| Əfqan Cəlilov | |
|---|---|
 | |
Vəzifədədir | |
| 16 yanvar 2026-cı ildən |
Əfqan Cəlilov (azərb. Cəlilov Əfqan Süleyman oğlu; d. 1978) — “Azərbaycan Xəzər Dəniz Gəmiçiliyi” Qapalı Səhmdar Cəmiyyətinin sədridir.[1]
Əfqan Süleyman oğlu Cəlilov 1978-ci ildə anadan olub. 1995–2001-ci illərdə Azərbaycan Dövlət İqtisad Universitetinin İqtisadiyyatın tənzimlənməsi fakültəsində bakalavr təhsili alıb, daha sonra qiymət və qiymətin əmələ gəlməsi ixtisası üzrə magistr dərəcəsini fərqlənmə diplomu ilə bitirib.[2]
2002–2005-ci illərdə Azərbaycan Milli Bankının Bazar əməliyyatları departamentində çalışıb.
2005–2013-cü illərdə “AGBank” ASC-də Metodologiya şöbəsinin rəisi, İnkişaf departamentinin direktoru, Maliyyə nəzarəti üzrə baş direktor vəzifələrində işləyib.
2013-cü ildə “AGBank” ASC-də İdarə Heyəti sədrinin müavini təyin olunub. 2016–2020-ci illərdə isə bankın İdarə Heyətinin sədri vəzifəsində çalışıb.
2021–2023-cü illərdə Rəqəmsal İnkişaf və Nəqliyyat Nazirliyinin tabeliyində olan “Azərpoçt” MMC-nin İdarə Heyətinin sədri olub.[3]
Bu dövrdə “Azərpoçt”un bank lisenziyası alması məsələləri ilə bağlı Azərbaycan Mərkəzi Bankı ilə müzakirələr aparılıb.[4]
30 oktyabr 2023-cü ildə Dövlət Dəniz və Liman Agentliyinin İdarə Heyətinin sədr müavini vəzifəsinə təyin edilib və Agentliyin İdarə Heyətinin sədrinin müvəqqəti vəzifəsini icra edib.[5]
7 noyabr 2024-cü ildə Azərbaycan Respublikası Prezidentinin Sərəncamı ilə “Azərbaycan Nəqliyyat və Kommunikasiya Holdinqi” publik hüquqi şəxsin Müşahidə Şurasının üzvü təyin olunub.
16 yanvar 2026-cı ildə Azərbaycan Respublikası Prezidentinin Sərəncamı ilə “Azərbaycan Xəzər Dəniz Gəmiçiliyi” Qapalı Səhmdar Cəmiyyətinin sədri təyin edilib.[6]
2013-cü ildə Beynəlxalq Sertifikatlaşdırılmış Mühasiblər Assosiasiyası (ACCA) tərəfindən Beynəlxalq Maliyyə Hesabatı üzrə diplomla təltif olunub.
- ↑ "Azərbaycan Respublikası Prezidentinin Sərəncamı" (az.). president.az.
- ↑ "Əfqan Cəlilov" (az.). azcon.gov.az.
- ↑ ""Azərpoçt"un rəhbəri dəyişib". Report.az (az.).
- ↑ "Əfqan Cəlilov: "Azərpoçt"un bank lisenziyasının alınması üçün AMB ilə daha geniş müzakirə aparılmalıdır". Report.az (az.).
- ↑ "Rauf Vəliyev vəzifəsindən azad edilib, "Xəzər Dəniz Gəmiçiliyinə" yeni sədr təyin olunub". APA.az (az.).
- ↑ "Azərbaycan Respublikası Prezidentinin Sərəncamı" (az.). president.az.