Əhməd Cəlilov (d.1913, Qazax qəzası, II Şıxlı kəndi - ö. 1992) — Qazax Müəllimlər Seminariyasının direktoru (1947-1950 və 1954-1959).[1]
| Əhməd Cəlilov | |
|---|---|
| Doğum tarixi | |
| Doğum yeri | Qazax qəzası, II Şıxlı kəndi |
| Vəfat tarixi | |
Əhməd Cəlilov Məhəmməd oğlu 1913-cü ildə Qazax qəzasınin 2-ci Şıxlı kəndində zəhmətkeş bir ailədə dünyaya gəlmişdir. Atası çoban, anası evdar qadın olub. Onların üç oğlundan biri Əhməd müəllimin qardaşı Cəlilov Cəmil Gəncə Texnikumunu bitirmiş, İkinci Dünya Müharibəsində iştirak etmiş və bir sıra medallarla təltif edilmişdir. Ortancıl qardaşı Cəlal Gəncə Kənd Təsərrüfatı İnstitutunu bitirmiş və aqranom kimi fəaliyyət göstərmişdir. Ailənin ən kiçiyi Əhməd Cəlilov pedaqoji fəaliyyətlə məşğul olmuşdur.[1]
Əhməd Cəlilov 1932-ci ildə Qazax Pedaqoji Məktəbinə qəbul olmuş və 1935-ci ildə oranı uğurla başa vurmuşdur. Daha sonra,1935-1940-ci illər arasında Azərbaycan Dövlət Universitetində təhsil almış, lakin ali təhsilini tamamlaya bilməmişdir. 1940-cı ildə Azərbaycan SSR Maarif Komissarlığında metodist vəzifəsində işləməyə başlamışdır. Müharibədən qayıtdıqdan sonra 1946-cı ildə Qazax Müəllimlər Seminariyasında həm müəllim, həm də qiyabi şöbənin müdiri vəzifəsində çalışmışdır.[2] Qazax Pedaqoji Məktəbi internat məktəbinə çevrildikdən sonra Əhməd Cəlilov bu məktəbin təşkilatçısı və ilk direktoru olmuşdur. 1965-ci ildən başlayaraq tədris- istehsalat sahəsində direktor kimi çalışmış, şəhərin mədəni həyatında böyük rolu olmuşdur və uşaq bağçasının rəhbər vəzifələrində çalışmışdır. 1974-cü ildən təqaüdə çıxmışdır. Əhməd Cəlilov Qazax maarifinin təşkilatı və ən çətin dövrlərdə aparıcı simalarından biri olub. O, yalnız pedaqoq deyil, həm də nümunəvi ailə başçısı olmuşdur. Onun yoldaşı Şahnabat xanım da tanınmış ziyalı idi – müəllim, məktəb direktoru, Ali Sovetin deputatı, Qazax rayon partiyasının katibi, bir sıra orden və medallarla təltif edilib. Bu səmimi və maarifpərvər ailənin övladları da yüksək uğurlar Oğulları Cəlilov Həmzə mühəndis-texnoloq olmuş, böyük mühəndis və direktor vəzifələrində çalışmış, adını layiqincə davam etdirmişdir. Qızlarından Cəlilova Tünzalə Qarayev adına uşaq xəstəxanasının həkimlərindən biridir. Digər qızı Cəlilova Teyyubə Azərbaycan Dövlət İnstitutunu işə diplomla bitirmiş, onu dil mütəxəssi etmişdir. Əhməd Cəlilovun nəvələrindən Şahnabat da Odlar Yurdu Universitetinin işçisidir. Cəlilov Əhmədin xatirələrindən aydın olur ki, xalq şairi Osman Sarıvəlli ilə ömrü boyu yaxın dostluq münasibətləri olub və bu münasibət onların ömrünün sonuna qədər davam edib.
- ↑ 1 2 3 Seyidov Fikrət. Maarifimizin təkrarsız xəzinəsi. II kitab. Bakı, 2001, s. 162-163
- ↑ Mərdanov, Misir. "İlk milli seminariya: Qazax Müəllimlər Seminariyası". 525-ci qəzet. 2018, 8 dekabr. İstifadə tarixi: 30 may, 2025.