Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Əhməd Hüseyn Ədl (1898, Təbriz – 1962) — Kənd Təsərrüfatı naziri, Kərəc Kənd Təsərrüfatı Məktəbinin təsisçisi , İran müasir kənd təsərrüfatının yaradıcılarından biri.[1] Ədllər ailəsinə mənsub olmuşdur.
| Əhməd Hüseyn Ədl | |
|---|---|
| Şəxsi məlumatlar | |
| Doğum tarixi | 1898 |
| Doğum yeri | |
| Vəfat tarixi | 1962 |
| Fəaliyyəti | siyasətçi, akademik heyət |
Əhməd Hüseyn Ədl 1898-ci ildə Təbrizdə dünyaya gəlmişdir. Atası Mirzə Məsud xan Ədlülmülk və babası Hacı Seyid Hüseyn xan Şamqazani Azərbaycanın mülkiyyətçiləri və zənginlərindən idilər.
1963-cü ildə İsfahandan Tehrana gedərkən avtomobil qəzasında vəfat etmişdir.
Orta təhsili aldıqdan sonra ali təhsil almaq üçün Fransaya yollanmışdır. Orada kənd təsərrüfatı üzrə ali təhsil almışdır.[2] 1922-ci ildə ali təhsili başa vurduqdan sonra İrana geri dönmüşdür.
O, üç dəfə Əhməd Qəvamın müxtəlif kabinetlərində, bir dəfə Mirzə İbrahim xan Həkiminin kabinetində və bir dəfədə Fəzlullah Zahidinin kabinetində İranın kənd təsərrüfatı naziri təyin edilib, o həmçinin İsfahan Sənayeçiləri İttifaqının prezidenti olmuşdur. Əhməd Hüseyn Ədl İranın yeni kənd təsərüfatının atası kimi tanınır.[1]
1922-ci ildə xaricdən geri döndükdən sonra İctimai Münasibətlər nazirliyində işləməyə başlamışdır. 1930-cu ildə Aqronomiya Kollecində direktor kimi çalışmağa başlamışdır. Kəracdakı Kənd Təsərrüfatı fakültəsində müəllim kimi çalışmışdır. Sonradan Fəzlullah Zahidinin hökumət kabinetində kənd təsərrüfatı naziri kimi çalışdıqdan sonra özəl sahədə çalışmağa başlamışdır.[1]
Onun əsasını qoyduğu Kərac Kənd Təsərrüfatı Məktəbi sonradan Tehran Universitetinin tərkibinə qatılmışdır.[3]
- ↑ 1 2 3 Bāqer ʿĀqeli. "ADL, Aḥmad-Ḥosayn". Iranica Online. 2022-05-17 tarixində arxivləşdirilib.
- ↑ "عدل، احمدحسین". Rasekhoon.net. 2013-05-02 tarixində arxivləşdirilib. İstifadə tarixi: 2014-02-17.
- ↑ "Archive of SID" (PDF). Sid.ir. 2015-09-24 tarixində arxivləşdirilib (PDF). İstifadə tarixi: 2014-02-17.