Əflatun Məmmədov (tam adı: Məmmədov Əflatun Məsim oğlu; 1 may 1964, Ermənistan SSR) — Azərbaycan mühəndisi, informasiya və rabitə sahəsində dövlət xadimi, keçmiş yüksək vəzifəli məmur.
| Əflatun Məmmədov |
|---|
Əflatun Məmmədov 1 may 1964-cü ildə Ermənistan SSR-də anadan olmuşdur.
1986-cı ildə Azərbaycan Respublikası Ç.İldırım adına Politexnik İnstitutunun "Elektrotexnika" fakültəsini bitirmişdir.
1991–1995-ci illərdə Türkiyə Cümhuriyyəti Mərmərə Universitetində "Sənaye mühəndisliyi" üzrə magistr təhsili almışdır.
Əmək fəaliyyətinə 1986-cı ildə Rabitə Nazirliyinin Elmi-Tədris laboratoriyasında mühəndis kimi başlamışdır. Daha sonra "Rabitə Keyfiyyətinə Nəzarət Qrupu" üzrə böyük mühəndis vəzifəsində çalışmışdır.
1991–1999-cu illərdə özəl sektorda müxtəlif rəhbər vəzifələrdə çalışmışdır.
1999–2001-ci illərdə Azərbaycan Respublikası rabitə nazirinin texniki məsələlər üzrə müşaviri olmuşdur.
2001-ci ildən Rabitə Nazirliyinin Mərkəzi Aparatında Telekommunikasiya şöbəsinin rəisi,
2005-ci ildən Telekommunikasiya və İnformasiya Texnologiyaları şöbəsinin rəisi,
2006-cı ildən Dövlət müəssisələrinin fəaliyyətinin əlaqələndirmə şöbəsinin müdiri vəzifələrində işləmişdir.
2007–2016-cı illərdə Rabitə Nazirliyinin Dövlət Radiotezliklər İdarəsinin rəisi vəzifəsində çalışmışdır.
2016-cı ilin oktyabr ayından Vergilər nazirinin müşaviri vəzifəsində işləmişdir.
2018-ci ildən struktur islahatları səbəbilə nazirliyin sərəncamına götürülmüş, 2020-ci ilin yanvarında öz ərizəsi ilə vəzifədən azad olunmuşdur.
Əflatun Məmmədov rus, ingilis, türk və erməni dillərini bilir.
O, dzyu-do üzrə idman ustalığına namizəddir.
Ailəlidir, üç övladı var.