vəfat səbəbi | insult |
| Milliyyəti | azərbaycanlı |
| Vətəndaşlığı |
 SSRİ→ Azərbaycan |
| Fəaliyyəti | aktyor |
| Mükafatları |
  |
| IMDb | ID1069157 |
Əjdər Həmidov 28 sentyabr 1953-cü ildə Şabran rayonunun (keçmiş Dəvəçi rayonun) Aygünlü kəndində anadan olmuşdur. 1979-cu ildə M.A.Əliyev adına Azərbaycan Dövlət İncəsənət İnstitutunun dram və kino aktyorluğu fakültəsini bitirmişdir. Təyinatla Sumqayıt Dövlət Musiqili Dram Teatrına göndərilən Ə.Həmidov bu teatrın səhnəsində bir sıra maraqlı rollar oynamışdır.
Onun Vəzir ("Lənkəran xanının vəziri" M.F.Axundov), ("Tamahkar" S.S.Axundov), Milis ("Bəxt üzüyü" V.Səmədoğlu), Məlik ("Adamın adamı" Anar), Sərsəri ("Bütün Şərq bilsin" N.Həsənzadə), Dursunəli ("Dursunəli və ballıbadı" S.M.Qənizadə) və s. kimi obrazları tamaşaçı rəğbəti qazanmışdır.
Ə.Həmidov 1990-cı ildə Akademik Milli Dram Teatrının aktyor heyətinə qəbul edilmişdir. Bu illər ərzində o, Şeytan ("Özümüzü kəsən qılınc" B.Vahabzadə), 1-ci kafir ("Burlaxatun" N.Xəzri), Daşdəmir ("Bu dünyanın adamları" Hidayət), Vanya Koxa ("Hökmdar və qızı" İ.Əfəndiyev), Məşədi Oruc ("Ölülər" C.Məmmədquluzadə), Şou-Zəli ("Hələ "sevirəm" deməmişdilər…" R.Novruz), Dito ("Kaş araba aşmayaydı" O.İoseliani) kimi müxtəlif janrlı obrazlar yaratmışdır.
Aktyor "Azərbaycanfilm"in istehsal etdiyi bir sıra filmlərdə uğurlu obrazlar yaratmışdır. "Kişi sözü"ndə Qasım, "Lətifə"də Əhməd, "Hacı Qara"da Kərəməli və başqa rolları onu tamaşaçıların sevimlisinə çevirmişdir. 2006-cı ildə çəkilmiş "Yoxlama" adlı çoxseriyalı televiziya filmindəki Müfəttiş obrazı sənətçiyə böyük uğur gətirmişdir.
Əjdər Həmidov 2002-ci ildə Azərbaycan Respublikasının Əməkdar Artisti, 27 may 2018-ci ildə Azərbaycanın xalq artisti fəxri adına layiq görülmüşdür.[2] 30 aprel 2014-cü ildə,[3] 6 may 2015-ci ildə[4], 6 may 2016-cı ildə[5], 1 may 2017-ci ildə[6], 9 may 2018-ci ildə[7], 10 may 2019-cu ildə[8] və 7 may 2020-ci ildə[9] Prezident Mükafatına layiq görülmüşdür.
