Əhməd Ziya Akbulut (türk. Ahmet Ziya Akbulut; 27 iyun 1869, İstanbul – 17 aprel 1938, İstanbul) — Türkiyə rəssamı və xəttatı.
| Əhməd Ziya Ağbulud | |
|---|---|
 | |
| Doğum tarixi | 27 iyun 1869 |
| Doğum yeri | |
| Vəfat tarixi | 17 aprel 1938 (68 yaşında) |
| Vəfat yeri | |
| Fəaliyyəti | rəssam |
| Təhsili |
|
 Vikianbarda əlaqəli mediafayllar | |
O, 1887-ci ildə Hərbiyə Məktəbini bitirmişdir. İlk sənət zövqünü Kuleli Hərbi Liseyində Osman Nuri Paşadan, Hərbiyədə isə Xoca Əli Rza bəydən almışdır. Məzuniyyətdən sonra Ərkanı-Hərbiyyə rəsimxanasına təyin edilmiş və 1894-cü ilə qədər burada çalışmışdır. Həmin ildə kapitan rütbəsinə yüksəldikdən sonra Osman Nuri Paşaya köməkçi qismində Kuleli Hərbi Liseyinə göndərilmişdir. 1894-cü ildə "Aməli Mənazir", 1896-cı ildə isə "Üsulu Aməliyyəyii-Fənni Mənazir" adlı əsərlərini nəşr etdirmişdir.[1]
Əhməd Ziya Ağbulud incəsənətlə yanaşı, riyaziyyat və astronomiyaya da xüsusi maraq göstərmişdir. "Təqvimi-Ziya" adlı təqvimi tərtib etmiş və nəşr etdirmişdir. Eyni zamanda perspektiv üzrə mütəxəssis kimi tanınmış, bu sahədəki bacarığı onun əsərlərində də öz əksini tapmışdır. 1898-ci ildə Məkatibi-Əskəriyyə mətbəəsinin müdiri vəzifəsinə təyin edilmiş, 1905-ci ildə minbaşı rütbəsinə yüksəlmişdir. 1913-cü ildə yaradılmış Osmanlı Rəssamlar Cəmiyyətinin sədri seçilmişdir. Cəmiyyətin qəzetində perspektiv dərsləri vermiş, 1914-cü ildə isə hərbi xidmətdən təqaüdə ayrılmışdır. Bundan sonra Sənayiyi-Nəfisə Məktəbində Ülumu Riyaziyyə (riyaziyyat) və Fənni Mənazir (perspektiv) müəllimi kimi fəaliyyətə başlamışdır. 1938-ci ilədək bu müəssisədə xidmət etmiş, son ilində direktor müavini vəzifəsini də icra etmişdir. Keçmiş Bəyazid imarəti, Sultan Əhməd məscidi və Mihrimah Sultan məscidi onun əsas əsərləri sırasında yer almışdır.[2]
Əhməd Ziya Ağbulud 1937-ci ildə İstanbul Rəsm və Heykəl Muzeyi açılanadək və Mustafa Kamal Atatürkün göstərişi ilə hər bir rəssamın bu muzeyə bir və ya iki əsər bağışlamasına qədər geniş şəkildə tanınmayan sənətkar kimi qalmışdır. Dövrünün sənət mühitində o, daha çox rəssamdan ziyadə perspektiv müəllimi kimi qəbul edilmişdir.[3]
"Sultan Əhməd məscidi" adlı əsəri onun müəllimi Osman Həmdi bəy tərəfindən məzuniyyət işi kimi verilmiş tablo olmuşdur. Əhməd Ziya bu əsəri hazırlayan zaman həftələrlə At meydanına getmiş və açıq havada, Dikilitaş istiqamətindən məscidin təsvirini yaratmışdır, lakin giriş qapısının üst hissəsi ona çox sadə göründüyü üçün bu boşluğu memarlıq elementi olan şənşinlə doldurmuşdur. Rəsmləri dəyərləndirən Osman Həmdi bəy təbiətə müdaxilə edilməsinin düzgün olmadığı əsasını gətirərək əsərin qiymətini aşağı salmışdır.[4]
Əhməd Ziya Ağbulud Sənayiyi-Nəfisə Məktəbində direktor müavini vəzifəsini icra etdiyi dövrdə, 1938-ci ildə vəfat etmişdir.[5]
- ↑ http://frmsinsi.net/showthread.php?t=141700
- ↑ "Ahmet Ziya Akbulut (1869 - 1938) | Türk Ressam - Forum Gerçek".
- ↑ http://www.weblopedi.com/ahmet-ziya-akbulut
- ↑ "Hattat Ahmed Ziya Akbulut kimdir? Ahmed Ziya Akbulut hayatı ve eserleri". ketebe.org (türk). 5 iyul 2022 tarixində arxivləşdirilib.
- ↑ "Ahmet Ziya Akbulut". guzelsanatlar.kulturturizm.gov.tr (türk). 23 fevral 2016 tarixində arxivləşdirilib.