Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinƏhməd Həmdi Tanpınar ədəbiyyat muzey-kitabxanası (türk. Ahmet Hamdi Tanpınar Edebiyat Müze Kütüphanesi) — Türk yazıçısı Əhməd Həmdi Tanpınarın (1901-1962) adına ədəbiyyat muzeyi və arxivi. Muzey İstanbulda yerləşir, Türkiyə Mədəniyyət və Turizm Nazirliyi tərəfindən yaradılıb. Açılışı 2011-ci il noyabrın 12-də reallaşıb.[1][2][3][4][5].
| Əhməd Həmdi Tanpınar ədəbiyyat muzey-kitabxanası | |
|---|---|
| türk. Ahmet Hamdi Tanpınar Edebiyat Müze Kütüphanesi | |
.JPG) Muzeyin binasının xarici görünüşü | |
 | |
| Əsası qoyulub | 12 noyabr 2011 |
| Açılış tarixi | 12 noyabr 2011 |
| Təsisçi | Türkiyə Mədəniyyət və Turizm Nazirliyi |
| Mövzu | Əhməd Həmdi Tanpınar |
| Ölkə |
 Türkiyə |
| Yerləşir | Gülhanə parkı |
| Ünvan | Gülhanə parkı, Fateh, İstanbul |
| 41°00′39″ şm. e. 28°58′41″ ş. u. | |
Muzey, XIX əsrdə inşa edilmiş "Alay Köşkü" tarixi binasında, Topqapı sarayı kompleksinin bir hissəsi olan Gülhanə parkının yaxınlığında yerləşir.[3][4][6][7][8] Osmanlı sultanları əvvəllər bu binada yeniçəri paradlarına ev sahibliyi edirdilər.[6][8] 1910-cu illərdən bəri Gözəl Sənətlər Dərnəyi tərəfindən istifadə olunur.[8] 1928-ci ildən 1940-cı illərin sonlarına qədər binada Türk Dili və Ədəbiyyatı Dərnəyi üzvlərinin iclasları keçirilirdi.[6][7][8]
Zirzəmidə iki otaq və bir vestibül var.[8] Birinci mərtəbədə keçmiş taxt otağı, iki salon və üç otaq yerləşir.[8] Zirzəmi hazırda kafeyə çevrilmişdir.[3] O, ədəbiyyat sahəsində mükafat almış kitablardan ibarət sərginin yer aldığı "Yazıçılar Kafesi" kimi tanınır.[1][2] Üst mərtəbədə İstanbulda anadan olan türk yazıçılarına həsr olunmuş 50-yə yaxın guşə var. Burada bəzi yazıçı və şairlərin bəzilərinin büstləri qoyulmuşdur.[2] Büstü qoyulan yazıçılar arasında Əhməd Həmdi Tanpınardan əlavə Yəhya Kamal Bəyatlı, Nazim Hikmət, Nejip Kysakürek, Əziz Nesin, Orxan Pamuk, Aişə Kulin, Zülfü Livaneli və Doğan Hyzlanın adlarını qeyd etmək olar.[1][6][8]
Muzey-kitabxana həmçinin türk yazıçılarının və şairlərin müzakirələri üçün bir yerdir. Burda ədəbiyyat sahəsində mükafatlar da təqdim olunur.[6][7] Muzeydəki kitabxanada İstanbul haqqında minə yaxın kitab və əsər vardır.[1][2][3][6][8] Üstəlik burda digər sənət sahələri ilə bağlı 100-ə yaxın müxtəlif dövri nəşrin sayı da daxil olmaqla səkkiz minə yaxın kitab saxlanılır. Həm də muzeydə vaxtaşırı sənət sərgiləri keçirilir.[8]
Türkiyənin mədəniyyət və turizm naziri Ərtoğrul Günayın açıqlamasına görə, bu muzey Türkiyənin yeddi bölgəsində yerləşən yeddi ədəbiyyat kitabxana muzeyi şəbəkəsindən biridir. Digər altı muzey sırasına - Ankaradakı Mehmet Akif Ərsoyun Ədəbiyyat Muzeyi-Kitabxanası, Diyarbəkirdə Əhməd Arifin Ədəbiyyat Muzeyi-Kitabxanası, Adanadakı Qaracaoğlanın Ədəbiyyat Muzeyi-Kitabxanası, Ərzurumdakı Ərzurumlu Əmrahın Ədəbiyyat Muzeyi-Kitabxanası, Attila İlhanın İzmirdəki Ədəbiyyat Muzeyi-Kitabxanası və nəhayət Trabzonda Bedri Rahmi Eyüboğlunun Ədəbiyyat Muzeyi-Kitabxanası daxildir.
-
Binanın dairəvi köşkü -
Binanın Park tərəfdən girişi -
Binanın daxili interyeri -
Binanın xarici görünüşü -
Binanın daxili otaqlarından biri -
Akdeniz köşkü Divar boyası -
Zirzəmidəki otaq
- ↑ 1 2 3 4 "İstanbul's Tanpınar Literature Museum-Library opens". tr:Today's Zaman. 13 noyabr 2011. 27 fevral 2014 tarixində arxivləşdirilib. İstifadə tarixi: 23 fevral 2014.
- ↑ 1 2 3 4 "Ahmet Hamdi Tanpınar Edebiyat Müzesi açıldı" (türk). Sabah. 14 noyabr 2011. 3 mart 2014 tarixində arxivləşdirilib. İstifadə tarixi: 23 fevral 2014.
- ↑ 1 2 3 4 "Tanpınar Edebiyat Müzesi açıldı" (türk). Haber 7. 13 noyabr 2011. 27 fevral 2014 tarixində arxivləşdirilib. İstifadə tarixi: 23 fevral 2014.
- ↑ 1 2 "İstanbul Ahmet Hamdi Tanpınar Edebiyat Müze Kütüphanesi 12 Kasım 2011 Cumartesi günü, saat 16.00'da, Açılıyor" (türk). T.C. Kültür ve Turizm Baknalığı. 5 mart 2014 tarixində arxivləşdirilib. İstifadə tarixi: 23 fevral 2014.
- ↑ Journal, M. F.; MuseumFind.com. "Ahmet Hamdi Tanpınar Literature Museum Library (Istanbul Province, Fatih)". MuseumFind.com (ingilis). 17 oktyabr 2025. İstifadə tarixi: 18 oktyabr 2025.
- ↑ 1 2 3 4 5 6 "Tanpınar museum and library: Shrine for Turkish literature". tr:Hürriyet Daily News. 21 fevral 2014. 27 fevral 2014 tarixində arxivləşdirilib. İstifadə tarixi: 23 fevral 2014.
- ↑ 1 2 3 "Ahmet Hamdi Tanpınar Edebiyat Müze Kütüphanesi" (türk). Edebiyat Kültür. 27 fevral 2014 tarixində arxivləşdirilib. İstifadə tarixi: 23 fevral 2014.
- ↑ 1 2 3 4 5 6 7 8 9 Inan, Faysal. "Ahmet Hamdi Tanpınar Edebiyat Müze Kütüphanesi" (türk). 27 fevral 2014 tarixində arxivləşdirilib. İstifadə tarixi: 23 fevral 2014.