Əjdər Həmidov 2020-ci il noyabr ayının 24-də Kliniki Tibbi Mərkəzdə insultdan vəfat edib.[10][11]
- Şeytan ("Özümüzü kəsən qılınc", Bəxtiyar Vahabzadə)
- 1-ci kafir ("Burlaxatun", Nəbi Xəzri)
- Daşdəmir ("Bu dünyanın adamları", Hidayət)
- Vanya Koxa ("Hökmdar və qızı", İlyas Əfəndiyev)
- Məşədi Oruc ("Ölülər", Cəlil Məmmədquluzadə)
- Şou-Zəli ("Hələ "sevirəm" deməmişdilər…", Ramiz Novruz)
- Dito ("Kaş araba aşmayaydı", O. İoseliani)
- Nəcəf ("Qürbətdən gələn məktublar", Həsən Həsənov)
- Vasa dayı ("Nazirin xanımı", Branislav Nuşiç)
- Almurad ("Mənim günahım", İlyas Əfəndiyev)
- Polis ("Generalın son əmri", Vaqif Səmədoğlu)
- Hacı Kazım ("Ölülər", Cəlil Məmmədquluzadə)
- Balarza ("Almaz", Cəfər Cabbarlı)
- Aramızda qalsın (film, 2011-2013) (bədii serial) — rol: Sabir
- Azarkeş (film, 2008) — rol: Argentina Murtuz
- Canavar balası — rol: Vazgen
- Dünən, bu gün, sabah (film, 1992) - rol: Qasım
- Gənc qadının kişisi (film, 1988) - rol: Əsgərov
- Girişmə, öldürər! (film, 1990) - rol: Əjdər
- Hacı Qara (film, 2002) — rol: Kərəməli
- Hər şey yaxşılığa doğru - rol: zabit
- Heydər Əliyev (film)
- Kişi sözü (film, 1987) - rol: Qasım
- Lətifə (film, 1989) - rol: Əhməd
- Məhəllə (film, 2003) - rol: taksi sürücüsü
- Mənim ağ şəhərim (film, 1993) - rol: Muradovun sürücüsü
- Milli bomba (film, 2004) - rol: Məmməd
- Sahilsiz gecə (film, 1989) - film səsləndirən: Sürücü
- Şirin bülbül (film, 2000) - rol: Səftər
- Təlatüm (film, 2006) - rol: Kamil Şabanov
- Tənha durna uçuşu (film, 2003) - rol: Sürücü
- Yerlə göy arasında (film, 1999)
- Yoxlama (film, 2006) - rol: Habil
- ↑ Həmidov, Ə. Heç vaxt hansısa rolun arzusunda olmamışam: [Əməkdar artist Əjdər Həmidovla sənət yolu barədə müsahibə] //Üç nöqtə.- 2011.- 12 fevral.- S.15.
- ↑ President.Az. "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (az.). President.az. 27.05.2018. 2020-03-05 tarixində arxivləşdirilib. İstifadə tarixi: 2018-05-27.
- ↑ "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2018-04-07 tarixində arxivləşdirilib. İstifadə tarixi: 2014-04-30.
- ↑ "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2018-12-27 tarixində arxivləşdirilib. İstifadə tarixi: 2015-09-01.
- ↑ "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2017-07-23 tarixində arxivləşdirilib. İstifadə tarixi: 2016-05-06.
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 01.05.2017. 2017-05-04 tarixində arxivləşdirilib. İstifadə tarixi: 2017-05-02.
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 09.05.2018. 2018-06-12 tarixində arxivləşdirilib. İstifadə tarixi: 2018-05-10.
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 10.05.2019. 2019-05-11 tarixində arxivləşdirilib. İstifadə tarixi: 2019-05-10.
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 07.05.2020. 2020-09-18 tarixində arxivləşdirilib. İstifadə tarixi: 2020-05-07.
- ↑ "Xalq artisti Əjdər Həmidov vəfat edib" (az.). apa.az. 24.11.2020. 2021-01-25 tarixində arxivləşdirilib. İstifadə tarixi: 24.11.2020.
- ↑ "Əjdər Həmidov vəfat etdi". qafqazinfo.az. 2020-11-24. 2020-11-26 tarixində arxivləşdirilib. İstifadə tarixi: 2020-11-24.
- Əjdər Həmidov
- "Aktyorun sənətdə olması onun yaşaması deməkdir: Əjdər Həmidov: Mən qoçalmışamsa, filmdə cavan obrazı canlandırmayacam ki, ata-baba obrazını oynayacam" //Üç nöqtə.- 2015.- 8 aprel.- S.13.